'मोदीजी, भारताच्या संस्कृतीत महिलांचा सन्मान घरापासून सुरू होतो': राहुल गांधींचा बोचरा प्रश्न

नवी दिल्ली : काल पंतप्रधान नरेंद्र मोदी यांनी काँग्रेसवर आरोप करताना काँग्रेसवाले महिलांचा अपमान करतात अशी टीका केली होती. त्याला प्रतिउत्तर म्हणून काँग्रेसचे राष्ट्रीय अध्यक्ष राहुल गांधी यांनी ट्विट करून मोदींना प्रश्न विचारून त्यांना चांगलच कोंडीत पकडलं आहे.

‘मोदीजी, आपल्या संस्कृतीत महिलांचा सन्मान आपल्या घरापासून सुरू होतो,’ असं म्हणत काँग्रेस राष्ट्रीय अध्यक्ष राहुल गांधींनी मोदींना सणसणीत टोला हाणला आहे. काँग्रेस महिलांचा अपमान करत आहे, अशी टीका पंतप्रधानांनी काँग्रेसवर केली होती. त्याला राहुल गांधींनी ट्विटरवरून उत्तर देत मोदींना चांगलेच तोंडघशी पाडले आहे.

त्यांनी असं म्हटलं आहे की, ‘मोदीजी! तुमचा संपूर्ण आदर ठेवत सांगतो, आपल्या संस्कृतीत महिलांचा सन्मान हा आपल्या घरातून सुरू होतो. विषय भरकटवू नका. केवळ माझ्या प्रश्नाचं उत्तर द्या…जेव्हा तुम्ही मूळ राफेल लढाऊ विमानांच्या करारात बदल केला, तेव्हा वायूसेना आणि संरक्षण मंत्रालयाने आक्षेप नोंदवला होता का? हो की नाही?’ असा सवाल करत राफेल लढाऊ विमानांच्या करारावरून राहुल गांधींनी पुन्हा एकदा पंतप्रधानांवर जोरदार निशाणा साधला आहे. समाज माध्यमांवर या ट्विटला भरपूर लाईक्स मिळत आहेत.

With all due respect Modi Ji, in our culture respect for women begins at home.

Stop shaking. Be a man and answer my question: Did the Air Force and Defence Ministry object when you bypassed the original Rafale deal?

Yes? Or No? #RafaleScam

— Rahul Gandhi (@RahulGandhi) January 9, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.