महत्वाच्या बातम्या

• 

  पुणे: नगरसेवकांची लायकी काढणाऱ्या अतिरिक्त आयुक्तांच्या थोबाडीत दिली

  पुणे महानगर पालिकेतील अतिरिक्त आयुक्त राजेंद्र निंबाळकर यांना महापौरांच्या देखतच चोप देण्यात आला आहे. नगरसेवकांच्या स्थानिक कार्यकर्त्यांकडून महापौर दालनात सदर घटना घडल्याचे वृत्त आहे. प्रभागातील जलपर्णी हटवण्याच्या गैरव्यवहाराबाबत विचारणा करत असताना संबंधित घटना घडल्याचे समजते. दरम्यान यावेळी स्वतः पुण्याच्या महापौर मुक्ता टिळक देखील हजर होत्या. पुणे महापालिके’मध्ये भर दुपारच्या वेळी ही घटना घडल्याने त्याचे राजकीय वर्तुळात देखील मोठे पडसाद उमटण्याची शक्यता वर्तविण्यात यते आहे.

  6 वर्षांपूर्वी
• 

  सेनेने भाजपशी पुन्हा युती केल्यास ती त्यांच्याच मुळाशी येण्याची शक्यता? सविस्तर

  भारतीय जनता पक्ष जर आज महाराष्ट्रात पाय घट्ट करू शकला असेल ते तो शिवसेनेमुळे. राज्यात फारसं अस्तित्व नसलेला भाजप त्यावेळी शिवसेनेसोबत युती करून राज्यभर पक्ष विस्तार केला. त्यानंतर २०१४ मध्ये मिळालेल्या अभूतपूर्व यशानंतर मात्र भाजप उन्मत्त झाली आणि स्वतःच्या मित्रपक्षांच्या अडचणीत वाढ करून, त्यांच्याच अस्तित्वाला आवाहन देण्याचा हेतुपुरस्कर प्रयत्न केला. त्यात भर म्हणजे राज्याची राजधानी असलेल्या मुंबई महापालिका निवडणुकीत भाजपने अभूतपूर्व यश प्राप्त केलं. त्यामुळे भविष्यात भाजप शिवसेनेचा आर्थिक लचकाच मोडेल अशी शक्यता आहे.

  6 वर्षांपूर्वी
• 

  भाजप आघाडीत ४० छोटे-मोठे पक्ष, तरी मोदी विचारतात माझ्याविरोधात महाआघाडी का करता?

  लोकसभा निवडणुकीच्या अनुषंगाने मोदींनी देशभर प्रचार सुरु केला आहे. त्यानिमित्त मोदींनी विरोधकांच्या आघाडीवर पुन्हा हल्लाबोल केला आहे. पंतप्रधान म्हणाले, ‘मी पंतप्रधान म्हणून अपयशी ठरलो असं म्हणता, मग माझ्याविरोधात आघाडी करण्याची गरज का भासते, असा सवाल मोदींनी विरोधकांना विचारला. विरोधकांची महाआघाडी म्हणजे महाभेसळ असल्याचा पुनरुच्चार नरेंद्र मोदींनी यावेळी केला. केवळ घराणेशाही पुढे नेण्यासाठीच महाआघाडी केली जात असल्याचा आरोप त्यांनी सभेदरम्यान केला. त्यांचा प्रयत्न तामिळनाडूसह देशातील जनता कधीही यशस्वी होऊ देणार नाही, असंही ते म्हणाले.तामिळनाडूतील तिरुपूरमध्ये त्यांची सभा पार पडली.

  6 वर्षांपूर्वी
• 

  प्रियंका गांधींच्या रोडशोला लखनऊमध्ये तुफान गर्दी

  काँग्रेस पक्षाच्या सक्रिय राजकारणात सहभागी झाल्यानंतर काँग्रेस पक्षाच्या पूर्व उत्तर प्रदेशच्या महासचिव प्रियंका गांधी आज ११ फेब्रुवारीपासून ४ दिवसांचा दौरा करणार आहे. काही वेळापूर्वीच प्रियांका गांधी विमानतळावर दाखल झाल्या असून कार्यकर्त्यांकडून त्यांचे उत्साहात स्वागत करण्यात आले आहे. त्यांच्यासोबतच कॉंग्रेस अध्यक्ष राहुल गांधी आणि ज्योतिरादित्य शिंदे देखील लखनऊमध्ये दाखल झाले आहेत.

  6 वर्षांपूर्वी
• 

  प्रियांका गांधींची ट्विटरवर एंट्री, भाजपच्या टिवटिवला उत्तरं मिळणार

  काँग्रेसच्या सरचिटणीस प्रियंका गांधी यांनी सक्रिय राजकारणात एंट्री केल्यानंतर युपीच्या दौऱ्यासोबत ट्विटरवर देखील आगमन झाले आहे. प्रियंका गांधी वाड्रा या नावाने प्रियंका गांधी यांचे ट्विटरवर @priyankagandhi हे अधिकृत अकाऊंट सुरू झाले आहे. त्याबाबतची माहिती काँग्रेसच्या अधिकृत ट्विटर अकाऊंटवरून देण्यात आली आहे.

  6 वर्षांपूर्वी
• 

  VIDEO - विद्यार्थी-पालकांनो नक्की ऐका; शिक्षण महत्वाचं! पण तेच आयुष्य आहे का? विचार करा!

  सध्याची जीवघेण्या स्पर्धेमध्ये गुंतलेली शिक्षणपद्धती पालकांसोबतच विद्यार्थ्यांसाठी मोठं आवाहन ठरली आहे. याच शिक्षणपद्धतीत पालक आणि विद्यार्थी दोघेही सारखेच भरडले जात आहेत. त्यामुळे दिवसेंदिवस पालक आणि विद्यार्थीदेखील ताणतणावाखाली आयुष्य जगताना सहज नजरेस पडतं. परंतु, शिक्षण म्हणजेच आयुष्य आहे का? ही विचार करायला लावणारी गोष्ट आज प्रत्येक घराशी निगडित आहे.

  6 वर्षांपूर्वी
• 

  मुंबई-ठाण्यात मराठी माणूस न एकवटल्यास, भविष्यात त्याला एकही राजकीय वाली नसेल? सविस्तर

  सध्या राज्याची राजधानी मुंबई आणि त्याच्या आजूबाजूच्या ठाणे, मीरा-भायंदर शहरांमध्ये मराठी माणूसच अल्पसंख्यांक होण्याच्या दिशेने कूच करत आहे. हिंदी भाषिकांची संख्या इतकी प्रचंड वाढलेली दिसत आहे, की इथली राजकीय गणित देखील मराठी माणसाच्या मतांवर अवलंबून राहिलेली नाही. नेमकं तेच राजकीय वास्तव स्वीकारून मराठी माणसाची शिवसेना सुद्धा उत्तर भारतीयांच्या सन्मानासाठी मुंबई-ठाणे सारख्या शहरात खुलेआम सज्ज झाली आहे. मुबईकर आणि हिंदुत्वाच्या आडून मुंबई-ठाण्यातल्या मराठी माणसाला शिवसेनेने कधी मूर्ख बनवलं याचा पत्ता त्याला स्वतःला सुद्धा अजून लागलेला नाही.

  6 वर्षांपूर्वी
• 

  राज ठाकरेंची लोकसभेच्या अनुषंगाने कृष्णकुंजवर नेते व पदाधिकाऱ्यांसोबत बैठक

  महाआघाडीबाबत तर्कवितर्क जोडले जात असताना मनसे एकाबाजूला काही ठराविक लोकसभा मतदारसंघात तयारीला लागली होती. मनसे नक्की कोणत्या मतदारसंघात लोकसभा निवडणूक लढवणार ते अधिकृतपणे जाहीर झालं नसलं तरी, त्यावरच सविस्तर चर्चा करण्यासाठी राज ठाकरे यांनी कालच बैठकीचे आदेश दिले होते. त्याप्रमाणे सध्या कृष्णकुंजवर सध्या सर्व नेते – पदाधिकाऱ्यांसोबत बैठक सुरु झाली आहे.

  6 वर्षांपूर्वी
• 

  नरेंद्र मोदी १६ तारखेला यवतमाळच्या दौऱ्यावर

  पंतप्रधान नरेंद्र मोदी १६ फेब्रुवारीला यवतमाळच्या दौऱ्यावर येणार आहेत. दरम्यान, ते महिला बचत गटाच्या मेळाव्याला उपस्थित राहून त्याठिकाणी ते सभा देखील घेणार असल्याचे वृत्त आहे. तशी अधिकृत माहिती केंद्रीय मंत्री हंसराज अहिर यांनी प्रसार माध्यमांना दिली आहे.

  6 वर्षांपूर्वी
• 

  निवेदन कसे स्वीकारावे माहित नसलेल्या तावडेंकडून प्रियंका गांधींची शूर्पणखेशी तुलना

  सध्या प्रियांका गांधी सक्रिय राजकारणात उतरल्याने भारतीय जनता पक्षाचे नेते बिथरल्यासाखे दिसत आहेत. कारण तशाच काहींच्या प्रतिक्रिया भाजप नेते मंडळी आणि मंत्र्यांकडून येऊ लागल्या आहेत. राज्याचे सांस्कृतिक आणि शिक्षण मंत्री विनोद तावडे यांचे नुकतेच काही फोटो समाज माध्यमांवर व्हायरल झाले होते. त्यामध्ये भेटीसाठी आलेल्या सामान्य लोकांकडून ते कशा प्रकारे आणि रुबाबात निवेदनं स्वीकारतात त्याचा प्रत्यय आला होता.

  6 वर्षांपूर्वी
• 

  प्रयांका गांधींसोबत 'प्रियंका सेना' देखील सज्ज

  भारतीय जनता पक्ष प्रत्येक गोष्ट इव्हेन्टसारखी लोकांपर्यंत पोहोचवत असताना आता काँग्रेसने देखील कुठेही मागे न राहण्याचा निर्णय घेतला आहे. मोदी मुखवटे आणि टी-शर्ट घालून भाजपचे कार्यकर्ते नक्कीच पहिले असतील. परंतु, आता प्रियांका गांधींसाठी सुद्धा प्रियांका सेने सज्ज झाली आहे. काँग्रेसच्या युपीच्या महासचिव प्रियंका गांधींमध्ये दिवंगत पंतप्रधान इंदिरा गांधींची छबी आहे, असे काँग्रेसबरोबरच अनेक सामान्य लोकांनां सुद्धा वाटतं. यामुळे हा दावा खरा ठरविण्यासाठी इंदिरा गांधींच्या तत्कालीन वानरसेनेच्या धर्तीवर प्रियंका सेना तयार करण्यात आली आहे.

  6 वर्षांपूर्वी
• 

  याला पाडू, त्याला पाडू हे करण्याच्या धुंदीतच उद्या हे स्वतः कोसळतील: उद्धव ठाकरे

  शिवसेना पक्षप्रमुख उद्धव ठाकरे यांनी सामनाच्या अग्रलेखातून मुख्यमंत्री देवेंद्र फडणवीस आणि भारतीय जनता पक्षावर बोचऱ्या भाषेत टीका केली आहे. दरम्यान, सत्तासंघर्षवर देखील उत्तर देताना उद्धव ठाकरेंनी म्हटलं आहे, ‘सत्ता कोणाला नको आहे? राजकारण करणार्‍या सगळ्यांनाच ती हवी आहे, पण २४ तास त्याच नशेत राहून झिंगणे आणि झिंगल्यासारखे तर्राट बोलणे हे बरे नाही’, असे सामनाच्या अग्रलेखात भाजपाला खडे बोल सुनावले आहेत.

  6 वर्षांपूर्वी
• 

  प्रियंका गांधींचा आज लखनौमध्ये रोड शो, आजपासून भाजपविरोधात रिंगणात

  आगामी लोकसभा निवडणुकीच्या अनुषंगाने युपीच्या पूर्व भागाची जबाबदारी स्वीकारल्यानंतर काँग्रेसच्या सरचिटणीस प्रियंका गांधी पहिल्यांदाच युपीच्या दौऱ्यावर येत आहेत. दरम्यान, त्यांच्यासोबत काँग्रेस अध्यक्ष राहुल गांधी आणि राज्याच्या पश्चिम भागाची जबाबदारी असलेले काँग्रेस नेते ज्योतिरादित्य शिंदे हे सुद्धा उपस्थित असतील.

  6 वर्षांपूर्वी
• 

  मोदी केंद्रीयमंत्री रामदास आठवलेंच्या विकास कामांचा हिशेब देशाला देतील का? नेटकरी

  आगामी लोकसभा निवडणुकीच्या तोंडावर नेटकऱ्यांनी अनेकांच्या कामाचा लेखाजोखा मांडण्यास आणि त्यांच्या कामाबाबत व्यक्त होण्यास सुरुवात केली आहे. त्यानुषंगाने ५ वर्ष मोदींच्या केंद्रीय मंत्रिमंडळात विराजमान असलेले आरपीआय’चे अध्यक्ष आणि केंद्रीय मंत्री रामदास आठवले यांनी संपूर्ण कार्यकाळात कोणती विकास कामं केली ते पंतप्रधान नरेंद्र मोदी देशाला सांगू शकतील का? असे सवाल नेटकरी वारंवार करताना दिसत आहे.

  6 वर्षांपूर्वी
• 

  गुर्जर आंदोलनाला हिंसक वळण, अनेक ठिकाणी दगडफेक अन् गोळीबार

  आगामी लोकसभा निवडणुकीच्या तोंडावर राजस्थानमध्ये गुर्जर आंदोलनाने पेट घेतला आहे. त्यामुळे नवनियुक्त कॉग्रेस सरकारच्या अडचणीत मोठी वाढ झाली आहे. दरम्यान, राजस्थानमधल्या गुर्जर समाजानं छेडलेल्या आंदोलनाला आता हिंसक वळण लागलं आहे. आक्रमक आंदोलकांनी धोलपूरमध्ये तुफान दगडफेक आणि गोळीबार केल्याचे वृत्त आहे. तसेच ३ गाड्यांची देखील जमावाकडून जाळपोळ करण्यात आली आहे.

  6 वर्षांपूर्वी
• 

  भाजपच्या अंतर्गत सर्व्हेत पक्षाला यूपीत फक्त २० जागा, मोदी-शहांचं स्वप्नं भंग होणार

  लोकसभा निवडणूक जस जशी जवळ येते आहे. तस तसे राजकीय समोर येणारे अंदाजित आकडेवारी सर्वच पक्षांची धाकधूक वाढली आहे. त्यासाठी सत्ताधारी भारतीय जनता पक्षाने पुन्हा एकदा स्वतःची ताकद अजमावण्यासाठी पक्षांतर्गत सर्व्हेसुद्धा करून घेतला आहे. मात्र, या सर्व्हेमुळे भाजपाची झोप उडाली आहे. कारण भारतीय जनता पक्षाला २०१४ च्या लोकसभा निवडणुकीच्या तुलनेत २०१९ मधील लोकसभा निवडणुकीत मोठा धक्का बसण्याचा अंदाज व्यक्त केला आहे. हिंदी पट्ट्यातील जवळपास सर्वच राज्यांमध्ये भारतीय जनता पक्षाच्या एकूण जांगांमध्ये मोठी घट होणार आहे, असे निष्कर्ष त्यात नमूद करण्यात आल्याचे खात्रीलायक वृत्त भाजपच्या गोटातून प्रसार माध्यमांकडे आले आहे.

  6 वर्षांपूर्वी
• 

  चंद्राबाबूंनी स्वतःच्या सासऱ्यांच्या पाठीत खंजीर खुपसला: नरेंद्र मोदी

  आगामी लोकसभा निवडणुकीच्या अनुषंगाने मोदींनी देशभर सभांचा सपाटा लावला आहे. त्यानिमित्त आंध्र प्रदेशमध्ये मोदींची सभा आयोजित करण्यात आली होती. दरम्यान, मोदींनी यावेळी चंद्राबाबू नायडू यांच्यावर जोरदार टीकास्त्र सोडलं आहे. सध्या भारतीय जनता पक्षाने दक्षिणेकडील राज्यांकडे विशेष लक्ष केंद्रित केलं आहे.

  6 वर्षांपूर्वी
• 

  मोदी सरकारवर टीका करताच ज्येष्ठ अभिनेते अमोल पालेकरांचं भाषण थांबवलं

  सरकारवर आणि सरकारी धोरणांविरूद्द टीका केल्याच्या कारणास्तव ज्येष्ठ अभिनेते अमोल पालेकर यांना त्यांचे भाषण अर्ध्यातच रोखण्याचा संतापजनक प्रकार घडला आहे. काल म्हणजे शनिवारी एका कार्यक्रमादरम्यान पालेकरांच्या बाबतीत हा विचित्र प्रकार घडल्याने अनेकांनी संताप व्यक्त केला आहे.

  6 वर्षांपूर्वी
• 

  अमरावती लोकसभा: नवनीत रवी राणा यांना जागोजागी मोठा प्रतिसाद, खासदार अडसुळांचा मार्ग खडतर?

  आगामी लोकसभा निवडणुकीचे वारे जोरदार वाहू लागले आहेत. सर्वच राष्ट्रीय पक्ष जोरदार कामाला लागले असून प्रत्येक जागा प्रतिष्टेची करण्यात आली आहे. निकालाअंती कोणालाही स्पष्ट बहुमत मिळणार नाही अशी परिस्थिती निर्माण होण्याची अधिक शक्यता आहे. त्यामुळे अपक्ष आणि छोट्या पक्षाचे महत्व प्रचंड वाढणार आहे, यात शंका नाही. त्यातीलच शिवसेनेसाठी महत्वाचा लोकसभा मतदारसंघ म्हणजे अमरावती. शिवसेनेचे आनंदराव अडसूळ येथील विद्यमान खासदार आहेत. शिवसेनेतील एक मोठं नाव असलं तरी आगामी निवडणुकीत त्यांचा लोकसभेचा मार्ग खडतर असल्याचं राजकीय विश्लेषक मानत आहेत.

  6 वर्षांपूर्वी
• 

  अण्णांच्या संबंधी बोलणे आणि वाचणे मी सोडून दिले आहे: शरद पवार

  ज्येष्ठ समाजसेवक अण्णा हजारे यांच्या उपोषण या विषयावर बोलणे आणि बातम्या वाचणे देखील मागील २ वर्षे पूर्णपणे सोडून दिलं आहे, अशी खोचक प्रतिक्रिया एनसीपीचे राष्ट्रीय अध्यक्ष शरद पवार यांनी प्रसार माध्यमांना दिली आहे. शरद पवार यांच्या अध्यक्षतेखाली आगामी लोकसभा निवडणूकीच्या पार्श्वभूमीवर पुण्यातील बारामती हॉस्टेल येथे पक्षातील वरिष्ठ नेत्यांची बैठक पार पडली.

  6 वर्षांपूर्वी