तुम्ही पालघरमध्ये माघार घ्या, आम्ही भंडारा-गोंदियात समर्थन देतो: उद्धव ठाकरे

नागपूर : भाजपने पालघर लोकसभा पोटनिवडणुकीसाठी उमेदवारी मागे घेतल्यास शिवसेना भाजपला भंडारा-गोंदिया लोकसभा पोटनिडणुकीत समर्थन देईल असं शिवसेना पक्ष प्रमुख उद्धव ठाकरे यांनी नागपूर दौऱ्यावर आले असता प्रसार माध्यमांशी बोलताना स्पष्ट केलं. लोकसभा निवडणुकीचा अर्ज मागे घेण्याचा आजचा शेवटचा दिवस असल्याने ही शिवसेनेची नवी राजकीय खेळी असल्याचे बोलले जात आहे.

उद्धव ठाकरे सध्या विदर्भाच्या दौऱ्यावर आहेत. त्या दरम्यान त्यांनी आज पत्रकांरांशी संवाद साधला. वस्तूता शिवसेनेने अजूनही भंडारा-गोंदिया लोकसभा पोटनिवडणुकीत उमेदवार दिलेला नाही, तरी सुद्धा उद्धव ठाकरे असं का म्हणाले हे पत्रकारांना समजू शकलं नाही. तसेच त्याबद्दल विचारणा केली असता, २०१९ च्या निवडणुकीची तयारी करायची की पोटनिवडणूक लढवायची अशी द्विधा मनस्थितीत पक्ष अडकल्याने अजून भंडारा-गोंदिया अजून शिवसेनेने उमेदवार दिला नसल्याचं बोललं जात आहे.

पालघर लोकसभा पोटनिवडणुकीत भाजपने राजेंद्र गावित यांची उमेदवारी मागे घेतल्यास आम्ही भाजपला भंडारा-गोंदियात समर्थन देऊ असं शिवसेना पक्ष प्रमुख उद्धव ठाकरे यांनी स्पष्ट केला आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.