नाशिकमध्ये भरधाव वाहनाने सात लहान मुलांना उडवलं, एकाचा जागीच मृत्यू

नाशिक : वडाळागावात राहणारी ७ लहान मुलं आज सकाळी ३ वाजण्याच्या सुमारास कालिका देवीच्या दर्शनाला घरातून निघाली होती. दरम्यान, इंदिरानगर जॉगिंग ट्रॅकजवळ येताच एका भरधाव कारने त्यांना जोरदार धडक दिल्याने सर्वजण गंभीर जखमी झाले आहेत. त्यातील एकाचा मृत्यू झाल्याचं वृत्त आहे.

इस्पितळात दाखल करण्यात आलेल्या जखमींपैकी दोघांची परिस्थिती गंभीर असल्याचे समजते. सकाळी ३ वाजता घटना घडली तेव्हा बऱ्यापैकी शुकशुकाट होता. त्यामुळे जखमींना उपचार मिळण्यास सुद्धा बराच उशीर झाला होता. सध्या जखमींवर नाशिकच्या जिल्हा शासकीय रुग्णालयात उपचार सुरु आहेत.

सकाळी झालेल्या अपघाताला कारणीभूत ठरलेल्या त्या वाहनचालकाचा सध्या स्थानिक पोलीस शोध घेत आहेत. दरम्यान, जागीच मृत्यू झालेल्या मुलाचे नाव विशाल पवार असून त्याचे वय ११ वर्ष असल्याचे समजते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.