सीएम साहेबांना सांगून बदली करायला लावेन, भाजप आमदार बंब

औरंगाबाद : गंगापूर पोलिसांनी पकडलेली गुटख्याची एक गाडी ही भाजपचे आमदार प्रकाश बंब यांच्या कार्यकर्त्याची होती असं चर्चा रंगली आणि त्यामुळेच प्रकाश बंब यांनी पकडलेली गाडी सोडून देण्यासाठी त्यांनी गंगापूर पोलीस ठाण्यात जाऊन पोलीस निरीक्षक राजेंद्र इंगळे यांना दमबाजी केल्याची घटना औरंगाबादमध्ये घडली असल्याचा व्हिडिओ सोशल मीडियावर व्हायरल झाल्याने आमदार प्रकाश बंब अडचणीत सापडले आहेत.

ती गुटख्याची गाडी सोडून देण्यासाठी आमदार प्रकाश बंब यांनी पोलिसांना फोन केला. परंतु स्थानिक पोलिसांनी न जुमानल्याने प्रकाश बंब यांनी थेट पोलीस स्टेशन गाठले आणि पोलीस निरीक्षक राजेंद्र इंगळे यांना थेट दमबाजी केली. पोलिसांना दमबाजी करताना ते म्हणाले की, ‘मला कळतं कुठे काय चालतं ते. आणि लोकप्रतिनिधींनी पोलिसांना सांगू नये व पोलिसांनी लोकप्रतिनिधींना शिकवू नये. आजपासून या विभागात कुठेही अवैध धंदे चालणार नाही. मुख्यमंत्री साहेबांकडून मुंबईतून बदलीच करायला लावेन’, अशी धमकी देताना बंब व्हिडिओत स्पष्ट दिसत आहेत. आमदाराचा फोन आल्यावर कुठलीही गाडी सोडलीच पाहिजे आणि जर माझे म्हणणे ऐकत नसाल तर तुमची बदली करुन टाकेन, अशी धमकीच त्यांनी पोलिसांना दिला.

परंतु प्रकाश बंब यांना अनेक माध्यमांनी याबाबत विचारले असता त्यांनी उलटीच कहाणी सांगायला सुरुवात केली. ते म्हणाले की, तो अधिकारी पहिल्या गाड्या पकडतो. नंतर पैसे घेऊन सोडून देतो, असं मला सांगण्यात आलं. त्या पोलीस निरीक्षकावर केवळ रागावलो होतो. पण त्यांना कोणतीही दमबाजी केली नाही, असे भाजप आमदार बंब यांनी सांगितले.

एकूणच तो व्हिडिओ पाहता सत्तेची नाश ही लोकप्रधिनींच्या डोक्यात गेली असून त्यातून अनेक सरकारी अधिकाऱ्यांचे खच्चीकरण होताना दिसत आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.