कर्नाटकात भाजपकडून पुन्हा आमदार फोडाफोडी? येडियुरप्पा पुन्हा सक्रिय

कर्नाटक : भाजपकडून कर्नाटकात पुन्हा सत्ताधारी पक्षातील आमदार फोडाफोडी करून सत्ता स्थाणपणेचा दावा केला जाऊ शकतो. जेडीएस आणि काँग्रेसच्या आमदारांच्या भेटीगाठी सुरु झाल्या असून, त्यांना भाजपमध्ये सामील करण्याच्या हालचालींनी कर्नाटकात जोर धरला आहे.

दिल्लीतील भाजपचे वरिष्ठ या घटनेवर लक्ष ठेऊन असल्याचे समजते. त्यामुळे लवकरच कर्नाटकात मोठ्या राजकीय घटना घडण्याची शक्यता आहे. कर्नाटकात काही दिवसांपूर्वी राज्य भाजप कार्यकारिणीची बैठक पार पडली होती. त्यावेळी उपस्थितांना संबोधित करताना भाजपचे प्रदेशाध्यक्ष बी. एस. येडियुरप्पा कर्नाटकातील काँग्रेस-जेडीएस आघाडी सरकार ५ वर्ष पूर्ण करण्याआधीच भाजपचे सरकार येईल असा दावा केला होता.

केंद्रीय भाजप नैतृत्वाला सध्या २०१९ मधील निवडणुकीचे वेध लागले आहेत. त्यामुळे आगामी लोकसभा निवडणुकीपूर्वी कर्नाटकची सत्ता हातात असणे भाजपाला गरजेचे वाटू लागले आहे. काँग्रेस- जेडीएसमधील नाराज आमदारांना भाजपसोबत आणून त्याचा आगामी लोकसभा निवडणुकीत फायदा करून घेण्याची योजना दिल्लीश्वरांनी आखली आहे. त्यामुळे लवकरच कर्नाटकात मोठ्या राजकीय घटना घडण्याची शक्यता आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.