‘माझा पक्ष रिजनल असला, तरी ओरिजनल आहे’; उद्धव ठाकरेंची मनसे अध्यक्षांवर अप्रत्यक्ष टीका

मुंबई : शिवसेनेचं मुखपत्र असलेल्या ‘सामना’ वृत्तपत्राला दिलेली उद्धव ठाकरेंची आज दुसरी मॅरेथॉन मुलाखत प्रसीद्ध झाली. यामध्ये मुंबई महानगरपालिकेमध्ये महाराष्ट्र नवनिर्माण सेनेचे नगरसेवक फोडण्याच्या आरोपावर उद्धव ठाकरे यांनी उत्तर दिल. मागील वर्षी मुंबई महानगरपालिकेतील महाराष्ट्र नवनिर्माण सेनेचे ६ नगरसेवक शिवसेनेत दाखल झाले. यावरुन मनसे अध्यक्ष राज ठाकरेंनी शिवसेनेवर घणाघाती टीका केली होती. तसेच ही घटना मी कधीही विसरणार नाही, अशी संतप्त प्रतिक्रिया त्यावेळी राज ठाकरे यांनी प्रसार माध्यमांशी बोलताना दिली होती.

मॅरेथॉन मुलाखतीतील संजय राऊतांच्या या प्रश्नाला नेमकं काय उत्तर दिल उद्धव ठाकरे यांनी;

उद्धव ठाकरे म्हणाले की ,’माझी पार्टी शिवसेनाप्रमुखांनी दुसऱ्याचा पक्ष फोडून स्थापन केलेली नाही. ती शिवसेना म्हणूनच स्थापन झाली आणि शिवसेना म्हणूनच आहे आणि ती शिवसेना म्हणूनच राहील. तिने तिचं कधीही नाव, नेता किंवा निशाण बदललं नाही आणि दुसरा पक्ष फोडून त्यांनी स्वतःचा पक्ष स्थापन नाही केला. मुळामध्ये जो पक्ष माझा पक्ष फोडण्याचा प्रयत्न करूनच स्थापन झाला होता तो पक्ष फुटला म्हणजे नेमकं काय झालं? माझं म्हणणं हेच आहे की मुळातच माझं जे तुम्ही घेऊन गेला होतात ते माझ्याकडे परत आलं असेल तर मी कुठे काय फोडलं? विचार तोच, माणसं तीच, नवीन काय केलंत? निर्माण काय केलंत?’.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.