महात्मा गांधीजींच्या प्रतिमेवर गोळ्या झाडणाऱ्या पूजा पांडेला अटक

नवी दिल्ली : महात्मा गांधीजींच्या प्रतिमेवर गोळ्या झाडणाऱ्या हिंदू महासभेच्या महिला नेत्या पूजा पांडे यांना त्यांच्या पती अशोक पांडेसहीत पोलिसांनी अटक करण्यात आली आहे. ३० जानेवारी रोजी महात्मा गांधीजींच्या ७१ व्या पुण्यतिथीच्या दिवशी त्यांच्या हत्येची घटना पुन्हा जिवंत करण्याचा प्रयत्न हिंदू महासभेकडून केला गेला.

महात्मा गांधीजींच्या ७१ व्या पुण्यतिथीनिमित्त देशभरातून त्यांना आदरांजली वाहिली जात असताना हिंदू महासभेच्या पूजा पांडेने गांधीजींच्या प्रतिमेवर गोळ्या झाडण्याचा विकृत प्रकार केला होता. यूपीतील अलीगढ येथे हा संतापजनक प्रकार घडला. या घटनेविरोधात गुन्हा दाखल झाल्यानंतर पोलिसांनी पूजा पांडेला पती अशोक पांडेसहीत अटक केले आहे.