नवी मुंबई: शिवसैनिकांचा शिवबंधन तोडून महाराष्ट्र नवनिर्माण सेनेत जाहीर प्रवेश

नवी मुंबई : शिवसेना जरी आज केंद्रात आणि राज्यात सत्तेत असली तरी पक्ष नक्की सत्तेत आहे की विरोधी पक्षात हे कार्यकर्त्यांना सुद्धा कळेनासे झाल्याने संभ्रमात असलेले अनेक शिवसैनिक महाराष्ट्र नवनिर्माण सेनेत प्रवेश करत आहेत. त्याचाच प्रत्यय नवी मुंबईतील घणसोलीत आला आहे. शिवसेनेच्या अनेक स्थानिक पदाधिकाऱ्यांनी पक्षाला अखेरचा जय महाराष्ट्र करत महाराष्ट्र नवनिर्माण सेनेत प्रवेश केला आहे.

सध्या अनेक निवडणूकपूर्व सर्व्हेमध्ये शिवसेनेची भाजपसोबत युती न झाल्यास मोठा फटका बसण्याची शक्यता वर्तविण्यात येत आहे. शिवसेनेने जरी स्वतंत्र निवडणुका लढविण्याचा निर्णय जाहीर केला असला तरी अखेरच्या क्षणी काय होईल याची शास्वती कार्यकर्ते सुद्धा देऊ शकत नाहीत अशी स्थिती आहे. दरम्यान, आयत्यावेळी पक्ष प्रमुखांनी भूमिका बदलून पुन्हा युतीचा निर्णय जाहीर केल्यास शिवसेनेबद्दलची प्रतिमा अजूनच नकारात्मक होईल, असा अंदाज अनेक राजकीय विश्लेषकांनी व्यक्त केला आहे.

दरम्यान, घणसोली विभागातील या शेकडो शिवसैनिकांच्या मनसेतील पक्ष प्रवेशावेळी मनसे नवी मुंबई शहर अध्यक्ष गजानन काळे, उपशहर अध्यक्ष संदीप गलगूडे, शहर सचिव सचिन आचरे व घणसोली विभागातील सर्व महाराष्ट्र सैनिक उपस्थित होते.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.