पीएनबी बँक घोटाळा एनडीए च्या काळातला, घोटाळ्यातील पहिली अटक.

मुंबई : पीएनबी बँकेच्या ११,३०० कोटीच्या घोटाळ्याप्रकरणी सीबीआयने पहिली अटक केली आहे. पीएनबी बँकेचा ब्रिच कँडी ब्रँचचा तत्कालीन शाखा उपव्यवस्थापक गोपाळ शेट्टी याला आणि आणखी दोघा संशयितांना सीबीआयने ताब्यात घेतले आहे.

पीएनबी बँकेचा ब्रिच कँडी ब्रँचचा तत्कालीन शाखा उपव्यवस्थापक गोकुळनाथ शेट्टी याच्या सहित सिंगल विंडो ऑपरेटर मनोज खराज आणि निरव मोदी च्या कंपनीचा अधिकृत स्वाक्षरीदार हेमंत भट याला सुध्दा सीबीआयने ताब्यात घेतले आहे. त्यांना सीबीआय कोर्टात हजर केलं जाणार असून लवकरच या तपासाला वेग येण्याची शक्यता आहे.

तर दुसरीकडे पीएनबी बँकेच्या ११,३०० कोटीच्या घोटाळ्याप्रकरणी हवा असलेला प्रमुख आरोपी नीरव मोदी अमेरिका, बेल्जियम किंवा स्वित्झर्लंडला गेला असावा अशी शक्यता वर्तवली जात आहे.

धक्कादायक माहिती;

दुसरीकडे हे ही समोर येत आहे की, एनडीएच्या काळात ५,००० कोटींचा घोटाळा झाला आहे म्हणजे निरव मोदीला सर्वाधिक एलओयू 2017 मध्ये जारी करण्यात आल्याची माहिती पुढे येत आहे.

पीएनबी बँकेतील ११,३०० कोटी रुपयांच्या घोटाळ्यात सीबीआयच्या एफ.आय.आर मध्ये एक धक्कादायक माहिती पुढे येत आहे. ती म्हणजे घोटाळ्यातील एकूण ११,३०० कोटी पैकी ५,००० कोटी रुपयांच्या घोटाळा हा एनडीए (भाजप प्रणित) म्हणजे नरेंद्र मोदींच्या काळात झाला असल्याचे असल्याचे पुढे आले आहे.

कारण नीरव मोदीला सर्वाधिक एलओयू 2017 मध्ये जारी करण्यात आल्याची माहिती पुढे येत आहे. म्हणजे अटक झालेला आरोपी गोकुळनाथ शेट्टी याने त्याच्या निवृत्तीच्या कार्यकाळापर्यंत नीरव मोदीला हमीपत्र आधीच जारी करून ठेवले होते. एलओयूमध्ये आणखी अनेक बँकेची नावे समोर येत असून त्यांच्याच हाँगकाँग, फ्रँकफर्ट, बहारीन आणि मॉरिशस ब्रांचने मुख्य सूत्रदार निरव मोदीसाठी रक्कम दिली.

#PNBFraudCase : #CBI arrest three

Read @ANI story | https://t.co/xPAOqlvioi pic.twitter.com/PCbZsGrZP5

— ANI Digital (@ani_digital) February 17, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.