व्हिडिओ; आम्ही आमच्या 'त्या' आश्वासनांवर हसतो आणि पुढे जातो: गडकरी

मुंबई : आम्ही सत्तेत येणार नाही याची भाजपला खात्री होती. त्यामुळेच आम्ही काही आश्वासन देत सुटलो. परंतु, आम्ही स्वतः त्या सामान्यांना दिलेल्या आश्वासनांवर हसतो आणि पुढे जातो’ असं वादग्रस्त विधान केंद्रीय मंत्री नितीन गडकरी यांनी एका वाहिनीच्या मुलाखतीत केलं होतं. त्यामुळेच काँग्रेस अध्यक्ष राहुल गांधींनी या गडकरींच्या त्या विधानाची दखल घेतली आणि त्यामुळे स्वतः गडकरी आणि भाजप वादातसापडण्याची चर्चा रंगली आहे.

काही दिवसांपूर्वी कलर्स या मराठी वाहिनीवरील ‘अस्सल पाहुणे, इरसाल नमुने’ या कार्यक्रमात मकरंद अनासपुरेंनी ज्येष्ठ अभिनेते नाना पाटेकर आणि नितीन गडकरी यांची दिलखुलास मुलाखत घेतली. या मुलाखतीत टोलबंदीवर चर्चा सुरू असताना अभिनेते नाना पाटेकरांनी,’तुम्ही निवडणुकीच्या वेळी काहीतरी वेगळं बोलता आणि नंतर काही तरी वेगळं बोलता’ असा टोला देखील गडकरींना लगावला होता.

त्याला उत्तर देताना गडकरी म्हणाले, ‘मी वैयक्तिक अशी आश्वासनं दिली नाही. राजकारणात अशी विधानं करावी लागतात. त्यात आम्ही सत्तेत काही येणार नाही याचा आम्हाला दृढ विश्वास होता. त्यामुळे अनेकांनी सल्ले दिले की, तुम्ही बोला आणि अनेक आश्वासनं द्या ,जबाबदारी थोडीच येणार आहे. पण आता सत्तेत आलो. त्यामुळे विरोधक आता विचारतात तुम्ही असं बोलला होता. मग आता काय करणार? पण आम्ही त्यावर हसतो आणि पुढे जातो’ असं विधान गडकरींनी मुलाखतीत केलं होतं.

दरम्यान काँग्रेस अध्यक्ष राहुल गांधी यांनी गडकरींचा हा व्हिडिओ ट्विट केला असून ‘ जनतेच्या स्वप्नांचा आणि विश्वासाचा सत्तेच्या हव्यासापोटी बळी दिला आहे’ असं विधानही केलं आहे. सोशल मीडियावर हा व्हिडिओ व्हायरल होत असतानाच गडकरींनी अजून तरी यावर कोणतीही प्रतिक्रिया दिलेली नाही.

काय आहे तो नेमका व्हिडिओ?

सही फ़रमाया, जनता भी यही सोचती है कि सरकार ने लोगों के सपनों और उनके भरोसे को अपने लोभ का शिकार बनाया है| pic.twitter.com/zhlKTrKHgU

— Rahul Gandhi (@RahulGandhi) October 9, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.