नितेश राणे आणि युवासेना वाद पेटणार​​​​​​​ | नाशिकच्या कार्यकर्त्यांनी भाजप कार्यालयात मोकाट कुत्रे सोडले

मुंबई, १६ मार्च: भाजपचे आमदार नितेश राणे यांनी सोमवारी वरुण सरदेसाई यांचे सचिन वाझे यांच्याशी आर्थिक हितसंबंध असल्याचा आरोप केला होता. त्यानंतर वरुण सरदेसाई यांनी पत्रकारपरिषद घेत नितेश राणेंवर पलटवार केला होता. तसेच नितेश राणे यांनी आरोप सिद्ध करावेत अन्यथा मी त्यांच्यावर अब्रुनुकसानीचा दावा ठोकेन, असेही वरुण सरदेसाई यांनी म्हटले होते.

मात्र आता हा वाद अधिक पेटण्याची शक्यता आहे. याची पहिली प्रतिक्रिया नाशिकमध्ये पाहायला मिळाली आहे. नाशिकमध्ये शिवसेनेच्या कार्यकर्त्यांनी भाजपच्या कार्यालयासमोर मोठी घोषणाबाजी केली. विशेष म्हणजे ते करताना युवासेनेच्या कार्यकर्त्यांनी भाजपच्या कार्यालयात मोकाट कुत्रे सोडण्याचा प्रयत्न केला. तसेच नारायण राणे, नितेश राणे आणि निलेश राणे यांच्याविरुद्ध जोरदार घोषणाबाजी देखील केली.

दरम्यान, आमदार नितेश राणे यांनी पुन्हा त्याला प्रतिउत्तर दिलं आहे.आता वरुण सरदेसाई मला कोर्टाच्या नोटिसीची धमकी देऊन माझ्यावर दबाव आणू पाहत आहेत का, असा सवाल नितेश राणे यांनी उपस्थित केला. असल्या धमक्यांना मी घाबरत नाही. माझ्याकडे असलेली माहिती तपास यंत्रणांनी मागितल्यास मी देईन, असेही नितेश राणे यांनी सांगितले.

त्यांनी नोटीस पाठवली तर आम्ही शिवसेनेची अनेक प्रकरणं बाहेर काढू, असा इशारा भारतीय जनता पक्षाचे आमदार नितेश राणे यांनी दिला. आम्ही 39 वर्षे बाळासाहेब ठाकरे यांची सेवा केली आहे. त्यामुळे आम्हाला शिवसेनेची सगळी अंडीपिल्ली माहिती आहेत. तुम्ही आमच्या कुटुंबाची पार्श्वभूमी काढत असाल तर मग आम्ही देखील रमेश मोरे, सोनू निगम, चंदू पटेल आणि नंदकुमार चतुर्वेदी ही प्रकरणं बाहेर काढू का? ही माहिती बाहेर आली तर तुमच्या कुटुंबाला महाराष्ट्रात फिरता येणार नाही, असे नितेश राणे यांनी सांगितले.

News English Summary: In Nashik, Shiv Sena workers made a big announcement in front of the BJP office. What is special is that while doing so, Yuvasena activists tried to leave stray dogs in the BJP office. He also shouted slogans against Narayan Rane, Nitesh Rane and Nilesh Rane.

News English Title: Nashik Yuvasena aggressive after MLA Nitesh Rane made allegations against Varun Sardesai news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.