सेना आमदार उदय सामंत म्हाडा अध्यक्ष, हा योगायोग? सेना शाखाप्रमुखाला ५ कोटींची दोन घरे!

मुंबई : माजी खासदार निलेश राणे यांनी काही दिवसापूर्वीच मुंबई म्हाडाचे अध्यक्ष आणि शिवसेना आमदार उदय सामंत यांच्याबाबत एक ट्विट केलं होतं. दरम्यान, काल घोषित झालेल्या नशीबवान उमेदवारांमध्ये खरी लॉटरी लागली आहे ती शिवसेनेच्या एका शाखाप्रमुखाला. इथे खरी लॉटरी लागली आहे ती शिवसेना खासदार, नगरसेवक आणि शाखाप्रमुख यांची असंच म्हणावं लागेल. कारण म्हाडाच्या इतिहासातील ग्रँट रोड येथील ५ कोटी किंमत असलेल्या दोन घरांसाठी शिवसेना शाखाप्रमुख विनोद शिर्के यांना खरी लॉटरी लागली आहे. तर शिवसेनेचे नाशिकचे खासदार हेमंत गोडसे यांना लोअर परळ येथील ९९ लाखांच्या घराची लॉटरी लागले आहे.

म्हाडाच्या मुंबई मंडळाद्वारे १ हजार ३८४ घरांची सोडत रविवारी काढण्यात आली. वांद्रे पूर्व येथील म्हाडा मुख्यालयात ही सोडत काढण्यात आली. यंदाच्या सोडतीत मुख्य आकर्षण ठरले ते उच्च उत्पन्न गटातील पाच कोटींची घरे. म्हाडाच्या सोडतीच्या इतिहासात प्रथमच ५ कोटी किंमत असलेल्या घरांचा समावेश करण्यात आला होता. त्यामुळे ही कोट्यवधींची घरे कुणाचा नशिबात आहेत याची उत्सुकता होती.

शिवसेनेच्या विनोद शिर्के यांनी ५ कोटी ८० लाख आणि ४ कोटी ९९ लाखांच्या महागड्या घरांसाठी म्हाडाकडे अर्ज केला होता. विशेष म्हणजे या दोन्ही घरांच्या बाबतीत शिवसेनेचे शाखाप्रमुख विनोद शिर्के यांची लॉटरी लागल्याने आश्चर्य व्यक्त करण्यात येत आहे.

नेमकं ट्विट केलं होतं माजी खासदार निलेश राणे यांनी?

मी सांगितलं होतं हा म्हाडा अध्यक्ष लबाड लांडगा आहे. दोन महिन्यात ह्याचे सर्व प्रकार बाहेर काढतो मी. बगत रहा. https://t.co/s0oiIXHBmI

— Nilesh N Rane (@meNeeleshNRane) December 16, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.