कोविशिल्डचे दीड लाख डोस उपलब्ध झाले | मुंबईत उद्यापासून सर्व लसीकरण केंद्रे सुरु - महानगरपालिका

मुंबई, २५ एप्रिल: राज्यात कोरोनाने थैमान घातले आहे. रुग्ण वाढीचे रोज नवे विक्रम नोंदवले जात आहे. असे असताना कोरोनाचा प्रादुर्भाव नियंत्रणात यावा यासाठी राज्य सरकारने महत्त्वाची घोषणा केली आहे. राज्य सरकार 18 ते 45 वयोगटातील नागरिकांचे मोफत लसीकरण करणार आहे.

मुंबईत कोविशिल्ड लसींचे दीड लाख डोस उपलब्ध झाले असल्याचं मुंबई महानगरपालिका आयुक्त इक्बाल सिंग चहल यांनी सांगितलं. उद्यापासून मुंबईतील सर्व लसीकरण केंद्रे सुरु होणार असल्याची माहितीही त्यांनी दिली. मात्र कोवॅक्सिन ही लस ठराविक केंद्रांवर फक्त दुसऱा डोस घेणाऱ्यांसाठीच उपलब्ध असणार आहे. त्याचा साठा मर्यादित असल्याने हा निर्णय घेण्यात आला आहे.

We have received 1.5 lakh doses of Covishield vaccine today. All vaccination centres in Mumbai shall be functional tomorrow. However, Covaxin will be available only at select centres for 2nd dose due to extremely limited existing stock: BMC Commissioner Iqbal Singh Chahal

— ANI (@ANI) April 25, 2021

दरम्यान आज मुंबईच्या महापौर किशोरी पेडणेकर यांनी पत्रकार परिषद आयोजित केली होती. यावेळी त्यांनी मुंबईत ७ खासगी रुग्णालये, ३० सरकारी रुग्णालये आणि लसीकरण केंद्रे अशा एकूण ३७ ठिकाणी आज लसीकरण सुरु असल्याची माहिती दिली. त्यांनी पुढे लोकांना आधी चौकशी करुन मगच लस घेण्यासाठी जाण्याचं आवाहनही केलं आहे. लसींचा साठा टप्प्याटप्प्याने उपलब्ध होत असल्याने त्यांनी हे आवाहन केलं आहे.

News English Summary: Mumbai Municipal Commissioner Iqbal Singh Chahal said that 1.5 lakh doses of Covishield vaccine have been made available in Mumbai. He also informed that all the vaccination centers in Mumbai will start from tomorrow. However, the vaccine will only be available at certain centers for those taking a second dose.

News English Title: The vaccination centers in Mumbai will start from tomorrow said Mumbai Municipal Commissioner Iqbal Singh Chahal news updates.