केवळ अत्यावश्यक सेवेतील कर्मचाऱ्यांसाठी मुंबईची लाईफलाईन रुळावर येणार

मुंबई, १५ जून : एवढ्या दिवसांच्या विश्रांतीनंतर मुंबई लोकल सोमवारपासून धावणार आहे. पण लोकल ट्रेन फक्त अत्यावश्यक सेवेतील कर्मचाऱ्यांसाठी सुरू होणार आहे. रेल्वेकडून रविवारी रात्री उशिरा अधिकृत माहिती देण्यात आली. पश्चिम रेल्वे, मध्य रेल्वे आणि हार्बर मार्गावर लोकल धावणार आहेत.

Western Railway&Central Railway have decided to resume their selected suburban services for essential staff. These special suburban services will not be for general public but strictly for essential staff as identified by the State Government of #Maharashtra: Western Railway PRO pic.twitter.com/0EEe5E5PEr

— ANI (@ANI) June 14, 2020

रेल्वे प्रशासनाने दिलेल्या माहितीनुसार, जवळपास १.२५ लाख अत्यावश्यक कर्मचारी या लोकलमधून प्रवास करण्याची शक्यता आहे. या प्रवाशांनी तिकीट खिडकीत शासकीय ओळखपत्र दाखवल्यास त्यांना तिकीट मिळू शकते. तसेच पासधारक तिकिटांची वैधता वाढविण्याचा निर्णय घेण्यात आला आहे. तर राज्य शासनाने दिलेल्या माहितीनुसार, केवळ अत्यावश्यक सेवेतील कर्मचाऱ्यांना आयडी कार्डच्या माध्यमातून स्थानकांवर प्रवेश दिला जाईल. यानंतर त्यांना क्यूआर कोड आधारित ई-पास दिले जातील. महत्त्वाचे म्हणजे जे कर्मचारी वैद्यकीय दृष्ट्या सुदृढ आहेत त्यांनाच लोकलमधून प्रवास करता येणार आहे.

पश्चिम रेल्वे:

• पश्चिम रेल्वेने दिलेल्या माहितीनुसार, १५ जून २०२० पासून ही सेवा सुरू होणार आहे. पश्चिम रेल्वेच्या माध्यमातून ७३ फेऱ्या होणार आहेत. यातील ८ फेर्या या विवार आणि
• डहाणू मार्गे धावणार आहे. या रेल्वेतून फक्त अत्यावश्यक सेवेतील कर्मचाऱ्यांनाच परवानगी देण्यात येणार आहे.
• या लोकल सकाळी ५.३० ते रात्री ११.३०पर्यंत धावणार आहेत. यामध्ये १५ मिनिटांची विश्रांती घेतली जाईल.
• महत्वाच्या फेऱ्या या चर्चगेट ते विरार या स्टेशनांमध्ये होणार आहे. पण काही लोकल मात्र डहाणूवरून ही धावतील.
• या लोकल सेवा पश्चिम मार्गावर जलद गतीने धावतील. चर्चगेट ते बोरिवली अशी जलद लोकल असे ती लोकल बोरिवलीच्या पुढे धीम्या गतीने धावेल.

News English Summary: Western Railway and Central Railway have decided to resume their selected suburban services for essential staff. These special suburban services will not be for general public but strictly for essential staff as identified by the State Government of Maharashtra.

News English Title: Western Railway and Central Railway have decided to resume their selected suburban services for essential staff News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.