धक्कादायक! केंद्र सरकारने विद्यार्थ्यांना वाटलेल्या टॅबलेटमध्ये प्रिलोडेड अश्लील फोटो: ANI

रांची : छत्तीसगडमधील शहरांबरोबरच ग्रामीण भागातील सरकारी शाळांना केंद्र सरकारने वाटलेल्या टॅबलेटमध्ये अश्लील फोटो प्रिलोडेड असल्याच उघड झालं आहे. केंद्र सरकारकडून सरकारी शाळांमधील विद्यार्थ्यांची व शिक्षकांच्या हजेरीचा तसेच दैनंदिन कामाचा तपशील ठेवण्याच्या उद्देशाने हे टॅबलेट वाटण्यात आले होते. परंतु त्यातील ही धक्कादायक गोष्ट उघड झाल्याने सर्वांनाच आश्चर्याचा धक्का बसला आहे.

केंद्राने दिलेले हे टॅबलेट सुरु करताच सर्वप्रथम अश्लील फोटो दिसत असल्याचे निदर्शनास आले असून, लहान मुलं आणि मुलींना याबद्दल बोलताना सुद्धा अवघड जात आहे असं शाळांचं म्हणणं आहे. छत्तीसगड क्षेत्राचे क्लस्टर रिसोर्स कॉर्डिनेटर असलेल्या गौरांग मिश्रा यांनी एनएनआय या वृत्तसंस्थेला या संबधित प्रकाराची माहिती पुरवली आहे. त्यामुळे शिक्षण क्षेत्रात खळबळ माजली आहे. या समस्येवर निदान शोधण्यासाठी शाळांना ते टॅबलेट ऑफलाइन वापरण्याच्या सूचना देण्यात आल्या आहेत.

मोदी सरकारच्या केंद्रीय मनुष्यबळ विकास मंत्रालयाने या वर्षाच छत्तीसगडमधील सरकारी शाळांमध्ये या टॅबलेटचे वाटप केल होत. या टॅबलेटची किंमत १०,००० रुपये इतकी होती. मोदी सरकारने हे टॅबलेट विद्यार्थ्यांना वाटले खरे परंतु ते देण्यापूर्वी कोणतीही शहानिशा सरकारकडून करण्यात आली नाही असं विरोधक टीका करतांना म्हणत आहेत. सरकार देशातील शिक्षण व्येवस्थेच्या बाबतीत किती उदासीन आहे हेच या उदाहरणावरून बोलता येईल अशी प्रतिक्रिया सर्वच थरातून येत आहे.

Bastar: Chhattisgarh schools complain that tablets given to them to track attendance of teachers&students online,show obscene pictures on screen when device is started.Cluster Resource Coordinator says’We’re working,it’ll be rectified soon.Asked schools to work offline till then’ pic.twitter.com/g2otr5oemz

— ANI (@ANI) July 31, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.