माणूस म्हणून कोणालाही हिणवण्याचा अधिकार नाही, तृतीयपंथी सुद्धा माणूसच - प्रकाश आंबेडकर

मुंबई, २१ मे: गुंडगिरी प्रवृत्तीची माणसं जेव्हा राजकारणात येतात तेव्हा त्यांना सामाजिक भान राहत नाही, असं म्हणत प्रकाश आंबेडकर यांनी निलेश राणे यांना खडे बोल सुनावले आहेत. माणूस म्हणून कोणालाही हिणवण्याचा अधिकार नाही. तृतीयपंथी हे देखील माणूसच आहेत, त्यांचाही स्वीकार केला गेला पाहिजे. राजकीय नेतेमंडळींना तरी किमान याचं भान असावं अशा शब्दांत आंबेडकर यांनी निलेश राणे यांच्या आक्षेपार्ह वक्तव्यावर त्यांचा खरपूस समाचार घेतला.

गुंडगिरी प्रवृत्तीचे लोकं जेव्हा राजकारणात येतात तेव्हा त्यांना सामाजिक भान राहत नाही. कोणालाही शारिरिक व्यंगावरून हिनवण्याचा अधिकार नाहीये.तृतीयपंथीदेखील माणूस आहेत,त्यांना स्वीकारले पाहिजे. हे भान राजकारण्यांना असावे.ऐरवी निलेश राणेची दखल घेण्याची गरज नाही.

— Prakash Ambedkar (@Prksh_Ambedkar) May 21, 2020

निलेश राणेने यांनी जो शब्द वापरला आहे तो मागे घ्यावा आणि समस्त समाजाची माफी मागावी असं म्हणत त्यांच्या क्तव्याचा जाहीर निषेध प्रकाश आंबेडकर यांनी केला. शिवाय वंचित बहुजन आघाडी तृतीयपंथी समूहाच्या बाजूने उभे असल्याचे ही त्यांनी सांगितलं. निलेश राणे यांनी आपल्या ट्विटर अकाऊंटवरून हिजडा शब्दाचा अवमानकारक पद्धतीने उल्लेख करून तृतीयपंथी समुदायाच्या भावना दुखविल्या आहेत. त्याविरोधात ४९९, ५०१ अन्वये अब्रूनुकसान आणि मानहानीचा गुन्हा फैजपुर (जळगांव) पोलीस ठाण्यात दाखल करण्यात आला आहे.

पण,त्यांनी जो शब्द वापरला आहे तो मागे घ्यावा आणि समस्त समाजाची माफी मागावी. निलेश राणेच्या वक्तव्याचा जाहीर निषेध!आम्ही तृतीयपंथी समूहाच्या बाजूने उभे आहोत!@DishaShaikh7

— Prakash Ambedkar (@Prksh_Ambedkar) May 21, 2020

दरम्यान, ट्विटरच्या माध्यमातून निलेश राणे आणि राष्ट्रवादीच्या नेत्यांमध्ये मागील काही दिवसांपासून ट्विटरवॉर सुरु आहे. त्यातच आज पुन्हा निलेश राणे यांनी ट्विट करत चक्क शिवसेनेच्या हिमतीला दाद देत राष्ट्रवादीवर निशाणा साधला आहे.

निलेश राणे ट्विट करत म्हणाले की, आमचा शिवसेनेशी अनेक वर्षाचा संघर्ष आहे. तसेच आम्ही एकमेकांना अनेकवेळा अपशब्द देखी वापरला. पण आम्ही दोघांनी लढाई मैदानाची ठेवली कधी तिसऱ्याला आमच्या लढाईत खेचले नाही. परंतु राष्ट्रवादी काँग्रेस पक्ष इतका कपटी आणि भित्रा निघाला की त्याने लगेच पळ काढला, अशी टीका निलेश राणे यांनी केली आहे. तसेच स्वत: लढू शकत नसेल तर मैदानातही यायचंच नाही, असा टोला देखील निलेश राणे यांनी राष्ट्रवादीला लगावला आहे.

आमचा शिवसेनेशी अनेक वर्षाचा संघर्ष आहे. खूप वेळा अपशब्द वापरले आम्ही एकमेकाला. पण आम्ही दोघांनी लढाई मैदानाची ठेवली कधी तिसर्याला आमच्या लढ्याईत खेचले नाही. पण NCP पक्ष इतका कपटी आणि भित्रा निघाला की स्वतःची फाटली तर लगेच पळ काढला. स्वतः लढू शकत नाही तर मैदानात यायचंच नाही.

— Nilesh N Rane (@meNeeleshNRane) May 21, 2020

News English Summary: Prakash Ambedkar has slammed Nilesh Rane, saying that when people with hooliganism come into politics, they do not have social consciousness. As a human being, no one has the right to suffer.

News English Title: VBA Prakash Ambedkar demands former MP Nilesh Ranes apology on his remark using transgender community name News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.