कितीही चिखल केला तरी देखील कुठेही कमळ फुलू देणार नाही: आ. आदित्य ठाकरे

नागपूर: शिवसेनेचे युवा नेते आणि पहिल्यांदाच आमदार बनलेले आदित्य ठाकरे यांनी भारतीय जनता पक्षावर जोरदार हल्ला चढवला. कितीही चिखल केला गेला असला तरी देखील आम्ही कुठेही कमळ फुलू देणार नाही, अशा शब्दांत भारतीय जनता पक्षाचे नाव न घेता आदित्य ठाकरे यांनी टोला हाणला आहे आणि त्यांच्या बोलण्याचा संपूर्ण रोख हा भाजपवर होता हे स्पष्ट होतं. सत्ताच्या लोभापोटी मित्राना कसे डावलले जाते हे आपण पाहिले असल्याचेही ते म्हणाले.

राज्यपाल भगतसिंह कोश्यारी यांच्या अभिभाषणावरील चर्चेत विचार मांडत असताना शिवसेनेचे युवा नेते आणि नवनिर्वाचित आमदार आदित्य ठाकरे यांनी भारतीय जनता पक्षावर नाव न घेता घणाघात टीका केली. यावेळी अप्रत्यक्ष टोलेबाजी करत म्हटले की, ‘कितीही चिखल केला गेला असला तरी देखील आम्ही कुठेही कमळ फुलू देणार नाही, अशा शब्दांत भारतीय जनता पक्षाला पक्ष करत खडे बोल सुनावत सूचक इशारा दिला आहे.

दरम्यान, यावेळी राष्ट्रवादीचे आमदार रोहित पवार यांनी देखील भारतीय जनता पक्षाला लक्ष्य केलं. रोहित पवार म्हणाले, विरोधी पक्षाकडे विरोध करायला कुठलेही कारण नाही. ते अकारण टीका करत आहे. ते रडीचा डाव खेळत आहेत. भारतीय जनता पक्षाचे नेते शिवसेनेला आपल्याकडे ओढण्याचा प्रयत्न करत आहेत. पण शिवसेना तुटेल पण भारतीय जनता पक्षासमोर वाकणार नाही, असे आमदार रोहित पवार यांनी यावेळी स्पष्ट केलं.

Web Title:  Shivsena MLA Aaditya Thackeray Slams BJP Party Over Clashes with Shivsena Party after Mahavikas Aghadi Govt Formation.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.