Mutual Fund SIP | टॉप-अप एसआयपीद्वारे गुंतवणूक योगदान वाढवा आणि चमत्कार बघा, फायद्याची माहिती आहे का?

Mutual Fund SIP | म्युच्युअल फंडात पद्धतशीर गुंतवणूक करण्याची SIP ही अशी पद्धत आहे, जी दीर्घ काळात गुंतवणुकदारांना अप्रतिम परतावा कमावून देण्याची क्षमता राखते. SIP पद्धत म्युचुअल फंडात मासिक आधारावर पैसे गुंतवणूक करण्याची सोपी पद्धत आहे. एसआयपी मध्ये गुंतवणुकदार दरमहा एक ठराविक रक्कम म्युचुअल फंड मध्ये जमा करत असतो. दर मासिक एसआयपी गुंतवणूक केल्याने गुंतवणूकीवरील प्रत्यक्ष जोखीम विभागली जाते.

जर तुमच्या बँक खात्यात जास्तीचे पैसे शिल्लक असल्यास ते म्युचुअल फंड एसआयपीमध्ये गुंतवणूक करावे. बँक बचत खात्यात तुम्हाला एसआयपी एवढा परतावा कधीही मिळणार नाही. बऱ्याच वेळा हुशार गुंतवणुकदार आपला आपत्कालीन निधी बँक खात्यात सेव्ह करून न ठेवता तो सरळ एसआयपी मध्ये गुंतवतात, जेणेकरून आणीबाणीच्या काळात या पैशाचा वापर करता येईल. म्युच्युअल फंडांतर्गत गुंतवणुकदारांना टॉप-अप एसआयपी सुविधा देखील पुरवली जाते. या टॉप अप एसआयपीमुळे गुंतवणूकदारांना एसआयपीची रक्कम वार्षिक आधारावर वाढवता येते. ज्यांना आपली गुंतवणूक दर वार्षिक ठराविक टक्के वाढवायची आहे त्यांच्यासाठी टॉप अप सुविधा देण्यात आली आहे. या एसआयपी टॉप अप सुविधेचा “एसआयपी बूस्टर” असेही म्हणतात.

सामान्य SIP vs टॉप-अप SIP :
सामान्य म्युचुअल फंड SIP अंतर्गत पैसे जमा करताना गुंतवणूकदार त्यांच्या SIP कालावधीत त्यांचे योगदान वाढवू शकत नाहीत. उच्च परतावा मिळविण्यासाठी त्यांना नवीन योजनेची निवड करावी लागते. तर टॉप-अप एसआयपी किंवा एसआयपी बूस्टरमध्ये गुंतवणूकदारांना आपले एसआयपी योगदान स्वयंचलित पद्धतीने वाढवण्याची सुविधा दिली जाते. आपले उत्पन्न दर वार्षिक प्रमाणे वाढत असते, या आधारावर एसआयपी टॉप अप आपल्याला एसआयपी योगदान वाढवण्याची परवानगी देते.

टॉप-अप SIP ची सुरुवात :
म्युच्युअल फंड SIP मध्ये गुंतवणूक करताना टॉप अप सुविधा चालू केली की, या पर्यायाच्या मदतीने गुंतवणूकदार आपल्या SIP मध्ये मासिक योगदान वाढवू शकतो. उदाहरणावरून समजून घेऊ, समजा जर तुम्ही म्युच्युअल फंड SIP अंतर्गत दरमहा 10 हजार रुपये जमा करत असाल आणि तुम्हाला पुढे जाऊन यापेक्षा अधिक पैसे गुंतवणूक करायचे असतील, तर तुमच्याकडे SIP टॉप अपचा पर्याय आहे. SIP टॉप अप च्या मदतीने तुम्ही तुमची गुंतवणूक रक्कम सहामाही किंवा वार्षिक आधारे वाढवू शकता.

Top Up SIP चे फायदे :
टॉप अप SIP नुसार जर तुमच्या गुंतवणूक योगदानात नियमित वाढ होत राहिली तर तुमचे आर्थिक लक्ष्य वेळेपूर्वी पूर्ण होऊ शकते. तुमचे आर्थिक लक्ष पूर्ण करण्यासाठी तुम्हाला अधिक काळ गुंतवणूक करावी लागणार नाही. एसआयपी योजना चालू असताना आपले एसआयपी योगदान वाढवून तुझी आपले आर्थिक लक्ष्य वेळेपूर्वी सहज साध्य करू शकता.

जागतिक अस्थिरता आणि वाढती महागाई यामुळे पैशाचे मूल्य सतत घटत चालेल आहे. या अस्थिर परिस्थितीतून जास्त नफा कमवायचा असेल तर सर्वात स्मार्ट मार्ग म्हणजे महागाई दराच्या बरोबरीने किंवा त्यापेक्षा अधिक एसआयपी गुंतवणुकीचे योगदान वाढवणे. त्यामुळे तुम्हाला महागाईशी लढण्यास मदत होईल आणि तुमची गुंतवणूकही वाढेल. टॉप-अप एसआयपी सुविधा ऑटो पायलट मोडमध्ये कार्य करते, याचा अर्थ गुंतवणूकदारांना प्रत्येक वेळी नवीन एसआयपी खाती उघडण्याची गरज नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| Mutual Fund SIP Top Up scheme to increase investment in SIP in Autopilot mode on 6 December 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.