सिडको भूखंड घोटाळ्यावरुन शिवसेनेकडून मुख्यमंत्री लक्ष

मुंबई : सामना मुखपत्रात सिडको भूखंड घोटाळ्यावरुन मुख्यमंत्री देवेंद्र फडणवीसांना लक्ष करण्यात आल आहे. सामना अग्रलेखात देवेन्द्र फडणवीसांना फाजील ‘लाड’ भोवल्याचे कागदोपत्री दिसून येत असल्याचा उल्लेख करण्यात आला आहे. स्वच्छ पारदर्शक कारभाराचे धडे देत एकनाथ खडसे यांना भूखंड घोटाळ्यावरुन मुख्यमंत्री देवेन्द्र फडणवीसांनी घरी बसवलं होत याची आठवण सुद्धा करून देण्यात आली आहे.

देवेन्द्र फडणवीसांनी जसे एकनाथ खडसे यांना घरी बसवले होते. कारण होत स्वच्छ पारदर्शक कारभाराच, मग आता देवेद्र फडणवीसांना एकनाथ खडसेंना पुन्हा मंत्रिमंडळात सामील करून घ्यावं लागेल नाहीतर फडणवीसांना ‘स्वच्छ’ होऊन जनतेसमोर यावे लागेल, असा टोला लगावला आहे.

काही दिवसापूर्वी काँग्रेसने आरोप केला होता की, मुख्यमंत्री देवेंद्र फडणवीसांच्या सहमतीने राज्य सरकारचा हा १७६७ कोटी रुपयांचा घोटाळा करण्यात आला आहे’. राज्यात कोयना धरणग्रस्तांच्या नावाने मंजूर केलेली २४ एकर जमीन राजकीय वरदहस्ताने बिल्डरच्या घशात घातली गेल्याचा घणाघाती आरोप काँग्रेसकडून करण्यात आला आहे.

त्यामुळे विरोधकांच्या आरोपाचा शिवसेना सुद्धा फायदा उचलत असून थेट मुख्यमंत्री देवेंद्र फडणवीसांना लक्ष करण्यात आलं आहे. त्यामुळे मुख्यमंत्री आता काँग्रेस सोबतच मित्रपक्ष शिवसेनेला सुद्धा काय उत्तर देणार ते पाहावे लागेल.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.