सरकारचा कारभार गचाळ, ढिसाळ आणि बेफिकिरीचा; शिवसेना

मुंबई : सभागृहातील गुजराती अनुवादावरून शिवसेनेने भाजपवर सामना दैनिकातून बोचरी टीका केली असून सरकारचा कारभार गचाळ, ढिसाळ आणि बेफिकिरीचा असल्याचे हे उत्तम उदाहरण असल्याचे म्हटले आहे. तरी दुसऱ्या बाजूला ऐकू आलेला अनुवाद गुजराती असल्याचा विरोधकांचा आरोप सुध्दा सामानातून खोदून काढण्यात आला आहे आणि भाजपची अप्रत्यक्ष पाठराखण सुध्दा केली आहे.

सामना दैनिकातून भाजपवर जोरदार टीका करण्यात आली असून, महाराष्ट्रात सध्या जो तमाशा चालू आहे ते पाहून संयुक्त महाराष्ट्राचे १०५ हुतात्मे सुद्धा स्वर्गात अस्वस्थ झाले असतील. भाजपचेच नगरचे उपमहापौर छत्रपती शिवाजी महाराज्यांच्या बाबतीत अपशब्द वापरतात. त्यानंतर उपमहापौरांची हकालपट्टी होते आणि आता तर छिंदमवर देशद्रोहाचा गुन्हा दाखल होणार आहे. महाराज्यांचा अपमान करणाऱ्यांना दयामाया नाही परंतु छिंदम प्रकरणात जशी लपवालपवी आणि बनवाबनवी झाली झाली तशीच अणखी एक बनवाबनवी मराठी भाषेच्या संदर्भात सुरु आहे.

अशाप्रकारे संधी मिळताच शिवसेनेने सामानातून भाजपवर चांगलेच तोंडसुख घेतले आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.