मोदीजी पंतप्रधानपदाची प्रतिष्ठा राखा आणि संयम बाळगा : मनमोहनसिंग

नवी दिल्ली : पंतप्रधान नरेंद्र मोदींनी बिगर भारतीय जनता पक्ष शासित राज्यांमध्ये भाषणादरम्यान थोडा संयम बाळगायला हवा. पंतप्रधानांनी त्यांच्या आचरणातुन नेहमी इतरांसाठी उदाहरण समोर ठेवले पाहिजे. तसेच त्यांची एकूण वर्तणूक ही पंतप्रधानपदाला सुद्धा साजेशी असली पाहिजे, असा सल्ला माजी पंतप्रधान मनमोहनसिंग यांनी विद्यमान पंतप्रधान नरेंद्र मोदींना दिला आहे.

माजी केंद्रीय मंत्री मनीष तिवारी लिखित ‘फेबल्स ऑफ फ्रॅक्चर्ड टाइम्स’ या पुस्तकाच्या प्रकाशन सोहळ्याला त्यांनी प्रमुख पाहुणे म्हणून हजेरी लावली होती. त्यावेळी उपस्थितांना संबोधित करताना मनमोहन सिंग यांनी हे विधान केले आहे. त्यांनी या भाषणादरम्यान मौलिक आणि अनुभवी सल्ला दिल्याचे म्हटले जात आहे. सध्या ५ राज्यांमधील विधानसभेतील प्रचार शेवटच्या टप्यात असताना मोदी प्रचार सभेत वाट्टेल ते बोलत आहेत असं एकूण चित्र निर्माण झालं आहे. विकासावर बोलण्यापेक्षा ते आई – वडील अशा वैयक्तिक विषयांना हात घालून भावनिक वातावरण करत आहेत आणि त्यामुळे प्रसार माध्यमांमध्ये सुद्धा मोदींवर तुफान टीका केली जात आहे.

My advice to PM is that he should exercise due restraint becoming of the office of PM.When he goes to states which are ruled by parties other than his,I think,has an obligation not to use the type of language which has now become a common practice:Former PM Manmohan Singh (26.11) pic.twitter.com/Dn0hrCDWza

— ANI (@ANI) November 26, 2018

त्यामुळेच मनमोहन सिंग म्हणाले की, “मोदींनी पंतप्रधानपदाची प्रतिष्ठा बाळगायला हवी”. कारण सध्या ज्या राज्यांत विधानसभेच्या निमित्ताने प्रचार सुरु आहे तेथे प्रचारसभांमध्ये खालच्या स्तराची भाषा वापरली जात आहे, असं स्पष्ट दिसून येत आहे.

The prime minister of a country must set an example. He is the prime minister for all the citizens of our country and his conduct must be worthy and consistent with that obligation that he/she has as prime minister: Former PM Manmohan Singh (26.11) #Delhi pic.twitter.com/Q32ut8k4Lz

— ANI (@ANI) November 26, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.