नगर निवडणूकः भाजपा-एनसीपी'ची खेळी, शिवसेनेला धोबीपछाड, महापौर भाजपचा

नगर : सकाळी अकरा वाजता महापौर निवडीची सभा पीठासीन अधिकारी जिल्हाधिकारी राहुल द्विवेदी यांच्या अध्यक्षतेखाली पार पडण्यास सुरुवात झाली. शिवसेनेच्या २४ नगरसेवकांपैकी २३ नगरसेवक सभागृहात उपस्थित होते. तर सपा नगरसेवकांनी शिवसेनेला पाठींबा दिला. सर्वात मोठा पक्ष असलेल्या शिवसेनेला एकूण ०८ मते मिळाली तर एनसीपीचे महापौर पदाचे उमेदवार संपत बारस्कर, अविनाश घुले, नज्जू पहिलावान हे नगरसेवक भारतीय जनता पक्षाचे महापौर पदाचे उमेदवार बाबासाहेब वाकळे यांच्यासोबतच महापालिकेत हजर झाले.

त्याचवेळी एनसीपी आणि भारतीय जनता पक्षासोबत असल्याचे उपस्थितांच्या निदर्शनास आले. दरम्यान, सभागृहात महापौर पदासाठी एनसीपी’कडून उमेदवारी दाखल केलेल्या नगरसेवक संपत बारस्कर यांनी आपला अर्ज मागे घेतला. त्यामुळे भारतीय जनता पक्षाचे वाकळे आणि शिवसेनेचे बाळासाहेब बोराटे असे २ उमेदवार अखेर रिंगणात उरले होते.

वाकळे यांना एकूण ३७ मतं मिळाली. त्यात भाजपचे १४, एनसीपीची १८, बसपा ०४ तर अपक्ष ०१ अशा मतांचा समावेश आहे. तर दुसरीकडे शिवसेनेचे बोराटे यांना एकूण ०८ इतकी मते मिळाली. तर छत्रपती शिवाजी महाराजांबद्दल अवमानजनक वक्तव्य करणाऱ्या श्रीपाद छिंदमचे मत शिवसेनेच्या कोट्यात मोजण्यात आल्याने सर्वांनाच आश्चर्याचा धक्का बसला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.