शेणगावच्या जाधव दाम्पत्याला शासकीय पूजेचा मान

पंढरपूर : शेणगावच्या अनिल जाधव आणि वर्षा जाधव यांनी विठ्ठल आणि रुक्मिणीची महापूजा करण्याचा मान मिळाला. पंढरपुरात सकाळी साडेतीनच्या सुमारास ही विठूरायाची ही शासकीय पूजा पार पडली आहे. पहिल्यांदाच मुख्यमंत्र्यांच्या अनुपस्थितीत ही शासकीय पूजा पार पडली आहे.

जाधव दाम्पत्या सोबत या पूजेला शासनाच्या वतीने जलसंपदा मंत्री गिरीश महाजन, परिवहनमंत्री दिवाकर रावते, दुग्धविकास मंत्री महादेव जाणकर आणि खासदार अनिल देसाई यांची उपस्थिती होती. राज्यातील शेतकऱ्यांच्या मालाला चांगला हमीभाव मिळावा अशी जाधव दाम्पत्याने विठुरायाकडे मागणी केल्याचे सांगितलं.

आषाढी एकादशीच्या निमित्ताने संपूर्ण पंढरपूर विठुरायाच्या नामात आणि विविध रोषणाईत नाहून निघाल्याचे चित्र जागोजागी पाहावयास मिळत होते. दरम्यान मुख्यमंत्री देवेंद्र फडणवीस यांनी वर्षा निवासस्थानी सपत्नीक विठूरायाची पूजा केली.

तीर्थ विठ्ठल, क्षेत्र विठ्ठल
देव विठ्ठल, देवपूजा विठ्ठल…
गुरू विठ्ठल, गुरूदेवता विठ्ठल
निधान विठ्ठल, निरंतर विठ्ठल… pic.twitter.com/phu1Y5LJvp

— Devendra Fadnavis (@Dev_Fadnavis) July 22, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.