मोदी जगभ्रमंती करणारे आजवरचे सर्वात खर्चिक पंतप्रधान ठरले आहेत

नवी दिल्ली : मोदींच्या जगभ्रमंतीवर ४ वर्षात तब्बल १४८४ कोटी रुपये खर्च केले आहेत. तसेच त्यांनी ४ वर्षात १७१ दिवस म्हणजे एकूण १२ टक्के वेळ परदेश वास्तव्यात गेला आहे. विशेष म्हणजे माजी पंतप्रधान मनमोहन सिंग यांच्या सत्ताकाळात म्हणजे एकूण ९ वर्षात परदेशवारीवर केवळ ६४२ कोटी रुपये खर्च झाला होता.

आजपासून पंतप्रधान नरेंद्र मोदी आफ्रिकेच्या दौऱ्यासाठी रवाना होणार आहेत. या परदेश दौर्यादरम्यान ते आफ्रिकेतील रवांडा आणि युगांडा या दोन देशांना ते भेट देणार आहेत असल्याचे सांगण्यात आले आहे. मोदींच्या आजवरच्या म्हणजे ४ वर्षातील परदेश दौऱ्याच्या खर्चाचा विचार केल्यास नरेंद्र मोदी हे जगभ्रमंती करणारे भारताचे आजवरचे सर्वात खर्चिक पंतप्रधान ठरले आहेत.

मागील ४ वर्षात नरेंद्र मोदींनी ५४ देशांचा दौरा केला आहे. त्यांच्या या ५४ देशांच्या दौऱ्यावर आजवर एकूण १,४८४ कोटी रुपये इतका प्रचंड खर्च झाला आहे. त्यांनी परदेशवारीत केलेल्या एकूण वास्तव्यानुसार त्यांनी तब्बल १२ टक्के वेळ परदेशात व्यतीत केला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.