बेस्ट संप: राऊतांना संगीत व संप यातला फरक कळतो का? 'बेस्ट'च्या संपावर संगीतमय 'चेष्टा'

मुंबई : मागील ५ दिवसांपासून बेस्टचा संप सुरु असून, त्यामुळे बेस्टचे कर्मचारी, त्यांचे कुटुंबीय आणि सामान्य मुंबईकर असे सर्वच हैराण झाले असताना शिवसेनेचे आणि मुंबई महापालिकेतील सत्ताधारी पक्षाचे खासदार संजय राऊत यांच्याकडून संताप जनक प्रतिक्रिया आली आहे.

कारण, पाच दिवसांपासून सुरु असलेल्या संपा विषयी जेव्हा पत्रकारांनी त्यांना प्रश्न विचारला तेव्हा त्यांनी जी प्रतिक्रिया दिली, त्याने सर्वच थरातून त्यांच्यावर टीकेचा भडीमार करण्यात येतो आहे. कारण ‘ठाकरे’ सिनेमाच्या म्युझिक लाँचवेळी पत्रकारांनी बेस्टच्या संपाबाबत त्यांना विचारले असता, या चित्रपटाचे संगीत ‘बेस्ट’ झाल्याचे म्हटले आहे.

दरम्यान, राऊत यांनी असे उत्तर दिले असता उपस्थितांमध्ये शिवसैनिकांमध्ये सुद्धा हशा पिकल्याचे पाहायला मिळाले. बेस्ट उपक्रमाच्या तब्बल २७ आगारांमध्ये कर्मचाऱ्यांनी ४ दिवसांपासून ठिय्या दिला आहे. त्यात बेस्टच्या संपामुळे मुंबईकरांचे सुद्धा हाल झाले आहेत आणि प्रवासादरम्यान त्यांना अधिकचा पैसा सुद्धा खर्च करावा लागत आहे. अशा मध्ये शिवसेना मात्र या गंभीर विषयावर केवळ टोलवाटोलवी करणारी उत्तर देत आहे. विशेष म्हणजे कोर्टाने सरकारचे कान उपटल्यानंतरच राज्य सरकारकडून संपावर तोडगा काढण्यासाठी थोड्या हालचाली सुरू झाल्या आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.