महत्वाच्या बातम्या

• 

  भगवान हनुमानाची जात काढली जात आहे, सतर्क रहा! देशात दंगली भडकवण्याची तयारी

  अयोध्येतील राम मंदिराच्या नावाने दंगली भडकवण्याची तयारी सध्या दिल्लीत सुरु आहे असा गंभीर आरोप राज ठाकरे यांनी विक्रोळी महोत्सवादरम्यान उपस्थितांना संबोधित करताना केला. एमआयएम’चे ओवेसी यांच्यासोबत त्यासंबंधित बोलणी सुरु असल्याचे राज ठाकरे यांनी सांगितले. त्यासाठी अयोध्येतील राम मंदिराचा मुद्दा पुढे करून दंगली भडकवण्याची जोरदार तयारी सुरु आहे. दिल्लीतुनच मला एकाने तशी फोनवरून माहिती दिली आहे असं राज ठाकरे म्हणाले.

  6 वर्षांपूर्वी
• 

  मोदींना नेहरुंच्या जॅकेटवर गुलाब दिसला, पण आपल्या जॅकेटवरील नेहमीचं कमळ विसरले?

  सध्या राजस्थानमध्ये विधानसभा निवडणुकीसाठी दोन्ही बाजूने जोरदार प्रचार सुरु आहे. दरम्यान, पंतप्रधान नरेंद्र मोदी यांनी राजस्थान मधील प्रचारात आज काँग्रेसच्या टीकेला उत्तर दिलं. याआधी काँग्रेस अध्यक्ष राहुल गांधी यांनी नरेंद्र मोदींनी हिंदुत्त्वाबद्दल काय माहित आहे असा प्रश्न उपस्थित केला होता. त्या टीकेला उत्तर देताना पंतप्रधान नरेंद्र मोदींनी भारतातील कृषी क्षेत्राची बिकट अवस्था असण्याला देशाचे पहिले पंतप्रधान पंडित जवाहरलाल नेहरु जबाबदार असल्याची बोचरी टीका केली.

  6 वर्षांपूर्वी
• 

  हिंदीचा अपमान केल्याप्रकरणी राज ठाकरेंविरोधात याचिका दाखल

  मनसे अध्यक्ष राज ठाकरे यांनी रविवारी उत्तर भारतीय पंचायत ने आयोजित केलेल्या कार्यक्रमात उपस्थित राहून हिंदीतून भाषण केले. त्यानंतर देशभर त्यांनी साधलेल्या या हिंदी भाषेतील संवादाची चर्चा रंगली आहे. परंतु आता त्यांच्या या भाषणाविरोधात याचिका दाखल करण्यात आली आल्याचे वृत्त आहे.

  6 वर्षांपूर्वी
• 

  मोदी लाटेतील शिवसेना खासदार विनायक राऊतांना २०१९ ची लोकसभा अवघड?

  एनसीपीचे सर्वेसेवा शरद पवार आणि माजी मुख्यमंत्री नारायण राणे यांच्या दरम्यान कणकवली येथे दीर्घकाळ चर्चा झाली. दरम्यान, सध्या भाजप आणि शिवसेनेमध्ये ‘तुझ्यागळा माझ्यागळा’ सुरु झाल्याने नारायण राणे यांना युती होणार असल्याची खात्री आहे. तसे झाल्यास रत्नागिरी मतदारसंघ पुन्हा शिवसेनेच्या वाट्याला येण्याची शक्यता आहे. त्यामुळे राणे यांचे पुत्र आणि माजी खासदार नीलेश यांनी हे या मतदारसंघातून महाराष्ट्र स्वाभिमान पक्षाच्या वतीने लोकसभा लढवणार असल्याचे वृत्त आहे. दरम्यान, त्यांना राष्ट्रवादीने सुद्धा पाठिंबा द्यावा आणि त्या मोबदल्यात निलेश राणे केंद्रात राष्ट्रवादीला सर्मथन करून त्यांच्या समर्थक खासदारांच्या संख्येमध्ये भर टाकतील असा समझोता झाल्याचे वृत्त आहे.

  6 वर्षांपूर्वी
• 

  मराठा आरक्षण कायद्यात टिकणे अवघड, स्वतंत्र आरक्षण केवळ शब्दखेळ : माजी न्या. पी. बी. सावंत

  समस्त मराठा समाजाला महाराष्ट्र सरकारने दिलेले आरक्षण हे कायद्याच्या कसोटीवर ठाम पणे टिकण्यासाठी ते ओबीसीमध्येच नवा प्रवर्ग करून देणे गरजेचे होते. तसेच त्यासाठी ओबीसींच्या एकूण राखीव कोटय़ामध्येच वाढ करून, त्यासाठी भारताच्या संसदेत अधिकृतपणे कायदा करणे गरजेचे होते, असे प्रामाणिक मत माजी न्यायमूर्ती पी. बी. सावंत यांनी प्रसार माध्यमांकडे व्यक्त केले आहे.

  6 वर्षांपूर्वी
• 

  व्हिडिओ: भाजप नेते कपाळावरील हिंदू धर्माचं मंगल-प्रतीक स्वस्तिक पुसून, स्वस्तिकवर उभे रहात आहेत

  सध्या सुरु असलेल्या राजस्थान निवडणुकीत हिंदुत्ववादी पक्ष म्हणून प्रचार करणारे भारतीय जनता पक्षाचे नेते या कारणाने वादात अडकण्याची शक्यता आहे. याआधी छत्तीसगडच्या विधानसभा निवडणुकीदरम्यान मंदिरांना भेटी देत असताना पुजाऱ्याने कपाळावर काढलेले स्वस्तिक चिन्हं लगेचच पुसून टाकत आहेत. तसेच भाजप अध्यक्ष आमित शहा तर भाषणासाठी स्वस्तिक असलेल्या पाटावरच उभे राहून भाषण करत असताना दिसत आहेत.

  6 वर्षांपूर्वी
• 

  काँग्रेसने देशाला चार गांधी दिले, तर भाजपने तीन मोदी दिले

  पंजाब राज्य सरकारमधील विद्यमान मंत्री आणि काँग्रेस नेते नवज्योतसिंग सिद्धू यांनी जयपूर येथील प्रचार सभेत भाजपावर तिखट शब्दात निशाणा साधला आहे. भाषणादरम्यान नवज्योतसिंग सिद्धू यांनी भारतातून परदेशात पलायन करणारे कर्जबुडवे उद्योगपती नीरव मोदी, ललित मोदी आणि स्वतः नरेन्द्र मोदी यांच्यावरून भारतीय जनता पार्टीवर जोरदार शाब्दिक हल्ला चढवला आहे.

  6 वर्षांपूर्वी
• 

  मराठा आरक्षण : महाराष्ट्र सरकारकडून सर्वोच्च न्यायालयात कॅव्हेट दाखल

  महाराष्ट्रात समस्त मराठा समाजाला १६ टक्के स्वतंत्र आरक्षण देण्याच्या निर्णयाची घोषणा झाली आहे. त्यानंतर अधिकृतपणे त्याचे विधेयक आणि अधिसूचना सुद्धा राज्य सरकारकडून काढली गेली आहे. दरम्यान, मराठा समाजाच्या आरक्षणाचा कायदा केला असताना देखील त्याविरुद्ध काही लोकं व संस्था करतात आव्हान देणाऱ्या याचिका दाखल करू लागले आहेत. त्यामुळे राज्य सरकार खडबडून जागं झालं असून महाराष्ट्र सरकारकडून आज सुप्रीम कोर्टात रीतसर कॅव्हेट दाखल करण्यात आलं आहे.

  6 वर्षांपूर्वी
• 

  दिलीप लांडेंवर उद्धव ठाकरे आणि सेनेच्या पालिकेतील वरिष्ठ नेतेमंडळींची वक्रदृष्टी?

  कुर्ल्यातील उद्यानासाठीची आरक्षित असलेला सुमारे पावणेचार कोटी रुपयांचा भूखंड मुंबई महानगर पालिकेच्या ताब्यात घेण्याचा प्रस्ताव बहुमताच्या जोरावर नामंजूर करणाऱ्या शिवसेनेने शुक्रवारी या मुद्यावर अक्षरशः माघार घेतली. सुधार समितीचे अध्यक्ष नगरसेवक दिलीप लांडे यांच्या दबावाखाली हा भूखंड बांधकाम व्यावसायिकाच्या घशात घालण्यासाठी शिवसेनेने प्रस्ताव नामंजूर केल्याची तीव्र टीका झाल्यानंतर शिवसेना पक्षप्रमुख उद्धव ठाकरे पालिकेतील नेतेमंडळींकडे तीव्र नाराजी व्यक्त केली होती. त्यामुळे सदर प्रस्ताव पुन्हा पालिकेकडे आणून भूखंड पुन्हा ताब्यात घेण्यासाठी हालचाली सुरु झाल्या आहेत.

  6 वर्षांपूर्वी
• 

  आम्ही सांगतो त्या दिवशी व त्या ठकाणी लग्न सोहळे करायचे नाहीत: योगी सरकार

  यूपीचे मुख्यमंत्री योगी आदित्यनाथ यांनी आता प्रयागराज येथील विवाह सोहळ्यांवरच अधिकृत बंदी आणली आहे. २०१९ मधील जानेवारी आणि मार्च महिन्यात होणाऱ्या विवाह सोहळ्यांना परवानगी देण्यात येणार नाही असे स्पष्ट सरकारी आदेश जारी करण्यात आले आहेत. त्यामुळे या कालावधीत जर स्थानिक लोकांनी विवाह मुहूर्त काढला असेल तर तो बदलावा असे थेट आदेश आहेत. कारण, याच कालावधीत कुंभ मेळ्याचे आयोजन करण्यात येणार असल्याचे समजते. त्यासाठी योगी सरकारने तडकाफडकी आदेश जारी केले आहेत.

  6 वर्षांपूर्वी
• 

  राज ठाकरेंच्या 'पंचायतीतील' कट्टर मराठी बाण्यामुळे शिवसेनेची मराठी मंतांची पंचायत?

  महाराष्ट्र नवनिर्माण सेनेचे अध्यक्ष राज ठाकरे यांनी आज मुंबई कांदिवली येथे उत्तर भारतीय महापंचायत समितीने आयोजित केलेल्या कार्यक्रमाला प्रमुख वक्ते म्हणून उपस्थिती लावत स्वतःची भूमिका स्पष्ट केली. दरम्यान, उत्तर भारतीयांच्या बाबतीत ते नेमकी कोणती भूमिका मांडतात यावर प्रसार माध्यमं आणि सर्वच प्रमुख पक्षांचे लक्ष लागून राहिले आहे. भाषणातील मराठीचा हिंदीत अनुवाद करताना चुकीची माहिती हिंदी भाषिक राज्यांमध्ये प्रसारित केली जाते, त्यामुळे त्यांनी हा संवाद देशभर समजावा म्हणून हिंदीत भाषण केले.

  6 वर्षांपूर्वी
• 

  उत्तर भारतीय पंचायत: राज ठाकरे दिसत होते त्यापेक्षाही खूप कट्टर मराठी असल्याचे सिद्ध झाले

  महाराष्ट्र नवनिर्माण सेनेचे अध्यक्ष राज ठाकरे यांनी आज मुंबई कांदिवली येथे उत्तर भारतीय महापंचायत समितीने आयोजित केलेल्या कार्यक्रमाला प्रमुख वक्ते म्हणून उपस्थिती लावत स्वतःची भूमिका स्पष्ट केली. दरम्यान, उत्तर भारतीयांच्या बाबतीत ते नेमकी कोणती भूमिका मांडतात यावर प्रसार माध्यमं आणि सर्वच प्रमुख पक्षांचे लक्ष लागून राहिले आहे. भाषणातील मराठीचा हिंदीत अनुवाद करताना चुकीची माहिती हिंदी भाषिक राज्यांमध्ये प्रसारित केली जाते, त्यामुळे त्यांनी हा संवाद देशभर समजावा म्हणून हिंदीत भाषण केले.

  6 वर्षांपूर्वी
• 

  हिंदी प्रसार माध्यमं मराठीचा चुकीचा अनुवाद देतात, म्हणून राज ठाकरे हिंदीत संवाद साधणार

  महाराष्ट्र नवनिर्माण सेनेचे अध्यक्ष राज ठाकरे काही वेळातच मुंबई कांदिवली येथे उत्तर भारतीय महापंचायत समितीने आयोजित केलेल्या कार्यक्रमाला प्रमुख वक्ते म्हणून उपस्थिती लावणार आहेत. परंतु, उत्तर भारतीयांच्या बाबतीत ते नेमकी कोणती भूमिका मांडतात यावर प्रसार माध्यमं आणि सर्वच प्रमुख पक्षांचे लक्ष लागून राहिले आहे.

  6 वर्षांपूर्वी
• 

  मंदिर बांधण्यापेक्षा गरीबाच्या तोंडात दोन घास गेले तर मला आवडेल : नाना पाटेकर

  राज्याचा ग्रामीण भाग सध्या प्रचंड दुष्काळाने ग्रासला आहे आणि मराठवाड्यात तर परिस्थिती फारच कठीण आहे. त्यामुळे मराठवाड्यात जर एक मूठ धान्य व एक पेंडी चारा सर्वांनी दिला तर मराठवाड्यातील जनावरांना आणि होरपळणाऱ्या माणसांना मोठा हातभार लागेल. केवळ नाइलाजास्तव ग्रामीण भागातील लोकं आज मोठ्याप्रमाणावर शहरात येत आहेत, ती काही भिकारी नाहीत. त्यामुळे त्यांना भिक्षुकांसारखी वागणूक अजिबात देऊ नका, असे जाहीर आवाहन नाना पाटेकर यांनी उपस्थितांना संबोधित करताना केले.

  6 वर्षांपूर्वी
• 

  आज राज ठाकरे उत्तर भारतीय महापंचायत मंचावर मराठीची भूमिका मांडणार

  महाराष्ट्र नवनिर्माण सेनेचे अध्यक्ष राज ठाकरे आज संध्याकाळी मुंबई कांदिवली येथे उत्तर भारतीय महापंचायत समितीने आयोजित केलेल्या कार्यक्रमाला प्रमुख वक्ते म्हणून उपस्थिती लावणार आहेत. परंतु, उत्तर भारतीयांच्या बाबतीत ते नेमकी कोणती भूमिका मांडतात यावर प्रसार माध्यमं आणि सर्वच प्रमुख पक्षांचे लक्ष लागून राहिले आहे.

  6 वर्षांपूर्वी
• 

  घोषणाबाज युती सरकारला शिर्डी संस्थानकडून बिनव्याजी कर्ज घेण्याची वेळ

  नुकत्याच आलेल्या या बातमीने सरकार किती आर्थिक संकटात आहे याची चुणूक लागली आहे. कारण आर्थिक संकटात सापडलेल्या राज्यातील भाजप-शिवसेना सरकारने शिर्डीतील साई संस्थानकडून तब्बल ५०० कोटी रुपयांचे बिनव्याजी कर्ज घेतलं आहे. दरम्यान, हा निधी राज्य सरकार तर्फे अपूर्ण असलेल्या निळवंडे सिंचन प्रकल्प पूर्ण करण्यासाठी वापरणार असल्याचे प्राथमिक वृत्त आहे.

  6 वर्षांपूर्वी
• 

  मुंबई उपनगरातील वीज दरवाढीच्या चौकशीचे ऊर्जामंत्र्यांना आदेश

  मुंबई उपनगरात याआधीची अनिल अंबानी यांची रिलायन्स एनर्जी कंपनी अदानी समूहाने विकत घेतल्यानंतर अदानी इलेक्ट्रिसिटीकडून आकारण्यात येणाऱ्या वीजदरवाढीविरोधात सध्या विरोधीपक्ष शहरभर आंदोलन उभारण्याच्या तयारीत आहे. त्यानिमित्त आधीच दक्ष झालेल्या भाजपने हालचाली सुरु केल्या आहेत. नागरिकांच्या वाढत्या तक्रारी आणि तीव्र भावना लक्षात घेऊन या संपूर्ण प्रकरणाची एका समिती मार्फत चौकशी करण्यात यावी, अशी मागणी मुंबई भारतीय जनता पार्टीचे अध्यक्ष, आमदार अॅड. आशिष शेलार यांनी मुख्यमंत्र्यांकडे केली आहे.

  6 वर्षांपूर्वी
• 

  विरोधकांकडून करप्टमोदी.कॉम वेबसाइट लाँच, सर्व भ्रष्टाचारांची माहिती

  सध्या विरोधकांनी सुद्धा भाजपाला डिजिटल जगाचा चांगलाच इंगा दाखविण्यास सुरुवात केली आहे. लोकसभेत आणि भाजप प्रणित विविध राज्यांच्या विधानसभेत भारतीय जनता पक्षाने केलेले घोटाळे लोकांसमोर पोहोचविण्यासाठी विरोधकांनी वेगळीच शक्कल लढवली आहे. त्यांनी थेट करप्टमोदी.कॉम म्हणजे CorruptModi.com नावाने वेबसाइट लाँच करून भाजपचे सर्व घोटाळे सार्वजनिक केले आहेत.

  6 वर्षांपूर्वी
• 

  छत्तीसगढ: भरोसा नाही बाबा भाजपवर? काँग्रेस उमेदवारांचा EVM मशीनभोवती पहारा

  ईव्हीएम मशीनमधील गडबडींची धास्ती छत्तीसगडच्या काँग्रेस उमेदवारांनी घेतल्याचे पहायला मिळत आहे. मागील निवडणुकीत ईव्हीएम’मध्ये भाजपने अनेक चुकीच्या गोष्टी संगनमताने केल्याचे आरोप विरोधी पक्षांकडून करण्यात आले आहेत. अनेक मतदारसंघात उमेदवारांना स्वतःचे मत सुद्धा न मिळाल्याने अनेकांनी शंका व्यक्त केली होती. त्यात धमतारी येथे ईव्हीएम मशीन ठेवलेल्या स्ट्रॉन्गरूम’मध्ये एका अनोळखी व्यक्तीला तहसीलदाराचं सोबत घेऊन गेल्याने काँग्रेसने रान उठवले होते. त्यानंतर सदर तहसीलदारांना निवडणूक आयोगाने सस्पेंड केले आहे.

  6 वर्षांपूर्वी
• 

  जी-२० परिषद: काळ्या पैशांविरोधात सर्वांनी एकत्र यावे: मोदींचे आवाहन

  अर्थव्यवस्थेतील काळ्या पैशांविरोधात लढण्यासाठी जगातील सर्व देशांनी एकत्र आले पाहिजे, असे मत भारताच्या पंतप्रधानांनी जी२० परिषदेत उपस्थितांना संबोधित करताना दिले. शुक्रवारपासून ब्यूनस आयर्स येथे सुरु झालेल्या जी-२० सदस्य देशांच्या शिखर परिषदेत मोदींनी अमेरिकेचे राष्ट्राध्यक्ष डोनाल्ड ट्रम्प तसेच जपानचे पंतप्रधान शिंजो आबे यांची विशेष भेट घेतली.

  6 वर्षांपूर्वी