भंडारा-गोंदियात फेरनिवडणूक घ्या, इव्हीएमसोबत छेडछाड: प्रफुल्ल पटेल

भंडारा-गोंदिया: जगभरातील अनेक देशांनी विशेष करून युरोपिअन देशांमध्ये संबंधित निवडणूक आयोगाने इव्हीएमचा वापर सुरु केला होता. परंतु कालांतराने इव्हीएममधील त्रुटी समोर आल्या आणि त्यांनी पुन्हा मतपत्रिकांचा वापर सुरु केला होता असं प्रफुल्ल पटेल म्हणाले.

भंडारा-गोंदिया लोकसभा पोटनिवडणुकीत मतदानाच्या दिवशी म्हणजे आज सकाळपासून ६ विधानसभा क्षेत्रातील ६४ केंद्रांवर मतदान थांबले होते. त्यातील तब्बल ३४ ठिकाणी मतदान रद्द करण्यात आल्याचे निवडणूक आयोगाकडून राष्ट्रवादीला सांगण्यात आले आहे. निवडणूक अधिकाऱ्यांकडून प्राप्त झालेल्या माहितीनुसार भंडारा-गोंदियामधील जास्त उन्हामुळे इव्हीएमचे सेन्सर्स बंद पडले आहेत. परंतु इतर मशीनच्या बाबतीतसुद्धा तेच घडलं तर तर परिस्थिती अजूनच बिघडेल असं प्रफुल्ल पटेल म्हणाले असून सर्वच व्हीव्हीपॅटमधील पावत्यांची मोजणी व्हावी, अशी मागणी सुद्धा त्यांनी पत्रकार परिषदेत केली आहे.

सध्याची मतदान प्रक्रिया ज्या पद्धतीने सुरु आहे ती रद्द करण्यात यावी. या इव्हीएमवर आम्हाला भरवसा नाही. कारण, या इव्हीएम मशिन्स सुरतवरून आणल्याने त्या व्यवस्थित आहेत की नाही याबाबत आम्हाला शंका आहे, असेही पटेल यावेळी म्हणाले.रफुल्ल पटेल म्हणाले.

EVMs malfunctioning in Bhandara-Gondiya poll. In many big European nations, election commissions have rejected the EVMs and gone back to ballot paper system. SP leader Akhilesh Yadav ji just called me up,he also said 300 EVMs not working in Kairana bypoll: Praful Patel,NCP pic.twitter.com/M8mOsOHNIt

— ANI (@ANI) May 28, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.