गुजरात दंगल: सुप्रीम कोर्टात १९ नोव्हेंबरला सुनावणी, मोदी अडचणीत?

नवी दिल्ली : गुजरातमध्ये गोध्रा कांडानंतर मोठी जातीय दंगल उसळली होती. दरम्यान, या प्रकरणी तत्कालीन मुख्यमंत्री नरेंद्र मोदी यांना आधीच क्लिन चिट देण्यात आली होती. तसेच याच प्रकरणात प्रमुख आरोपी नरेंद्र मोदी आणि इतरांना एसआयटीने दिलेली क्लिन चिट गुजरात हायकोर्टाने कायम ठेवली होती. परंतु गुजरात हायकोर्टाच्या निर्णयाविरुद्ध झकिया जाफरी यांनी सुप्रीम कोर्टात आव्हान दिले होते. त्यानुसार मंगळवारी झकिया जाफरी यांच्या याचिकेवर सुनावणी करताना न्यायमूर्ती. ए. एम. खानविलकर यांच्या पीठाने १९ नोव्हेंबरला पुन्हा सुनावणी होणार असल्याचे म्हटले आहे.

दरम्यान, याच प्रकरणी ५ ऑक्टोबर २०१७ मध्ये गुजरात हायकोर्टाने गुजरात दंगलीची पुन्हा चौकशी होणार नाही असे स्पष्ट म्हटले होते. त्यानंतर झकिया जाफरी यांनी यामागे मोठा राजकीय षडयंत्र असल्याचे कोर्टाच्या निर्दशनास आणून दिले होते. परंतु, हायकोर्टाने हे मानण्यास स्पष्ट नकार देत सुप्रीम कोर्टात अपील करण्याचा पर्याय खुला असल्याचे म्हटले होते.

माजी दिवंगत खासदार अहसान जाफरी यांच्या पत्नी झकिया तसेच सामाजिक कार्यकर्त्या तिस्ता सेटलवाड यांची स्वयंसेवी संस्था सिटीजन फॉर जस्टिस अँड पीसने या दंगलीमागे मोठे राजकीय षडयंत्र असल्याचा थेट आरोप करत तत्कालीन मुख्यमंत्री आणि सध्याचे पंतप्रधान नरेंद्र मोदींच्या क्लिन चिट याचिकेवर पुनर्विचार याचिका दाखल केली होती ज्यावर आता १९ तारखेला सुनावणी होणार असल्याचे वृत्त आहे.

Supreme Court to hear on 19th November a plea by filed by Zakia Jafri, widow of former Congress MP Ehsan Jafri, challenging clean chit given by the Special Investigation Team (SIT) to PM Narendra Modi, other top politicians and bureaucrats in the 2002 Gujarat riots.

— ANI (@ANI) November 13, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.