राजस्थानमध्ये काँग्रेसची बहुमताच्या दिशेने वेगाने वाटचाल

जयपूर : सध्या ५ राज्यांमध्ये सुरु असलेल्या विधानसभा निवडणुकीच्या निकालावरून देशात मोदी जादू संपल्यात जमा आहे. त्याचा प्रत्यय तेलंगणात आणि छत्तीसगडमध्ये स्पष्ट दिसत आहे. विशेष म्हणजे मध्य प्रदेश, छत्तीसगड आणि राजस्थान या हिंदी भाषिक राज्यांमध्ये धार्मिक राजकारण मोठ्या प्रमाणावर केलं गेलं असलं तरी ते मतदाराने स्पष्टपणे नाकारलं आहे हे निवडणुकीच्या निकालांवरून दिसत आहे.

त्यात राजस्थानमध्ये काँग्रेसने बहुमताच्या दिशेने जोरदार मुसंडी घेतल्याचे चित्र आहे. राजस्थानात भाजपाचं कमळ पूर्णतः कोमेजताना दिसतं आहे. निवडणुकीचे सुरुवातीचे कल पाहता काँग्रेसनं बहुमताचा आकडा सहज पार केल्याचे पहायला मिळत आहेत. राजस्थानमध्ये विधानसभेच्या एकूण २०० जागा आहेत. यापैकी १०० पेक्षा अधिक जागांवर राष्ट्रीय काँग्रेसने मोठी आघाडी घेतली आहे. दरम्यान, राज्यातील काँग्रेसचे वरिष्ठ नेते आणि माजी मुख्यमंत्री अशोक गेहलोत, सचिन पायलट हे मोठ्या आघाडीने पुढे आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.