सावरकरांचे योगदान मोठं आहे, पण स्वातंत्र्य चळवळीत RSS कुठे होता? - शिवसेना

मुंबई: शिवसेनेचं मुखपत्र असलेल्या सामनाच्या अग्रलेखामधून भाजप आणि राष्ट्रीय स्वयंसेवक संघावर टीका करण्यात आली आहे. ‘वीर सावरकरांची ढाल, भाजपचा पुळका खोटा’ या मथळ्याखाली प्रसिद्ध अग्रलेखात देवेंद्र फडणवीस यांच्यासह इतर भाजप नेत्यांना लक्ष्य करण्यात आलं आहे. सावरकर हा विषय भाजपसाठी आदर किंवा श्रद्धेचा विषय नसून राजकारणाचा विषय बनल्याची टीका सामनामधून करण्यात आली आहे. सावरकरांना भारतरत्न देण्याबाबत फडणवीसांनी लिहिलेल्या दोन पत्रांचं काय झालं? या पत्रांची केंद्रान दखल न घेणे हा महाराष्ट्राचा आणि वीर सावरकरांचा अपमान आहे, अशी टीकाही सामनामधून करण्यात आली आहे. याच अग्रलेखात राष्ट्रीय स्वयंसेवक संघालाही लक्ष्य करण्यात आलं आहे. २००२ पर्यंत राष्ट्रीय स्वयंसेवक संघाने ‘तिरंगा ध्वज’ राष्ट्रध्वज का मानला नाही? असा सवाल अग्रलेखात विचारण्यात आला आहे.

महाविकास आघाडी सरकारमधील काँग्रेस पक्षाची सावरकरांविषयीची भूमिका वेगळी आहे. त्यामुळं सावरकरांच्या पुण्यतिथीनिमित्तानं भाजपनं काल विधानसभेत सावरकर गौरव प्रस्ताव आणून सरकारकडं ठराव करण्याची मागणी केली. त्यातून आघाडीत विसंवाद वाढण्याची शक्यता वर्तवली जात होती. मात्र, विधानसभा अध्यक्षांनी नियमावर बोट ठेवून हा प्रस्ताव फेटाळला आणि भाजपचा डाव फसला. मात्र, भाजपच्या या भूमिकेमुळं शिवसेना संतापली आहे. ‘सामना’च्या आजच्या अग्रलेखातून भाजपवर जोरदार टीका करण्यात आली आहे.

शिवसेनेनं वीर सावरकरांच्या मुद्द्यावरून भाजपावर टीकेचे बाण सोडले आहेत. स्वातंत्र्यवीर सावरकरांची ‘ढाल’ करून भाजप हे नवराष्ट्रवादाचे राजकारण खेळते आहे. त्यामुळे शिवसेनेसमोर ‘पेच’ निर्माण होईल असे त्यांना वाटत असेल तर ते भ्रमात आहेत. शिवसेनेसमोर ‘पेच’ निर्माण होणार नाही, पण तुम्ही जे ढोंग उभे केले आहे त्या ढोंगाच्या पेकाटात मात्र नक्कीच लाथ बसेल. भाजपला वीर सावरकरांचा आलेला पुळका खोटा आहे, असे त्यांनी म्हटले आहे.

News English Summery: The BJP and Rashtriya Swayamsevak Sangh have been criticized in the lead-up to the match, which is the mouthpiece of the Shiv Sena. Under the headline ‘Veer Savarkar’s shield, BJP’s Pulaka Khota’, the prominent leader Devendra Fadnavis along with other BJP leaders have been targeted. Savarkar has been criticized by the media for not being a matter of respect or reverence for the BJP but as a matter of politics. What happened to the two letters Fadnavis wrote about giving Bharat Ratna to Savarkar? It has been criticized from the media that it is an insult to Maharashtra and to Veer Savarkar for not taking central note of these letters. The Rashtriya Swayamsevak Sangh has also been targeted in this same document. Why did the Rashtriya Swayamsevak Sangh not accept the national flag as the flag till 2002? This question has been asked in the foregoing.

Web Title: Story Shivsena mouthpiece Saamana Newspaper attacks BJP and RSS over politics on Veer Savarkar.