लोटसचं ऑपरेशन | वसंत गीतेंची मिसळ पे चर्चा | राष्ट्रवादी-शिवसेना की पुन्हा मनसे?

नाशिक, ०१ जानेवारी: इतर पक्षातील नेते भाजपात येत नसल्याने माजी आमदार बाळासाहेब यांना पुन्हा पक्षात घेऊन भाजपने आमच्याकडे भरती होतं आहे असा केविलवाणा प्रयत्न केला होता. मात्र राजकीय पत संपलेले बाळासाहेब सानप कोणत्याही पक्षाला नकोसे होते आणि अखेर अपरिहार्यता म्हणून पुन्हा तिकीट नाकारलेल्या भाजपमध्ये सामील झाले. विशेष म्हणजे भाजपने देखील एखादा माजी मुख्यमंत्री भाजपात येतोय असा प्रचार सुरु केला. मात्र सानप यांच्या येण्याने भाजपाला अजून पणवती लागली आहे. कारण नाराज नेते भाजप सोडू लागले आहेत.

त्यातच नाशिक महापालिका निवडणुकांच्या तोंडावर अनेकांनी भाजप सोडण्याचा निर्णय घेतल्याचं वृत्त आहे. भाजपमधील एक गट नाराज असल्याने अनेक नगरसेवक शिवसेना किंवा राष्ट्रवादीच्या संपर्कात आले आहेत. त्यातच माजी आमदार आणि भाजप नेते वसंत गिते यांनी समर्थकांसाठी ‘मिसळ पार्टी’चं आयोजन केलं आहे. त्यामुळे गिते सुद्धा ‘मिसळी पे चर्चा’ करून भाजपाला राम राम ठोकण्याचा तयारीत असल्याचं वृत्त आहे. त्यात भाजपच्या आमदार देवयानी फरांदे यांच्या सोबत देखील वसंत गीते यांचं राजकीय वैमनस्य असल्याने त्यांचा भाजपातील मार्ग खडतर आहे.

भारतीय जनता पक्षाच्या प्रदेश सरचिटणीस पदावरुन देखील गीतेची उचलबांगडी करून कार्यकारिणी सदस्यपद दिल्याने वसंत गिते अत्यंत नाराज आहेत. त्यामुळे ‘मिसळ डिप्लोमसी’च्या निमित्ताने पक्षांतराचा विचार करत असल्याचं वृत्त आहे. त्यानंतर ते कार्यकर्ते, समर्थक यांच्याशी चर्चा करुन पुढचा निर्णय घेतील असं वृत्त आहे. मध्यंतरी त्यांनी छगन भुजबळ यांची देखील सदिच्छा भेट घेतली होती.

एकीकडे मनसे अध्यक्ष राज ठाकरे नाशिक दौऱ्यावर येत असल्याने उलटसुलट चर्चा सुरु झाल्या असल्या तरी वसंत गितेंच्या मिसळ पार्टीला मनसे कार्यकर्ते आणि पदाधिकाऱ्यांनी उपस्थिती लावू नये, असे आदेश मनसे जिल्हाध्यक्षांनी काढले आहेत. मात्र वसंत गितेंसमोर सत्ताधारी शिवसेना आणि राष्ट्रवादीचे पर्याय खुले आहेतच. तर दुसरीकडे महाराष्ट्र नवनिर्माण सेनेत घरवापसी करण्याबाबतही ते विचार करण्याची शक्यता नाकारता येत नसली तरी मनसेची राजकीय स्थिती पाहता तर होण्याची शक्यता अत्यंत धूसर आहे.

News English Summary: It is reported that many have decided to leave BJP in the run up to Nashik Municipal Corporation elections. Many corporators have come in contact with Shiv Sena or NCP as a group in BJP is angry. In addition, former MLA and BJP leader Vasant Gite has organized a ‘Misal Party’ for the supporters. Therefore, there is news that Gite is also ready to hit BJP with ‘Misli Pay Charcha’. Vasant Geete has a political feud with BJP MLA Devyani Farande and his path in BJP is tough.

News English Title: Nashik BJP leader Vasant Gite may left BJP party before Nashik Municipal election news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.