युवासेना अध्यक्ष आदित्य ठाकरे निवडणूक लढणार नाहीत

मुंबई : युवासेना अध्यक्ष आदित्य ठाकरे यांना लोकसभा निवडणुकीच्या रिंगणात उतरविण्याचा विचार गांभीर्याने सुरू असल्याच्या चर्चेस उधाण आले होते. ते आगामी लोकसभा निवडणूक लढवणार असे वृत्त विविध वृत्तपत्रांमध्ये छापून आले मात्र या वृत्ताचे खंडन करत आदित्य ठाकरे निवडणूक लढणार नसल्याने मातोश्रीवरून स्पष्ट करण्यात आले आहे.

आदित्य हे मुंबई उत्तर-मध्य मतदारसंघातून निवडणूक लढवू शकतात, अशी चर्चा होती. या मतदारसंघात भाजपाच्या पूनम महाजन विद्यमान खासदार आहेत. परंतु, आता आदित्य ठाकरे निवडणूक लढणार नसल्याचे स्पष्ट झाले आहे.