पिंपरीत मंदिर परिसरालगत २ अल्पवयीन मुलींवर बलात्कार, एकीचा मृत्यू

पिंपरी चिंचवड : पिंपरीत दोन अल्पवयीन मुलींवर बलात्कार झाल्याची धक्कादायक घटना घडली आहे. त्यातील एकीचा उपचारादरम्यान मृत्यू झाल्याचे वृत्त आहे. हिंजवडी परिसरात हा धक्कादायक प्रकार घडल्याचे समोर आलं आहे. चौकशीअंती पोलिसांनी दोन तरुणांना अटक केलं असून त्यातील एक आरोपी अल्पवयीन असल्याची माहिती पोलिसांनी दिली आहे.

अटक करण्यात आलेल्या एका आरोपीचं नाव गणेश निकम असून त्याच वय २२ वर्ष आहे. या पीडित २ अल्पवयीन मुली रविवारी मंदिर परिसरात खेळायला गेल्या असता, आरोपी गणेश तसेच त्याच्या अजून एका साथीदाराने त्या मुलींचा पाठलाग केला. त्या गरीब घरातील असल्याने त्यांना चॉकलेटचे आमिष दाखवत मंदिरामागील जंगलात घेऊन गेले आणि बलात्कार केला. त्यानंतर या प्रकाराबाबत कुठेही माहिती दिली तर जीवे मारू, अशी धमकी आरोपींनी या मुलींना दिला होती असं पोलिसांनी सांगितलं.

आरोपीच्या धमकीमुळे भेदरलेल्या मुलींनी कुठेही घडल्या प्रकाराबद्दल तोंड उघडलं नाही. पीडित मुलींचे पालक गरीब असून ते उसतोड कामगार असल्याचं समोर आलं आहे. परंतु घडला प्रकार तेव्हा उजेडात आला जेव्हा मंगळवारी म्हणजे १८ सप्टेंबर रोजी यातील एका मुलीची प्रकृती खालावल्यानं पालकांनी तिला तातडीनं जवळच्या इस्पितळात दाखल केले. त्यानंतर वैद्यकीय तपासणीदरम्यान मुलीवर बलात्कार झाल्याचे प्रकरण उजेडात आले. त्यानंतर ताबडतोब ही गंभीर आणि हादरवणारी बाब समजल्यानंतर पोलिसांना याबाबतची सर्व माहिती देण्यात आली. परंतु, मुलगी बेशुद्धावस्थेत असल्यानं पोलिसांना गुन्ह्याची माहिती मिळवण्यास प्रचंड अडचण निर्माण होत होती. दरम्यान, त्यापैकी दुसऱ्या मुलीने अखेर धाडस करुन कुटुंबीयांना सर्व घडला प्रकार सांगितला आणि पोलिसांकडे तक्रार करण्यात आली. यानंतर पोलिसांनी तपासाअंती दोन्ही आरोपींच्या मुसक्या आवळल्या आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.