Best Mutual Funds | टॉप 5 म्युचुअल फंड योजना, 5 वर्षात छप्परफाड परतावा, तुम्ही सुद्धा मिळवु शकता घसघशीत परतावा

Best Mutual fund | जर तुम्ही देखील म्युच्युअल फंडात गुंतवणूक करण्याचा विचार करत असाल तर, या लेखात आम्ही तुम्हाला टॉप 5 म्युच्युअल फंडांबद्दल माहिती देणार आहोत, ज्यामध्ये तुम्ही गुंतवणूक करून घसघशीत नफा मिळवू शकता. म्युच्युअल फंडात गुंतवणूक करण्यापूर्वी तुम्ही तज्ज्ञांचा सल्ला घेणे आवश्यक आहे. म्युचुअल फंड चे वर्गीकरण लार्ज-कॅप म्युच्युअल फंड, मिड-कॅप फंड, स्मॉल-कॅप फंड, फ्लेक्सी-कॅप फंड आणि ELSS मध्ये वर्गीकृत केले जातात. या पाच म्युचुअल फंडानी जाहीर केलेल्या आकडेवारीनुसार मागील 5 वर्षांत यांनी आपल्या गुंतवणूकदारांना भरघोस परतावा मिळवून दिला आहे.

टॉप 5 म्युचुअल फंड खालीलप्रमाणे : 

निप्पॉन इंडिया स्मॉल कॅप फंड :
ह्या म्युचुअल फंडची 2013 साली झाली होती. ह्या फंडाच्या माध्यमातून स्मॉल कॅप कंपन्यांमध्ये गुंतवणूक केली जाते. जर तुम्ही जोखीम घेण्यास सक्षम असाल तर गुंतवणूक करायला तुमच्यासाठी हा सर्वोत्तम म्युच्युअल फंड आहे. या म्युचुअल फंडाने मागील 5 वर्षात तब्बल 23.61 टक्के परतावा दिला आहे.

अॅक्सिस मिड-कॅप फंड :
अॅक्सिस मिड-कॅप फंडाची सध्या एकूण मालमत्ता मूल्य 13834.27 कोटी रुपये आहे. ज्यांना फक्त 3 ते 4 वर्षे या छोट्या कालावधीसाठी गुंतवणूक करायची आहे आणि उच्च परतावा मिळवायचा आहे त्यांच्यासाठी हा म्युचुअल फंड एक नंबर आहे. या म्युचुअल फंडाचा मागील 5 वर्षांचा परतावा दर 21.13 टक्के आहे.

पीजीआयएम इंडिया मिड-कॅप अपॉर्च्युनिटीज फंड :
या म्युचुअल फंडात किमान 1000 रुपयांच्या SIP पासून गुंतवणूक करता येते. या फंडाची सध्या एकूण मालमत्ता मूल्य 2383.38 कोटी रुपये आहे. तर किमान एकरकमी गुंतवणूक मर्यादा 5000 रुपये आहे. पीजीआयएम इंडिया मिड-कॅप अपॉर्च्युनिटीज फंडाने मागील 5 वर्षांत SIP वर 21.23 टक्के परतावा दिला आहे.

कॅनरा रोबेको ब्लूचिप लार्ज-कॅप इक्विटी फंड :
कॅनरा रोबेको म्युच्युअल फंडाने सुरू केलेली कॅनरा रोबेको ब्लूचिप लार्ज-कॅप इक्विटी फंड योजना 2013 साली सुरू करण्यात आली होती. या म्युचुअल फंड ची मालमत्ता अंडर मॅनेजमेंट (AUM) 3,691.25 कोटी रुपये असून हा म्युचुअल फंड अत्यंत उच्च जोखीमचा फंड म्हणून ओळखला जातो. यात तुम्ही फक्त 1000 रुपयांच्या SIP सह गुंतवणूक सुरू करू शकता. मागील 5 वर्षात या म्युचुअल फंड योजनेने SIP वर 18.08 टक्के वार्षिक परतावा दिला आहे.

अॅक्सिस लार्ज-कॅप ब्लूचिप फंड :
अॅक्सिस म्युच्युअल फंडाने लाँच केलेल्या अॅक्सिस लार्ज कॅप ब्लूचिप फंडाची सध्या मालमत्ता अंडर मॅनेजमेंट 29160.6 कोटी रुपये आहे. ह्या म्युचुअल फंड च्या माध्यमातून ब्लू-चिप स्टॉक्स किंवा मोठ्या कंपन्यांच्या स्टॉकमध्ये गुंतवणूक केली जाते जे आर्थिकदृष्ट्या स्थिर आणि प्रस्थापित आहेत. जेव्हा ते मिड-कॅप किंवा स्मॉल-कॅप शेअर्सपेक्षा कमी अस्थिर असतात तेव्हा त्यात गुंतवणूक करण्याची योग्य वेळ असते. या म्युच्युअल फंडाने मागील 5 वर्षांत 18.50 टाकले चक्रवाढ पद्धतीने वार्षिक दर वाढ प्रमाणे परतावा दिला आहे. या म्युचुअल फंडात तुम्ही किमान 1000 रुपये पासून SIP सुरू करू शकता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Best Mutual Funds investment returns for long term on 20 August 2022.