महत्वाच्या बातम्या

• 

  काँग्रेसचे प. बंगालचे प्रभारी जितिन प्रसाद यांचा काँग्रेसला प. बंगालमध्ये शून्य केल्यानंतर युपी निवडणुकीपूर्वी भाजपमध्ये प्रवेश

  युपीए-२ च्या काळात केंद्रात मंत्रीपदी राहिलेले उत्तर प्रदेशमधील वरीष्ठ नेते जितिन प्रसाद यांनी काँग्रेसला रामराम ठोकत भाजपामध्ये प्रवेश केला आहे. दिल्लीमधील भाजपाच्या मुख्यालयात केंद्रीय मंत्री पियुष गोयल यांच्या उपस्थितीत जितिन प्रसाद यांनी भाजपामध्ये प्रवेश केला आहे. उत्तर प्रदेश काँग्रेसमधील एक महत्त्वाचा चेहरा आणि प्रमुख नेताच भाजपानं गळाला लावल्यामुळे भाजपने देखील मोठा गाजावाजा केल्याचं पाहायला मिळतंय. पण खरं वास्तव दुसरंच आहे.

  4 वर्षांपूर्वी
• 

  मुंबई महानगरपालिकेत 5 वर्षात 1 हजार कोटींचा घोटाळा – आशिष शेलार

  पहिल्याच पावसात मुंबईची तुंबापुरी झाल्याने भारतीय जनता पक्षाने शिवसेना आणि मुंबई महापालिकेवर जोरदार टीका केली आहे. सत्ताधीशांचा वसुलीचा नादच खुळा, नेमेची येतो पावसाळा, अशा काव्यमय शब्दात भारतीय जनता पक्षाचे नेते आशिष शेलार यांनी शिवसेनेवर टीका केली आहे. तसेच महापालिकेत पाच वर्षात एक हजार कोटींचा घोटाळा झाल्याचा आरोपही आशिष शेलार यांनी केला आहे.

  4 वर्षांपूर्वी
• 

  आगामी BMC निवडणुक | उत्तर भारतीय मतदारांचा फटका त्यात शिवसेनासोबत नाही | भाजपची महत्वाची बैठक

  संपूर्ण देशात अत्यंत महत्वाच्या अशा मुंबई महानगरपालिकेच्या निवडणुकीची तयारी सुरु झाली आहे. पुढच्या वर्षी होणाऱ्या मुंबई महापालिकेच्या निवडणुकीसाठी भारतीय जनता पक्षाने तयारी सुरु केली आहे. या निवडणुकीच्या पार्श्वभूमीवर भारतीय जनता पक्षाची आज मुंबईत महत्त्वाची बैठक होत आहे. भाजप नेते देवेंद्र फडणवीस यांच्या उपस्थित होणाऱ्या या बैठकीमध्ये निवडणुकीच्या अनुषंगाने काही नेत्यांवर महत्वाची जबाबदाऱ्या दिल्या जाण्याची शक्यता आहे.

  4 वर्षांपूर्वी
• 

  BREAKING | योगींच्या मर्जीतील आणि युपीच्या माजी मुख्य सचिवांची निवडणूक आयुक्त पदी वर्णी | केंद्राचा निर्णय

  केंद्र सरकारने मंगळवारी उत्तर प्रदेशच्या 1984 बॅचचे निवृत्त आयएएस अधिकारी अनुप चंद्र पांडे यांची निवडणूक आयुक्त म्हणून नियुक्ती केली. याबाबत अधिकृत लेखी घोषणा देखील करण्यात आली आहे. विशेष म्हणेज अनुप चंद्र पांडे हे उत्तर प्रदेशचे माजी मुख्य सचिव आणि मुख्यमंत्री आदित्यनाथ यांच्या मर्जीतले अधिकारी म्हणून सर्वश्रुत आहेत.

  4 वर्षांपूर्वी
• 

  उत्तर प्रदेश विधानसभा निवडणूक २०२२ | युपी भाजपच्या सोशल मीडिया पेजवरून मोदींचा फोटो हटवला

  पुढील वर्षी उत्तर प्रदेशात विधानसभा निवडणूक होत आहे. ही निवडणूक जिंकून सत्ता कायम राखण्यासाठी भारतीय जनता पक्षाचे प्रयत्न सुरू आहेत. त्यासाठीची तयारी आतापासूनच करण्यात येत आहे. उत्तर प्रदेशासह ५ राज्यांमध्ये विधानसभा निवडणुका होऊ घातल्या आहेत. या निवडणुकांसाठीची तयारी भाजपनं सुरू केली आहे. विशेष म्हणजे यामध्ये राष्ट्रीय स्वयंसेवक संघानंदेखील लक्ष घातलं आहे. विशेष म्हणजे आगामी उत्तर प्रदेश विधानसभा निवडणूक २०२२ च्या पाश्वभूमीवर उत्तर प्रदेश भाजपच्या ट्विटर पेजवरून मोदींचा फोटो हटवला आहे. दुसरी गोष्ट म्हणजे भाजपच्या इतर राज्यांच्या सोशल मीडिया पेजवर मोदींचा फोटो असल्याचं स्पष्ट झालं आहे.

  4 वर्षांपूर्वी
• 

  प. बंगालमध्ये भाजप टेन्शनमध्ये | ममता बॅनर्जी मोठा राजकीय भूकंप करण्याच्या तयारीत

  विधानसभा निवडणुकीनंतर पश्चिम बंगालमध्ये भारतीय जनता पक्षाचं सरकार येईल या आशेनं तृणमूलच्या नेत्यांनी पक्षाला रामराम केला. मात्र भारतीय जनता पक्षाला शंभरीदेखील गाठता आली नाही. तर तृणमूलनं २०० हून अधिक जागा मिळवल्या. पुढील पाच वर्ष विरोधात राहून संघर्ष करणं अतिशय कठीण असल्याची कल्पना संबंधित दलबदलूंना आहे.

  4 वर्षांपूर्वी
• 

  मुख्यमंत्र्यांची दिल्ली भेट राजकारणासाठी नव्हती, ज्यांना राजकारण दिसते ते धन्य होत - शिवसेना

  सत्तेत एकत्र नसलो याचा अर्थ नातं तुटलं असा होत नाही, असे मुख्यमंत्री उद्धव ठाकरे यांनी दिल्लीतील महाराष्ट्र सदनात सांगितले. राजकीय मतभेद होणे म्हणजे व्यक्तिगत नाते सैल पडले असे होत नाही. पुन्हा व्यक्तिगत नात्यागोत्यांत फक्त सत्ता हाच नात्यांचा धागा नसतो. ही नाती शिवसेनेने नेहमीच सांभाळली आहेत. नरेंद्र मोदी – उद्धव ठाकरे भेट जशी राजशिष्टाचाराचा भाग होती तशीच व्यक्तिगत नात्याचीही होती. त्यामुळे दिल्लीतील या भेटीवर यापुढे बराच काळ चर्चेचा धुरळा उडत राहील.

  4 वर्षांपूर्वी
• 

  पंतप्रधान आणि मुख्यमंत्र्यांमधील भेट राजकीय नव्हती | फडणवीसांना प्रत्येक गोष्टीत पिवळं दिसतं - अशोक चव्हाण

  पंतप्रधान मोदींसोबत आज झालेल्या भेटीबाबत ज्या संघटना विरोधी वक्तव्य करत आहेत, त्या भाजपप्रणित आहेत. विरोधकांनीही आपलं शिष्टमंडळ घेऊन पंतप्रधानांकडे जावं आणि बाजू मांडावी, असं आव्हान चव्हाण यांनी भारतीय जनता पक्षाला आणि काही संघटनांना दिलं आहे.

  4 वर्षांपूर्वी
• 

  VIDEO | आता खासदारकीचा राजीनामा द्यावा आणि अभिनय क्षेत्रात पुन्हा नशीब आजमावून पाहावं - रुपाली चाकणकर

  सतत चर्चेत असणाऱ्या अमरावतीच्या खासदार नवनीत राणा कौर यांना मोठा धक्का बसला आहे. नवनीत राणा कौर यांचे मुंबई हायकोर्टाने सादर केलेले जात प्रमाणपत्र रद्द केले आहे. हायकोर्टाने नवनीत राणा यांचे जातीचे प्रमाणपत्र खोटे ठरवल्याने त्यांच्यावर आता टीका होऊ लागली आहे. राष्ट्रवादीच्या प्रदेशाध्यक्षा रुपाली चाकणकर यांनी नवनीत राणा यांच्यावर निशाणा साधत अमरावतीची जनता पुन्हा तुम्हाला रिटेकची संधी देणार नाही असं म्हटलं आहे.

  4 वर्षांपूर्वी
• 

  मला भविष्यात सुप्रीम कोर्टाकडून न्यायाची अपेक्षा | शिवसेनेसोबतची राजकीय लढाई सुरु राहील - नवनीत राणा

  पंतप्रधान नरेंद्र मोदी आणि उद्धव ठाकरे यांच्या भेटीनंतर खासदार नवनीत राणा यांनी मुख्यमंत्र्यांवर जळजळीत शब्दांत टीका केली आहे. मुख्यमंत्री लायक असते तर इथं येण्याची गरज नव्हती. आईबाप हे मुलांसाठी कधी रडत नसतात. उद्धव ठाकरे यांना विविध विषयांच्या निमित्ताने पंतप्रधान मोदी यांना भेटायचे होते. ही संधी त्यांनी साधली, असे नवनीत राणा यांनी म्हटले.

  4 वर्षांपूर्वी
• 

  पंतप्रधान नरेंद्र मोदींकडे मुख्यमंत्री उद्धव ठाकरेंनी केल्या 'या' मागण्या

  मी वर्षभराने पंतप्रधान नरेंद्र मोदी यांना भेटलो. भेटीचा हेतू मी आधीच जाहीर केला आहे. आमच्या 12 मागण्या होत्या त्याबद्दल त्यांनी आम्ही पंतप्रधान नरेंद्र मोदींना कल्पना दिली. त्यांनी आमच्या मागण्या ऐकून घेतल्या. आम्हाला त्यांनी सकारात्मक प्रतिसाद दिला आणि आपल्या मागण्यांची माहिती घेतो असंही आश्वासन पंतप्रधान नरेंद्र मोदी यांनी दिलं आहे असं मुख्यमंत्री उद्धव ठाकरे यांनी केली आहे. पंतप्रधान नरेंद्र मोदी यांच्या भेटीनंतर झालेल्या पत्रकार परिषदेत मुख्यमंत्र्यांनी ही माहिती दिली आहे.

  4 वर्षांपूर्वी
• 

  BREAKING | नवनीत कौर राणा यांचं जात प्रमाणपत्र उच्च न्यायालयाकडून रद्द | खासदारकी धोक्यात

  अमरावतीच्या खासदार नवनीत कौर राणा यांना मोठा धक्का बसला आहे. राणा यांचं जात प्रमाणपत्र मुंबई उच्च न्यायालयानं रद्द केलं आहे. न्यायमूर्ती बिश्त आणि धनुका यांच्या खंडपीठानं हा निकाल दिला. राणा यांनी २०१९ ची लोकसभा निवडणूक जिंकली होती. मात्र त्यांच्या जात प्रमाणपत्राविरोधात शिवसेनेचे नेते आणि माजी खासदार आनंदराव अडसूळ हायकोर्टात गेले होते. आनंदराव अडसूळांच्या याचिकेवर आज मुंबई उच्च न्यायालयानं मोठा निकाल दिला.

  4 वर्षांपूर्वी
• 

  मोठा निर्णय | भाजपाला पराभवाची शंका? | आगामी यूपीच्या निवडणुकीत मोदी यांच्या ऐवजी योगींचा चेहरा

  आगामी विधानसभा निवडणुकीत भारतीय जनता पक्षाला आणि आरएसएसला पराभवाची शंका सतावते आहे. परिणामी उत्तर प्रदेश विधानसभा निवडणुकीसाठी आरएसएसने भारतीय जनता पक्षासाठी योजना तयारी केली आहे. त्यानुसार 2022 मध्ये होणारी विधानसभा निवडणूक मुख्यमंत्री योगी आदित्यनाथ यांच्या नेतृत्वात लढवण्याचा निर्णय घेण्यात आला आहे. हा निर्णय राष्ट्रीय स्वयंसेवक संघाच्या दिल्लीतील बैठकीत घेण्यात आला आहे. त्यासोबतच महत्वाचा निर्णय म्हणजे आता पंतप्रधान मोदी विधानसभा निवडणुकीत प्रमुख चेहरा म्हणून दिसणार नाहीत.

  4 वर्षांपूर्वी
• 

  ठाकरे-मोदी भेट | कमालीची अस्वस्थ झालेली ही जोडी सारीपाठाचा ‘शकुनी’ डाव टाकणारच - आ. अमोल मिटकरी

  राज्याचे मुख्यमंत्री उद्धव ठाकरे हे आज पंतप्रधान नरेंद्र मोदी यांची भेट घेत आहेत. या भेटीत मराठा आरक्षण या महत्त्वाच्या विषयासह विविध मुद्द्यांवर चर्चा होणार आहे. मुख्यमंत्री उद्धव ठाकरे यांच्यासह उपमुख्यमंत्री अजित पवार आणि सार्वजनिक बांधकाम मंत्री तसेच मराठा आरक्षण उपसमितीचे अध्यक्ष अशोक चव्हाण हे सुद्धा मोदींना भेटणार आहेत. या भेटीकडे मराठा समाजासह संपूर्ण राज्याचं लक्ष लागलं आहेच, शिवाय महाराष्ट्रातील राजकीय पक्षही या भेटीकडे लक्ष ठेवून आहेत.

  4 वर्षांपूर्वी
• 

  मोफत लसीकरणासाठी फेब्रुवारीपासूनच मुख्यमंत्र्यांची मागणी होती | निर्णयासाठी मोदींना ४ महिने लागले - ममता बॅनर्जी

  पंतप्रधान नरेंद्र मोदी यांनी सोमवारी देशाला संबोधित करताना देशातील १८ वर्षांवरील सर्वांचे मोफत लसीकरण करण्याची घोषणा केली. पंतप्रधान मोदींच्या या निर्णयावर पश्चिम बंगालच्या मुख्यमंत्री ममता बॅनर्जी यांनी टीका केली असून फार आधीच त्यांनी हा निर्णय घेतला असता तर अनेक जीव वाचले असते असं म्हटलं आहे.

  4 वर्षांपूर्वी
• 

  आज सकाळी ११ वाजता पंतप्रधान-मुख्यमंत्री भेट | काय असतील मराठा आरक्षण प्रश्नी मुद्दे? - सविस्तर

  मुख्यमंत्री उद्धव ठाकरे हे आज म्हणजे ८ जूनला दिल्लीमध्ये पंतप्रधान नरेंद्र मोदी यांची भेट घेणार आहेत. मुख्यमंत्री कार्यालयाने दिलेल्या माहितीनुसार आज सकाळी सात वाजता मुख्यमंत्री आणि शिष्टमंडळ मुंबईहून विमानाने दिल्लीकडे रवाना होतील. सकाळी पावणे दहाच्या सुमारास हे शिष्टमंडळ महाराष्ट्र सदन येथे पोहचले. त्यानंतर सकाळी ११ वाजता पंतप्रधानांसोबत लोक कल्याण मार्ग येथील पंतप्रधान निवासस्थानी हे शिष्टमंडळ मोदींची भेठ घेईल.

  4 वर्षांपूर्वी
• 

  मोदी-उद्धव ठाकरे भेटीपूर्वी काल रात्री उशिरापर्यंत मुख्यमंत्र्यांची ‘वर्षा’वर शरद पवारांसोबत चर्चा

  मुख्यमंत्री उद्धव ठाकरे हे उद्या म्हणजे ८ जूनला दिल्लीमध्ये पंतप्रधान नरेंद्र मोदी यांची भेट घेणार आहेत.मराठा आरक्षण,स्थानिक स्वराज्य संस्थांमधील ओबीसी आरक्षण,जीएसटी परतावा,लसीकरण अशा अनेक मुद्यांवर ही भेट आहे.या भेटीआधीचं उद्धव ठाकरे यांच्या भेटीसाठी राष्ट्रवादीचे अध्यक्ष शरद पवार वर्षा बंगल्यावर पोहोचले आहेत. शरद पवारांसह उपमुख्यमंत्री अजित पवार हे सुद्धा वर्षा बंगल्यावर पोहोचले आहेत.मराठा आरक्षणाबाबत ठाकरे आणि मोदींची भेट होतेय या पार्श्वभूमीवर शरद पवार आणि मुख्यमंत्र्यांची भेट महत्त्वाची आहे. याशिवाय या भेटीमध्ये महाराष्ट्रातील महामंडळावरील नियुक्त्यांबाबतही चर्चा होऊ शकते.

  4 वर्षांपूर्वी
• 

  VIDEO | अर्थतज्ज्ञ राणे, GDP ते नाना पटोले | कोरोनाने माणसं मेली असतील थोडी फार | Social Viral

  राज्यामध्ये मराठा आरक्षणाच्या मुद्द्यावरुन राजकारण तापलेलं असतानाच ३ जून रोजी मराठा भाजपा खासदार आणि माजी मुख्यमंत्री नारायण राणे यांनी आपली भूमिका स्पष्ट केली. मात्र नारायण राणेंच्या या पत्रकार परिषदेतील व्हिडीओ व्हायरल होतोय. एका लोकप्रिय मराठी मिम्स पेजने या राणेंच्या पत्रकार परिषदेमधील जीडीपीसंदर्भातील प्रश्नांचा व्हिडीओ एडीट करुन अपलोड केल्यानंतर तो व्हायरल झालाय.

  4 वर्षांपूर्वी
• 

  राज्याला दीड कोटी लस देण्याचं ठरवलं होतं, मोदी सरकारनंच पुनावालांना धमकी दिली | राष्ट्रवादीच्या या नेत्याकडून गंभीर आरोप

  कोरोना लस उत्पादन करणाऱ्या सिरम संस्थेचे अदर पुनावाला यांनी धमकी दिल्याचा खुलासा केला होता. त्यामुळे हे प्रकरण हायकोर्टात गेले होते. सीरम इन्स्टिट्यूट ऑफ इंडियाचे मुख्य कार्यकारी अधिकारी अदर पुनावाला यांच्या सुरक्षिततेचा मुद्दा गांभीर्याने घ्या, अशी आठवण मंगळवारी पार पडलेल्या सुनावणीदरम्यान मुंबई उच्च न्यायालयाने केंद्र आणि राज्य सरकारला करून दिली होती.

  4 वर्षांपूर्वी
• 

  राज्यात 23 मराठा संघटना काम करतात, मग भूमिका वेगळी का? | भाजप नेत्यांनी संभाजीराजेंना घेरलं

  मराठा आरक्षणाच्या मुद्द्यावरुन राज्यातील राजकारण चांगलंच तापलं आहे. त्यातच आता मुख्यमंत्री उद्धव ठाकरे उद्या (८ जून) पंतप्रधान नरेंद्र मोदी यांची दिल्लीत भेट घेणार असल्याची माहिती मिळत आहे. दुसरीकडे भारतीय जनता पक्षाच्या नेत्यांनी देखील आक्रमक भूमिका घेत मराठा संघटनांच्या पाठिशी आपली ताकद उभी केली आहे.

  4 वर्षांपूर्वी