एकनाथ शिंदेंना नेतेपद नाहीच, तर आदित्य ठाकरेची नेतेपदी वर्णी.

मुंबई : आज मुंबईत पार पडलेल्या शिवसेनेच्या राष्ट्रीय कार्यकारणीत युवा सेनेचे अध्यक्ष आदित्य ठाकरेंची नेतेपदी नियुक्ती झाल्याचे घोषित करण्यात आले. तर दुसरीकडे एकनाथ शिंदे यांची संधी यंदाही हुकली आहे. शिवसेनेतील एका गटाने तीव्र विरोध केल्याने त्यांना अखेर नेतेपद मिळू शकलेलं नाही. तर दुसरीकडे मनोहर जोशी आणि सुधीर जोशींची यांची नेतेपद कायम ठेवण्यात अली आहेत.

स्वर्गीय बाळासाहेब ठाकरे यांच्या जयंतीनिमित्त आज मुंबईत ही राष्ट्रीय कार्यकारिणीची बैठक आयोजित करण्यात आली होती.

युवक काँग्रेसचे सत्यजीत तांबेनी केलं अभिनंदन;

आज शिवसेनाप्रमुखांच्या जयंतीच्या निमित्ताने शिवसेनेच्या ‘राष्ट्रीय’ अधिवेशनात आदित्य ठाकरेंना बढती देऊन त्यांच्यावरच्या जबाबदाऱ्या वाढवणार असल्याचे कळते. सतत नविन काहीतरी करण्याची धडपड करणारे आदित्यंना माझ्या शुभेच्छा! आपण सर्व मिळून सर्वसामान्य युवकाचा आवाज होऊ !! @AUThackeray

— Satyajeet Tambe (@satyajeettambe) January 23, 2018

शिवबंधन ते वाघाची अंगठी;

शिवबंधनानंतर आता शिवसैनिकांसाठी पक्षाची ओळख असलेली ‘वाघाची’ अंगठी तयार करण्यात आली आहे. स्वर्गीय. बाळासाहेब ठाकरेंच्या जयंतीच्या निमित्ताने एकूण ८८ शिवसैनिकांना या नवीन अंगठीचं वाटप करण्यात आलं.