CAA-NRC: महाविकास आघाडीत धुसफूस, पण फडणवीसांकडून मुख्यमंत्र्यांचं अभिनंदन

मुंबई : महाविकास आघाडी सरकारला तीन महिने झाले पण अजूनही त्यांना सूर गवसलेला नाही. विरोधकांशी संवाद साधण्यासाठी चहापान ठेवलं पण या तीन पक्षांमध्येच विसंवाद असल्याची टीका विरोधी पक्षनेते देवेंद्र फडणवीस यांनी केली आहे. ठाकरे सरकारच्या पहिल्या अर्थसंकल्पीय अधिवेशनापूर्वी आज भाजपची बैठक पार पडली. त्यानंतर झालेल्या पत्रकार परिषदेत फडणवीसांनी सरकारवर जोरदार हल्ला चढवला. यावेळी कर्जमाफी, तूर आणि भात खरेदी, बाजार समिती निवडणुकीतून शेतकऱ्यांना दूर करणं या मुद्द्यावरुन सरकारला घेणार असल्याचा इशारा फडणवीसांनी दिला.

#मुंबई: विधिमंडळाच्या अर्थसंकल्पीय अधिवेशनाच्या पूर्वसंध्येला महाविकास आघाडी सरकारनं आज आयोजित केलेल्या चहापानाच्या कार्यक्रमावर विरोधी पक्ष भाजपनं बहिष्कार टाकला आहे.#BudgetSession #ThackerayGovt pic.twitter.com/p92dDeHGDy

— महाराष्ट्रनामा न्यूज (@MahanamaNews) February 23, 2020

यांच्यात ‘दिशा ठरत नाही आणि त्यांना सूरही गवसत नाही अशी नव्या सरकारची अवस्था आहे. त्यांच्यातच विसंवाद आहे. सरकारनं शेतकऱ्यांची मोठी फसवणूक केली आहे. अवकाळी पावसामुळे नुकसान झालेल्या शेतकऱ्यांना काहीही मदत मिळालेली नाही. ज्या कर्जमाफीला नावे ठेवली, तीच पद्धत त्यांनी अंमलात आणली. कर्जमाफीमध्ये केवळ पीककर्जाचा समावेश आहे. शेडनेट, पशुपालन अशा कर्जाचा यात समावेश करण्यात आलेला नाही. ही फसवणूक आहे. अशा परिस्थितीत आम्ही सरकारच्या चहापानाला जाऊ शकत नाही, असं फडणवीस म्हणाले.

विरोधी पक्षनेते देवेंद्र फडणवीस यांनी सीएए आणि एनपीआर कायद्याबाबत घेतलेल्या भूमिकेचं स्वागत केलं आहे. तर राष्ट्रवादी काँग्रेसची सीएए आणि एनपीआरची भूमिका अजून स्पष्ट नाही. पण त्यांनी जर काही अटी शर्तींसह या कायद्याला समर्थन दिलं तर त्यांचे स्वागतच.

तसेच फडणवीसांनी एल्गार परिषद प्रकरणाचा तपास NIA कडे सोपवण्याच्या निर्णयाचं देखील स्वागत केलं आहे. एल्गार परिषद आणि कोरेगाव भीमा प्रकरण एकच आहे हे आतापर्यंतच्या तपासातून स्पष्ट होतं आहे. मात्र शरद पवारांच्या वक्तव्यातून बुद्धी भेद करण्याचा प्रयत्न होत असल्याचंही फडणवीस म्हणाले.

त्याचसोबत राज्य सरकारकडून मागील काळातील निर्णय रद्द केले जात आहे त्यावरुनही विरोधी पक्षाने टीका केली. सर्व चांगल्या कामांना स्थगिती देण्याचा प्रकार वाढला आहे. जलयुक्त शिवार सरकार बंद जरूर करेल, पण जनता ती बंद होऊ देणार नाही. जलयुक्त शिवार असो की वृक्षारोपण आम्ही कोणत्याही प्रकारच्या चौकशीला घाबरत नाही. जाणीवपूर्वक लोकांच्या मनात संभ्रम निर्माण करण्याचा प्रयत्न आहे असा आरोप विरोधकांनी केला.

News English Summery:  Opposition Leader Devendra Fadnavis has welcomed the role taken by CAA and NPR law. The role of CAA and NPR of the NCP is not yet clear. But if they support this law with certain conditions, they are welcome. Fadnavis also welcomed the decision to hand over the Elgar Council case to the NIA. The investigation so far shows that the Elgar Council and the Koregaon Bhima case are the same. However, Sharad Pawar’s statement is trying to distinguish the intellect, Fadnavis said.

Web Title: Story Opposition leader Devendra Fadnavis congratulates CM Uddhav Thackeray over stand about CAA and NRC.