धुळे: भाजपला ५० जागांसह स्पष्ट बहुमत मिळणार, तर अनिल गोटे तोंडघशी

धुळे: महानगरपालिका निवडणुकीच्या मतमोजणीनंतर सत्तास्थापनेचं चित्र जवळपास स्पष्ट झालं आहे. दरम्यान, महानगरपालिका निवडणुकीत भाजपाने मोठी आघाडी घेतल्याचे दिसत असून त्यांनी एकहाती सत्ता स्थापनेच्या दिशेने वाटचाल केली आहे. धुळ्यात भारतीय जनता पक्षाचे जवळपास ५० हून अधिक उमेदवार आघाडीवर होते.

त्यामुळे भाजप हा धुळे महानगरपालिकेत सर्वात मोठा पक्ष म्हणून समोर येण्याची शक्यता आहे. दरम्यान, मतदानाच्या दिवशी अनेक मतदारसंघात मोठ्या प्रमाणावर भाजपाकडून पैसे वाटप झाल्याचा आरोप विरोधी पक्षांनी केला आहे.

तसेच आमदार अनिल गोटे आणि शिवसेनेचे भाजपाला कोंडीत पकडण्याचे प्रयत्न असफल झाल्याचं चित्र आहे. धुळे महानगरपालिकेच्या १९ प्रभागातील एकूण ७३ जागांसाठी हे मतदान पार पडले होते. दरम्यान, एका जागेची निवडणूक बिनविरोध झाली असून एकूण ७४ जागा आहेत. त्यापैकी अनुसूचित जातीसाठी ६, अनुसूचित जमातीसाठी ५, तर नागरिकांच्या मागासप्रवर्गासाठी एकूण २० जागा राखीव होत्या अशी आकडेवारी आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.