महत्वाच्या बातम्या

• 

  भाजपला महाविकास आघाडीचा धक्का | सांगली, जळगाव पाठोपाठ भाजपने अहमदनगर महापालिका गमावली

  याआधी अहमदनगर महापालिका निवडणूक राज्यभर चर्चेचा विषय ठरली होती. गतवेळी राष्ट्रवादी आणि भारतीय जनता पक्षाने एकत्र येत सत्ता स्थापन केली होती. त्यावेळी महापौरपदी बाबासाहेब वाकळे आणि उपमहापौरपदी मालन ढोणे यांची निवड करण्यात आली होती. परंतु आता सांगली आणि जळगाव पाठोपाठ भारतीय जनता पक्षाने तिसरी महापालिका गमावली. अहमदनगर महानगरपालिकेतही महाविकास आघाडी पॅटर्न आल्याने भारतीय जनता पक्षाला मोठा धक्का बसला आहे.

  3 वर्षांपूर्वी
• 

  पात्रतेपेक्षा जास्त मिळाले की असं होत, आपल्या भाषेवरून आपल्या संस्कारांची ओळख होते - शरयू देशमुख

  देवेंद्र फडणवीस यांना ओबीसी आरक्षणावरून केलेल्या वक्तव्यावर काँग्रेसचे ज्येष्ठ नेते आणि महसूलमंत्री बाळासाहेब थोरात यांनी टोला लगावला असून, वेगळा विदर्भ झाल्याशिवाय लग्न करणार नाही असं देवेंद्र फडणवीस म्हणाले होते, त्याचं काय झालं, अशी विचारणा थोरात यांनी केली होती. थोरात यांच्या या वक्तव्यानंतर भाजपचे आमदार गोपीचंद पडळकर यांनी या वक्तव्यावरून थोरातांना टोला लगावला आहे.

  3 वर्षांपूर्वी
• 

  वेगळा विदर्भ झाल्याशिवाय लग्न करणार नव्हते | लोकांना फसवून सत्ता मिळवणं हाच भाजपचा उद्देश - बाळासाहेब थोरात

  विदर्भ स्वंतत्र राज्य होत नाही तोपर्यंत मी लग्न करणार नाही, अशी प्रतिज्ञा २००४ साली देवेंद्र फडणवीस यांनी ते मुख्यमंत्री नसताना केली होती. आता त्यांचे लग्न होऊन कित्येक वर्षे उलटली, ते पाच वर्षे राज्याचे मुख्यमंत्री आहेत. मात्र स्वतंत्र विदर्भाबाबत त्यांनी चक्कार शब्दसुद्धा काढला नाही.

  3 वर्षांपूर्वी
• 

  ओबीसींचा कळवळा असेल तर प्रश्न कसा सोडवायचा ते सांगा | सत्तेत येण्याची गरज नाही - जयंत पाटील

  ओबीसी आरक्षणाच्या मुद्द्यावरुन राज्यातील राजकीय वातावरण चांगलंच तापलं आहे. त्या पार्श्वभूमीवर भाजपनं शनिवारी राज्यव्यापी चक्काजाम आंदोलन केलं. त्यावेळी विरोधी पक्षनेते देवेंद्र फडणवीस, पंकजा मुंडे, चंद्रशेखर बावनकुळे, सुधीर मुनगंटीवार आदी भाजप नेत्यांच्या नेतृत्वात हजारो भाजप कार्यकर्ते विविध ठिकाणी रस्त्यावर उतरले होते.

  3 वर्षांपूर्वी
• 

  राज्यातील सरकार पाच वर्षे टिकेल, तिन्ही पक्षांमध्ये योग्य समन्वय - शरद पवार

  काही मुद्द्यांवर एकत्र येत राज्यातील महाविकासआघाडी सरकार स्थापन झाले. सरकार चालवताना काही प्रश्न उपस्थित होत असतात. त्यावर मार्ग काढण्यासाठी एक यंत्रणा काम करत आहे. त्यामुळे हे सरकार पाच वर्ष टिकेल, असा विश्वास राष्ट्रवादीचे सर्वेसर्वा शरद पवार यांनी व्यक्त केला. पवार आज(रविवारी) बारामतीतील गोविंदबाग या त्यांच्या निवासस्थानी होते. यावेळी त्यांनी पत्रकारांशी संवाद साधला.

  3 वर्षांपूर्वी
• 

  आ. निलेश लंकेचा लंडनमध्ये डंका | वर्ल्ड बुक ऑफ रेकॉर्ड्स लंडन या आंतरराष्ट्रीय पुरस्काराने सन्मानित

  राज्यातील कोरोना परिस्थिती ही दिवसेंदिवस गंभीर होत असताना दुसरीकडे राष्ट्रवादीचे आमदार निलेश लंके त्यांनी उभारलेल्या कोरोना कोविड सेंटरमध्ये जाऊन रुग्णांची काळजी घेत असल्याचं पाहायला मिळालं होतं. “माझं काय व्हायचं ते होऊ द्या मात्र जर मी घाबरून घरात बसलो तर या लोकांनी कोणाच्या दारात बसायचं. त्यामुळे मी असुरक्षित असलो तरी चालेल पण माझी लोक सुरक्षित असली पाहिजेत, हे शब्द राष्ट्रवादी काँग्रेसचे पारनेरचे आमदार निलेश लंके यांचे होते. मतदारसंघातील कोरोनाबाधित रुग्णांच्या आरोग्य सेवेचा निर्धार त्यांनी केला होता. कोरोनाच्या दुसऱ्या लाटेतही त्यांनी कोविड केअर सेंटरची उभारणी केली.

  3 वर्षांपूर्वी
• 

  अमरनाथ यात्रा रद्द करणारी भाजपा पंढरपूरच्या वारीसाठी आग्रही | त्यांना वारकऱ्यांच्या जीवाशी घेणंदेणं नाही - काँग्रेस

  देशात पसरलेल्या कोरोना महामारीमुळे सलग दुसऱ्या वर्षी अमरनाथ यात्रा रद्द करण्यात आली आहे. ही यात्रा 28 जून ते 22 ऑगस्टपर्यंत होणार होती. मधल्या काळात कोरोना परिस्थिती नियंत्रणात आल्यामुळे श्राइन बोर्डाने अमरनाथ यात्रेच्या तारखा जाहीर केल्या होत्या. 1 एप्रिलपासून यात्रेचे अॅडवांस रजिस्ट्रेशनदेखील सुरू झाले होते. पण, कोरोनाची दुसरी लाट आली आणि यामुळे यात्रा रद्द करावी लागली. पण, भाविकांना ऑनलाइन दर्शन करता येणार आहे.

  3 वर्षांपूर्वी
• 

  मराठा आरक्षण | केंद्रात काय करायचं ते मी बघतो गर्जना करत उदयनराजेंच्या केवळ राज्याकडेच ढीगभर मागण्या?

  मराठा आरक्षणाचा प्रश्न सोडवण्यासाठी विशेष अधिवेशन बोलावून श्वेतपत्रिका काढली पाहिजे. तेव्हा कोणी कोणाला फूस लावली हे लोकांना स्पष्टपणे समजेल. आधी राज्याने मराठा आरक्षणासाठी अधिवेशन बोलवावे आणि कायदा करावा. त्यानंतर केंद्रात काय करायचं ते मी बघतो. संभाजीराजे यावर थेटपणे बोलणार नाहीत. ते जंटलमन आहेत. पण मराठा आरक्षणासाठी कुणाला कुठं गाठायचं हे मी बघतो, असे उदयनराजे भोसले यांनी म्हटले होते. मात्र आता त्यांनी केंद्राकडे दुर्लक्ष करत ढीगभर मागण्या आणि त्याही अल्टिमेसहित केवळ राज्य सरकारकडेच केल्याचं पाहायला मिळतंय.

  3 वर्षांपूर्वी
• 

  मागण्या पूर्ण करा अन्यथा परिणाम गंभीर | खासदार उदयनराजेंचं मुख्यमंत्र्यांना पत्र

  मराठा आरक्षणप्रश्नी काल (१६ जून) कोल्हापुरात मराठा क्रांती मोर्चा कडून आयोजित मुक आंदोलन पार पडल्यानंतर आज (१७ जून) मुख्यमंत्री उद्धव ठाकरे यांच्यासोबत खासदार संभाजीराजे छत्रपती आणि मराठा क्रांती मोर्चाचे विविध समन्वयक यांची एक महत्वपूर्ण बैठक मुंबईत होणार आहे. दुसरीकडे खासदार उदयनराजे भोसले यांनी मुख्यमंत्र्यांना पत्र लिहिलं आहे. या पत्रात त्यांनी सहा मागण्या केल्या आहेत. या मागण्या पूर्ण करा अन्यथा गंभीर परिणाम भोगावे लागतील, असं खासदार उदयनराजेंनी लिहिलेल्या पत्रात म्हटलं आहे.

  3 वर्षांपूर्वी
• 

  BREAKING | अजित पवार आणि राम शिंदेंची गुप्त बैठक? | काय आहे शक्यता? - सविस्तर वृत्त

  राज्यात जाहीर आणि गुप्तभेटींचा हंगाम सुरू आहेच. अहमदनगरमधूनही अशाच एका गुप्तभेटीचे वृत्त समोर येत आहे. मिळालेल्या माहितीनुसार, उपमुख्यमंत्री अजित पवार आणि देवेंद्र फडणवीस यांचे अत्यंत विश्वासू सहकारी मानले जाणारे भाजप नेते राम शिंदे यांच्यात शनिवारी (१२ जून) गुप्त बैठक पार पडल्याची माहिती मिळत आहे. दरम्यान, या बैठकीत कर्जत तालुक्यातील अंबालिका साखर कारखान्याबाबत चर्चा झाल्याचे म्हटले जात आहे. परंतु, साखर कारखान्यावर चर्चा करण्यासाठी गुप्तबैठक का ? असाही सवाल उपस्थित होत आहे.

  3 वर्षांपूर्वी
• 

  सातारा | भाजप नगरसेविकेची पालिकेच्या मुख्याधिकाऱ्यांना शिवीगाळ आणि गळा चिरण्याची धमकी | Audio क्लिप व्हायरल

  सातारा शहर प्रभागातील शिवशाही अपार्टमेंटच्या भिंतीच्या कामावरुन राडा सुरु आहे. यावरुन सातारा पालिकेच्या बांधकाम सभापती आणि भारतीय जनता पक्षाच्या नगरसेविका सिद्धी पवार यांनी फोनवरून ठेकेदाराच्या कामगाराला झापलं. त्यावेळी सातारा पालिकेचे मुख्याधिकारी अभिजीत बापट यांनाही शिवीगाळ करून गळा चिरून टाकेन, अशा धमकीची ऑडिओ क्लिप साताऱ्यात आणि समाज माध्यमांवर चांगलीच व्हायरल झाली आहे.

  3 वर्षांपूर्वी
• 

  राज्यात 23 मराठा संघटना काम करतात, मग भूमिका वेगळी का? | भाजप नेत्यांनी संभाजीराजेंना घेरलं

  मराठा आरक्षणाच्या मुद्द्यावरुन राज्यातील राजकारण चांगलंच तापलं आहे. त्यातच आता मुख्यमंत्री उद्धव ठाकरे उद्या (८ जून) पंतप्रधान नरेंद्र मोदी यांची दिल्लीत भेट घेणार असल्याची माहिती मिळत आहे. दुसरीकडे भारतीय जनता पक्षाच्या नेत्यांनी देखील आक्रमक भूमिका घेत मराठा संघटनांच्या पाठिशी आपली ताकद उभी केली आहे.

  4 वर्षांपूर्वी
• 

  नगर | राष्ट्रवादीचे आ. संग्राम जगताप यांच्या भाजप कार्यालय भेटींमुळे भाजपमध्ये चिंता

  अहमदनगर शहरातील राष्ट्रवादी काँग्रीचे आमदार संग्राम जगताप यांना भारतीय जनता पक्षाच्या कार्यालयात बोलावण्याच्या मागच्या आठवड्यात घडलेल्या घटनेचे पडसाद उमटू लागले आहेत. अहमदनगर शहरातील राष्ट्रीय स्वयंसेवक संघाच्या काही पदाधिकाऱ्यांनी आमदार जगतापांच्या भारतीय जनता पक्षाच्या कार्यालय भेटीवर नाराजी व्यक्त केली आहे. तसेच मुंबईतील भारतीय जनता पक्षाच्या पक्षश्रेष्ठींनी देखील त्यामुळे या भेटीची दखल घेऊन शहरातील पक्षाच्या आणि महानगपालिकेतील पदाधिकार्‍यांना त्याचा जाब विचारल्याचे समजते.

  4 वर्षांपूर्वी
• 

  निलेश कसा आहेस…रुग्ण सेवा करतो आहेस पण स्वत:ची काळजी घे, काही लागलं तर फोन कर

  राष्ट्रवादी काँग्रेसचे आमदार निलेश लंके हे सध्या चर्चेचा विषय ठरलेले आहेत. पारनेरमध्ये उभारलेल्या कोविड सेंटरमध्ये आमदार निलेश लंके रात्रंदिवस रुग्णांच्या सेवेसाठी इथेच मुक्काम करत आहेत. निलेश लंके यांनी राष्ट्रवादीचे अध्यक्ष शरद पवार यांच्या नावाने हे कोविड सेंटर उभारले आहे. आता याची महती संपूर्ण जगभरात पसरताना दिसत असून, जगभरातून मदतीचा हात या कोविड सेंटरसाठी पुढे केला जात आहे.

  4 वर्षांपूर्वी
• 

  राज्यात भाजपचे १०६ आमदार, २३ खासदार | उदयनराजे म्हणाले सर्व पक्षाच्या लोकप्रतिनिधींना रस्त्यात आडवा

  सुप्रीम कोर्टाने मराठा आरक्षण रद्द केल्याने भारतीय जनता पक्षाचे खासदार उदयनराजे भोसले आक्रमक झाले आहेत. लोकप्रतिनिधांना घराबाहेर पडू देऊ नका, त्यांना रस्त्यातच आडवा, असे आदेशच उदयनराजे यांनी मराठा बांधवांना दिले आहेत. उदयनराजे यांनी मराठा बांधवांना उघडपणे चिथावणी दिल्याने आगामी काळात मराठा आरक्षणाचा विषय अधिक तापण्याची शक्यता वर्तवण्यात येत आहे.

  4 वर्षांपूर्वी
• 

  कोरोना आपत्ती | राज्यात ४ जिल्ह्यांमध्ये कडक लॉकडाऊन तर नागपुरमध्ये आढळला नवा डबल स्ट्रेन

  राज्यात कोरोना महामारीचा प्रादुर्भाव झपाट्याने वाढतच आहे. याच पार्श्वभूमीवर राज्यातील चार जिल्ह्यांमध्ये कडक लॉकडाऊनची घोषणा करण्यात आली आहे. यात सांगली, सातारा, बारामती आणि अहमदनगर जिल्ह्यांचा समावेश आहे. विशेष म्हणजे यात किराणा, फळे, भाजीपाला, बेकरी, डेयरी, मिठाई आणि खाद्यपदार्थांची दुकानेही येत्या 7 दिवसांसाठी बंद राहणार आहे. हा लॉकडाऊन आज (मंगळवार) सकाळी सात वाजेपासून सुरु होणार असून 10 मे च्या रात्री बारा वाजेपर्यंत लागू राहणार आहे.

  4 वर्षांपूर्वी
• 

  सुजय यांनी व्हीडिओ चित्रित करण्याचा नाटकीपणा केला, मी कसं स्वत:चं वजन वापरलं हा दिखाऊपणा केला - न्यायालय

  एखादी चांगली गोष्ट करण्यासाठी गैरमार्गाचा वापर झाला असेल तर त्या कृतीमागचा हेतू हा कधीच शुद्ध राहत नाही, अशा शब्दांत हायकोर्टाच्या औरंगाबाद खंडपीठाने भारतीय जनता पक्षाचे खासदार सुजय विखे-पाटील यांच्यावर कडक शब्दात ताशेरे ओढले. सुजय विखे-पाटील यांनी परस्पर रेमडेसिविर इंजेक्शन्सचा साठा खरेदी केल्याप्रकरणी त्यांच्याविरोधात याचिका दाखल करण्यात आली होती. या याचिकेवर सोमवारी हायकोर्टाच्या खंडपीठासमोर सुनावणी झाली.

  4 वर्षांपूर्वी
• 

  बारामतीमध्ये कोरोनाची साखळी तोडण्यासाठी ७ दिवसांचा कडक लॉकडाऊन जाहीर

  राज्यात कोरोनाबाधित रुग्णांची संख्या दिवसेंदिवस वाढत चालली आहे. ग्रामीण भागातही कोरोनाबाधित रुग्णांची संख्या वाढली आहे. बारामतीमध्ये कोरोनाची साखळी तोडण्यासाठी सात दिवसांचा कडक लॉकडाऊन जाहीर करण्यात आला आहे. फक्त हॉस्पिटल व मेडिकल दुकानं आणि जीवनावश्यक वस्तूंची दुकानं ठराविक वेळच खुली राहणार आहे.

  4 वर्षांपूर्वी
• 

  काय म्हणावं याला? पंढरपूर पोटनिवडणुकीनंतर १ आमदार वाढताच फडणवीसांना पुन्हा सत्तांतराची स्वप्नं

  पंढरपूर पोटनिवडणुकीचा निकाल जाहीर झाल्यानंतर फडणवीसांनी जाहीर पत्रकार परिषद घेतली. यावेळी त्यांनी केलेल्या वक्तव्यावरून ‘बुडत्याला काठीचा आधार’ असाच निष्कर्ष काढता येऊ शकतो. मागील शिक्षक आणि पदवीधर मतदारसंघ निवडणुकीत पराभव आणि भाजपाला सोडून महाविकास आघाडीतील एखाद्या पक्षात प्रवेश करणाऱ्या नेत्यांमुळे राज्य भाजप कंटाळला होता. विशेष म्हणजे २०१९ मधील विधानसभा निवडणुकीच्या निकालानंतर भाजपच्या १०५ अतृप्त आमदारांचा आकडा १०५ वरून १०६ झाला आहे एवढाच तो फरक म्हणावा लागेल.

  4 वर्षांपूर्वी
• 

  १६ व्या फेरीअखेर भाजपचे समाधान आवताडेंची अत्यंत कमी फरकाने आघाडी

  राष्ट्रवादीचे आमदार भारत भालके यांच्या निधनामुळे रिक्त झालेल्या आणि राष्ट्रवादीसह भाजपानेही प्रतिष्ठेच्या केलेल्या पंढरपूर-मंगळवेढा विधानसभा पोटनिवडणुकीची मतमोजणी सुरु आहे. महाराष्ट्राचं लक्ष लागलेल्या या पोटनिवडणुकांच्या निकालातील पहिल्या फेरीत पोस्टल मतदानाची मोजणी करण्यात आली. त्यामध्ये, महाविकास आघाडीचे उमेदवार भगिरथ भालकेंनी आघाडी घेतली होती. मात्र, नवव्या फेरीअखेर भाजपाच्या समाधान अवताडेंनी भगिरथ भालकेंना मागे टाकले आहे.

  4 वर्षांपूर्वी