VIDEO | तेव्हा उद्धव ठाकरे म्हणाले होते | महाराष्ट्र पोलीस भांडी घासायच्या लायकीचे आहेत

मुंबई, ८ सप्टेंबर : राज्य विधिमंडळाचं पावसाळी अधिवेशन सुरू आहे. विधानसभेत बोलताना विरोधी पक्षनेते देवेंद्र फडणवीस यांनी राज्याचे विद्यमान मुख्यमंत्री उद्धव ठाकरे यांनी राज्यातील पोलिसांबाबत केलेल्या त्या विधानाची आठवण करून दिली.

देवेंद्र फडणवीस म्हणाले की, मी राज्याचा गृहमंत्री म्हणून काम पाहिले आहे. त्यामुळे पोलिसांच्या कार्यक्षमतेबाबत मला पूर्ण कल्पना आहे. मात्र कधी कधी राजकीय हितसंबधांचा प्रभाव पोलिसांच्या कामगिरीवर होतो. आता पोलिसांवर प्रश्नचिन्ह उपस्थित करण्याबाबत म्हणाल तर या सभागृहामध्येही अनेकदा पोलिसांच्या कार्यक्षमतेवर प्रश्नचिन्ह उपस्थित झाले आहे.

मुख्यमंत्री उद्धव ठाकरे यांना काही काळापूर्वी कल्याणच्या सभेत राज्यातील पोलीस हे भांडी घासायच्या लायकीचे आहेत, असे विधान केले होते. भूमिका बदलल्या की आपण कसे बदलतो याचं हे एक उदाहरण आहे. चर्चा करायची असेल, विषयांतर, विषय बदलायचे असतील तर ते कसं काय बदलता येतात हे आपण बघितलं आहे.

News English Summary: Some time ago, Chief Minister Uddhav Thackeray had said in a welfare meeting that the police in the state are capable of washing dishes. This is an example of how we change when roles change said Devendra Fadnavis.

News English Title: Time Uddhav Thackeray has said police state are eligible washing dishes said Devendra Fadnavis Marathi News LIVE latest updates.