भाजप आमदाराच्या गाडीत EVM मशीन सापडली | निवडणूक आयोग भाजपला मदत करतंय का? - अतुल लोंढे

मुंबई, ०२ एप्रिल: पश्चिम बंगाल आणि आसाम विधानसभा निवडणुकीच्या दुसऱ्या टप्प्यात गुरुवारी भरभरून मतदान झाले. पश्चिाम बंगालमध्ये ३० जागांसाठी तब्बल ८०.४३ टक्के तर आसामच्या ३९ जागांसाठी ७४.६९ टक्के मतदानाची नोंद झाली. या टप्प्यात नंदिग्राममध्ये मतदान झाले असून, ममता आणि त्यांचे प्रतिस्पर्धी भाजप उमेदवार सुवेंदू अधिकारी या दोघांनीही विजयाचा दावा केला. बंगालमध्ये हिंसाचाराच्या तुरळक घटना घडल्या. मतदान प्रक्रियेत गैरप्रकार झाल्याच्या अनेक तक्रारी तृणमूल काँग्रेसने निवडणूक आयोगाकडे केल्या.

दरम्यान, आसाममध्ये गुरुवारी दुसऱ्या टप्प्यातील 39 जागांसाठी मतदान घेण्यात आले. या दिवसभरातील मतदान प्रकियेनंतर भाजप उमेदवाराच्या कारमध्ये ईव्हीएम मशिन आढळून आल्याची घटना उघडकीस आली आहे. कारचा नंबर AS 10 B 0022 असून या कारमधील ईव्हीएम मशिनचा व्हिडिओ सोशल मीडियावर व्हायरल झाला आहे. पाथकरकंडीचे विद्यमान आमदार आणि सध्याच्या निवडणुकीतील भाजपा उमेदवार कृष्णेंदू पॉल यांची ही कार असल्याचा दावा विरोधी गटाकडून करण्यात येत आहे. काँग्रेस आणि एआययुडीएफने हे प्रकरण अतिशय गंभीर असल्याचं सांगत आहेत. दुसरीकडे सरकार पुरस्कृत वृत्त वाहिन्या आणि निवडणूक अयोग्य हास्यास्पद कारणं देत असल्याने समाज माध्यमांवर तिखट प्रतिक्रिया उमटत आहेत.

VIDEO | आसाम विधानसभा मतदान | पठारकांडी मतदारसंघातील भाजपचे उमेदवार कृष्णेंदु पॉल यांच्या गाडीत EVM मशीन मिळाल्या आहेत. pic.twitter.com/UnIosyB0lh

— महाराष्ट्रनामा न्यूज (@MahaNewsConnect) April 2, 2021

याच विषयाला अनुसरून काँग्रेसचे प्रवक्ते अतुल लोंढे यांनी मोदी सरकार आणि निवडणूक आयोगाला लक्ष केलं आहे. यासंदर्भात अतुल लोंढे यांनी प्रश्न उपस्थित करताना ट्विट मध्ये म्हटलं आहे की, “भाजप आमदाराच्या गाडीत ईव्हीएम मशीन सापडली आहे आणि कोणतीही कारवाई न होता निवडणूक आयोग भाजपला बेकायदेशीर मार्गाने मदत करत आहे का?

भाजपा के विधायक के गाड़ी में #EVM मशीन मिलती है और कुछ नहीं होता #ECI क्या भाजपा को ग़ैरक़ानूनी तरिकेसे मदत कर रहा है क्या?कमेंट बॉक्स में। बताओ

— गांधीदूत-Atul Londhe Patil (@atullondhe) April 2, 2021

News English Summary: Following this issue, Congress spokesperson Atul Londhe has drawn the attention of the Modi government and the Election Commission. In this regard, Atul Londhe, while presenting the question, said in his tweet, “EVM machine has been found in the car of a BJP MLA and without any action, is the Election Commission helping the BJP illegally?” said Atul Londhe.

News English Title: Congress spokesperson Atul Londhe raised question over Assam EVM found in BJP leaders vehicle news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.