हास्यास्पद स्पष्टीकरण; रिलायन्सला विमान निर्मितीचा अनुभव आमच्याकडून मिळेल: दसॉल्ट

मार्सेल : विषय हा होता की, संरक्षण संदर्भातील लढाऊ विमान निर्मिती क्षेत्रातील शून्य अनुभव असलेल्या अनिल अंबानींच्या रिलायन्सला राफेलचं कंत्राट देणं हवाई दलासाठी धोकादायक आहे, असा आक्षेपदेखील राहुल गांधींनी घेतला होता. त्यावर सुद्धा एरिक यांनी स्पष्टीकरण दिलं. ‘आमच्या कंपनीकडे प्रशिक्षित अभियंते तसेच कर्मचारी आहेत. तर दुसरीकडे भारतातील अनिल अंबानींची रिलायन्स कंपनी या क्षेत्रात नवोदित आहे. दसॉल्टसोबतच रिलायन्सदेखील या प्रकल्पात गुंतवणूक करेल. यामुळे रिलायन्सला विमान निर्मितीचा अनुभव मिळेल,’ असं दसॉल्टच्या सीईओंनी स्पष्ट केलं.

संरक्षण क्षेत्रातील लढाऊ विमान निर्मितीचा शून्य अनुभव नसताना, केवळ मोदींच्या कृपेने अनिल अंबानींच्या रिलायन्सला राफेल लढाऊ विमानाचं कंत्राट मिळालं, असा आरोप काँग्रेस अध्यक्ष राहुल गांधी यांनी अनेक वेळा केला आहे. दरम्यान, या आरोपाला आता राफेलची निर्मिती करणाऱ्या फ्रान्सच्या दसॉल्ट कंपनीच्या CEO नी प्रतिउत्तर दिलं आहे. त्यात त्यांनी म्हटलं आहे की, आम्ही अनिल अंबानींच्या कंपनीत नव्हे, तर अनिल अंबानींसोबतच्या जॉईंट व्हेंचरमध्ये गुंतवणूक केली आहे, असं स्पष्टीकरण दसॉल्टचे सीईओ एरिक ट्रॅपियर यांनी प्रसार माध्यमांना दिलं आहे.

राफेल लढाऊ विमानांच्या करारासाठी अनिल अंबानींच्या रिलायन्सची निवड करण्यासाठी नरेंद्र मोदी सरकारनं फ्रान्सच्या दसॉल्ट कंपनीवर दबाव आणला, असा गंभीर आरोप त्यांनी अनेकदा केला होता. तसेच आम्ही स्वत:हून अनिल अंबानींच्या रिलायन्स कंपनीची निवड केली आहे, असं स्पष्टीकरण त्यांनी दिलं आहे. तसेच आमच्या कंपनीने अनिल अंबानींच्या रिलायन्समध्ये कोणतीही गुंतवणूक केली नसल्याचंदेखील त्यांनी स्पष्ट केलं. फ्रान्सस्थित दसॉल्ट अनिल अंबानींच्या रिलायन्ससोबत राफेलची निर्मिती करणार आहे. दरम्यान, संबंधित प्रकल्प दोन्ही कंपन्या मिळून पूर्ण करतील. त्यामुळे जॉईंट व्हेन्चरच्या माध्यमातून राफेलची निर्मिती केली जाईल. आणि त्यासाठी रिलायन्सदेखील गुंतवणूक करेल. त्यामुळे ही गुंतवणूक त्यात जॉईंट व्हेन्चरमध्ये असेल,’ अशा शब्दांमध्ये त्यांनी राफेल करारा संदर्भात उलगडा केला आहे. तसे वृत्त एएनआय’ने प्रसिद्ध केले आहे.

#WATCH I don’t lie.The truth I declared before and the statements I made are true. I don’t have a reputation of lying. In my position as CEO, you don’t lie: Dassault CEO Eric Trappier responds to Rahul Gandhi’s allegations #Rafale pic.twitter.com/grvcpsWkj7

— ANI (@ANI) November 13, 2018