वर्दीतील देव माणूस करतोय चहाविक्रेत्या मुलाला शिक्षण पूर्ण करण्यासाठी मदत

मुंबई, २४ जुलै : कोरोना महामारी आणि मुंबईकर यांच्या मध्ये भिंत बनवून उभे राहणारे कोरोना योद्धे म्हणजेच पोलीस कर्मचारी यांना कोरोना महामारीची मोठ्या प्रमाणात लागण होत असल्याचे भीषण चित्र मुंबईत निर्माण झाले आहे. मुंबईकरांसाठी गेले चार महिने लढणाऱ्या अनेक कोरोना योद्ध्यांना कोरोनाची लागण झाली आहे. त्याच प्रमाणे आतापर्यंत या कोरोना योध्यांपैकी अनेक पोलिसांचा मृत्यू झाला आहे.

मुंबईच्या रस्त्यांवर आणि कंटेनमेंट झोनबाहेर रात्रंदिवस पहारा देणाऱ्या मुंबई पोलिसांच्या कोरोना योध्यांपैकी ३,५२० जणांना कोरण्याची लागण झाली असून आतापर्यंत ५२ कोरोना योद्ध्यांचा मृत्यू झाला आहे. मात्र असं असताना देखील पोलिसांमधील माणूस इतरांना समजून घेताना दिसत असून, अडचणीतील लोकांना शक्य ती मदत देखील करत आहेत.

मुंबईच्या वरळी येथील पोलीस कार्यालयात कर्तव्यावर असलेल्या ओंकार व्हनमारे यांनी दादर (माटुंगा) येथे एका १४ वर्षीय चहाविक्रेत्या मुलाला शैक्षणिक साहित्य घेऊन घेण्यासाठी मदत केली. तसेच, आपला मोबाईल नंबर देऊन, यापुढेही शिक्षणासाठी मदत हवी असेल तर कॉल करा, असे आधारही दिला. महाराष्ट्र पोलीस वर्दीतला माणूस या फेसबुक पेजवर यासंदर्भातील बातमी शेअर करण्यात आली. त्यानंतर, थेट गृहमंत्री अनिल देशमुख यांनी या पोलीस बांधवाच्या कामाचं कौतुक केलं आहे. आल्या ट्विटर अकाऊंटवरुन गृहमंत्र्यानी ओंकार व्हनमारे यांच्या संवेदनशीलतेचं कौतुक वाटत असल्याचं म्हटलंय.

परिस्थिती जेव्हा परीक्षा घेते,जिद्द तेव्हाच जन्माला येते. @MumbaiPolice दलातील संवेदनशील पोलीस कर्मचारी ओंकार व्हनमारे यांनी काही दिवसांपूर्वीच वडिलांचे छत्र हरविलेल्या आणि घरी आजारी असणाऱ्या आईसाठी चहा विकणाऱ्या सागर माने या मुलाला दहावीची पुस्तके व वह्या घेऊन दिल्या. (१/२) pic.twitter.com/o3ucwdF51G

— ANIL DESHMUKH (@AnilDeshmukhNCP) July 24, 2020

परिस्थिती जेव्हा परीक्षा घेते,जिद्द तेव्हाच जन्माला येते. मुंबई पोलीस दलातील संवेदनशील पोलीस कर्मचारी ओंकार व्हनमारे यांनी काही दिवसांपूर्वीच वडिलांचे छत्र हरविलेल्या आणि घरी आजारी असणाऱ्या आईसाठी चहा विकणाऱ्या सागर माने या मुलाला दहावीची पुस्तके व वह्या घेऊन दिल्या. भविष्यात शिक्षण घेताना कोणतीही अडचण आल्यास मला संपर्क कर, असा विश्वासही व्हनमारे यांनी सागरला दिला. मला होतकरू, कष्टाळू व परिस्थितीची जाणीव असणाऱ्या सागरचे आणि त्याला मदत करणाऱ्या व्हनमारे यांचे खूप कौतुक वाटते, असे गृहमंत्र्यांनी आपल्या ट्विटमध्ये म्हटलं आहे.

News English Summary: The news was shared on the Maharashtra Police Uniform Manus Facebook page. After that, Home Minister Anil Deshmukh directly praised the work of this policeman. From his Twitter account, the Home Minister said that he appreciated the sensitivity of Omkar Vanmare.

News English Title: The help given by the police constable for the education of the tea boy, was directly noticed by the Home Minister News Latest Updates.