Mutual Funds | म्युच्युअल फंडाने अनेक भारतीयांच आर्थिक आयुष्यं बदललं, गुंतवणूकदारांसाठी ठरला उत्तम पर्याय

Mutual Funds | भारतातील म्युच्युअल फंडांमध्ये गुंतवणूक करणे खूप पुढे गेले आहे आणि १९६३ मध्ये यूटीआय (युनिट ट्रस्ट ऑफ इंडिया) सुरू झाल्यापासून, म्युच्युअल फंड उत्तम परतावा मिळविण्याच्या चांगल्या आर्थिक पर्यायांपैकी एक राहिले आहेत. यासंदर्भात तज्ज्ञ म्हणतात की, १९६३ पासून म्युच्युअल फंडांनी व्यावसायिक आणि भारतीय कुटुंबांमध्ये एक महत्त्वाचा सेतू म्हणून काम केले आहे. गेल्या तीन दशकांत अवघ्या एक हजार रुपयांच्या एसआयपीवर गुंतवणूकदारांना लक्षाधीश बनवले आहे.

जुलै २०२२ मध्ये म्युच्युअल फंड उद्योगाची एकूण निव्वळ मालमत्ता अंडर मॅनेजमेंट (एयूएम) ३७.७४ लाख कोटी रुपये होती आणि म्युच्युअल फंड फोलिओंच्या संख्येने १३.५५ कोटी रुपयांचा टप्पा ओलांडला. असोसिएशन ऑफ म्युच्युअल फंड्स इन इंडिया (एएमएफआय) ची ही आकडेवारी आहे.

म्युच्युअल फंड उद्योगामुळे भारतीय श्रीमंत होतात :
तज्ज्ञ म्हणतात की, ९०च्या दशकाच्या सुरुवातीला बहुतांश म्युच्युअल फंड कंपन्या सुरू झाल्या, तेव्हा त्यावेळी बँकेच्या एफडीऐवजी एखाद्याने चांगल्या म्युच्युअल फंड योजनेत पैसे गुंतवले असते, तर तीस वर्षांत आतापर्यंत १८-२० टक्के सीएजीआर (चक्रवाढ वार्षिक विकास दर) दराने परतावा मिळाला असता. त्या तुलनेत बँक एफडी केवळ ७.५-९ टक्के परतावा देतात. सोप्या भाषेत सांगायचे तर एक हजार रुपयांची गुंतवणूक एक लाख रुपये झाली असती आणि एक हजार रुपयांचा एसआयपी एक कोटी रुपये झाला असता.

अशा प्रकारे म्युच्युअल फंड उद्योगात तेजी :
१. अॅक्सिस एएमसीचे उत्पादने आणि पर्यायांचे प्रमुख अश्विन पटनी यांनी सांगितले की, बाजार नियामक सेबी आणि फंड हाऊसेस यांनी गुंतवणूक जागृती कार्यक्रमांद्वारे म्युच्युअल फंडांसाठी चांगले वातावरण निर्माण केले.
२. एएमएफआयच्या ‘म्युच्युअल फंड्स इज राइट’ या मोहिमेमुळे गुंतवणूकदारांची समज वाढविणारे गुंतवणुकीचे वातावरणही तयार झाले.
३. सिस्टिमॅटिक इन्व्हेस्टमेंट प्लॅनने (एसआयपी) बचतीला चालना दिली.
४. सेबी नोंदणीकृत गुंतवणूक सल्लागार मार्केटमोजोचे मुख्य गुंतवणूक अधिकारी सुनील दमानिया यांच्या मते, म्युच्युअल फंड उद्योगाची खरी सुरुवात १९९३ पासून झाली, जेव्हा खासगी क्षेत्रालाही या उद्योगात प्रवेश देण्याची परवानगी देण्यात आली. मात्र, नोटाबंदीनंतर त्याची खरी वाढ दिसून आली. याचे सर्वात मोठे कारण म्हणजे बँक लॉकर आणि घरांमध्ये पडून असलेला पैसा आता म्युच्युअल फंडांकडे येऊ लागला आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Mutual Funds Helped Indians Get Rich Post Independence Read Here Full Report see details 13 August 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.