शर्मिला राज ठाकरे यांच्याकडून पोलिसांना पीपीई किट वाटप; पोलिसांची सुरक्षा महत्वाची

मुंबई, १२ एप्रिल: राज्यातील करोनाचं संकट काही कमी होताना दिसत नाही. राज्यात गेल्या २४ तासांत १८७ नवे करोना रुग्ण सापडल्याने राज्यातील करोना रुग्णांची संख्या १८९५वर गेली आहे. त्यामुळे आरोग्य यंत्रणेसमोरी आव्हान आणखी वाढले आहे.

एकीकडे कोरोनाचे संकट गहिरे होत असताना दुसरीकडे राज्य सरकारी कर्मचाऱ्यांचे पगार लांबले आहेत. पगार काढणाºया यंत्रणेतील अधिकारीच कामावर नसल्याने अनेक अडचणी आहेत. मार्च पेड इनटू एप्रिलचा पगार अधिकाऱ्यांना ५० टक्के तर कर्मचाºयांना ७५ टक्केच मिळणार आहे. कोरोनाचा मुकाबला करणारे पोलीस दल, आरोग्य सेवेतील कर्मचारीही दोन टप्प्यांच्या सरकारी कचाट्यातून सुटू शकलेले नाहीत. त्यातच आता पंधरा दिवसांच्या लॉकडाऊनची भर पडली आहे.

मात्र आर्थिक चणचण आणि त्यात जीव देखील धोक्यात टाकावा लागत असल्याने पोलिसांची देखील चिंता वाढली आहे. राज्यात लॉकडाउनच्या काळात सुरक्षा व्यवस्थेचं काम करणाऱ्या पोलिसांच्या जिवाला करोनामुळे धोका निर्माण झाला आहे. अनेक पोलिसांनाही करोनाचा संसर्ग झाल्याचंही समोर आलं. पोलिसांच्या आरोग्याची काळजी घेण्यासाठी मनसेनं पुढाकार घेतला आहे. शर्मिला राज ठाकरे आणि रिटा गुप्ता यांच्या सावित्री प्रतिष्ठानच्या वतीनं मुंबईतील करोनाचा प्रादुर्भाव झालेल्या भागातील पोलिसांना पीपीई किटचं वाटप करण्यात आलं.

सौ. शर्मिला राज ठाकरे, मनसे सरचिटणीस सौ. रिटा गुप्ता ह्यांच्या सावित्री प्रतिष्ठानतर्फे मुंबईत कोरोनाचा प्रादुर्भाव असलेल्या अंधेरी, सहार, पायधुनी, साकीनाका, विक्रोळी, पंतनगर, गोरेगांव, देवनार, कांजूरमार्ग भागात पोलिसांसाठी पर्सनल प्रोटेक्शन किट (पीपीई)चं वाटप सुरु. #लढाकोरोनाशी pic.twitter.com/Jw79wpass5

— MNS Adhikrut – मनसे अधिकृत (@mnsadhikrut) April 12, 2020

News English Summary: Police have also raised concerns as the financial crisis and their lives are at stake. During the lockdown in the state, the security of police personnel working in the state has risen due to coronation. Many policemen also reported having coronary infection. MNS has taken initiative to take care of the health of the police. Sharmila Raj Thackeray and Rita Gupta, on behalf of the Savitri Pratishthan, were allotted a PPE kit to the police in the affected areas of Corona in Mumbai.

News English Title: Story Sharmila Raj Thackeray on behalf of the Savitri Pratishthan allotted a PPE kit to police during corona crisis in Mumbai Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.