PPF Scheme | सरकारी PPF योजना ठरेल फायद्याची, अवघी 100 रुपयांची गुंतवणूक 10 लाख रुपयांचा परतावा देईल

PPF Scheme | नोकरी करणारा प्रत्येक व्यक्ती आपल्या पगारातील काही रक्कम वेगवेगळ्या योजनांमध्ये किंवा बँकांतील एफडीमध्ये गुंतवत असतो. काहीजण इमर्जन्सी फंड तयार करून ठेवण्याचा प्रयत्न करत असतात तर काहींना रिटायरमेंट फंडासाठी एकच चांगली योजना हवी असते. अशा पद्धतीने जेवतो आपापल्या परीने गुंतवणूक करण्याचा प्रयत्न करत असतो. तुम्हाला दीर्घकाळासाठी गुंतवणूक करायची असेल आणि रिटायरमेंटल फंड तयार करायचा असेल तर, तुमच्यासाठी पीपीएफ म्हणजेच ‘पब्लिक प्रॉव्हिडेंट फंड’ ही योजना अत्यंत फायदेशीर ठरू शकते.

पीपीएफ योजनेचे व्याजदर :
पब्लिक प्रॉव्हिडंट फंड ही योजना 7% टक्क्यांपेक्षाही अधिक व्याज देण्याचा प्रयत्न करते. सध्याच्या घडीला सगळीकडे महागाई वाढली आहे. कोणतीही गोष्ट किंवा वस्तू घेताना 100 वेळा विचार करावा लागतो. अशातच गुंतवणूक क्षेत्रात उतरल्यावर व्यक्तीला असं वाटतं की, आपण मोठी रक्कम गुंतवली तरच आपल्याजवळ भविष्यासाठी निधी तयार होईल. परंतु असं काहीही नाही. तुम्ही अगदी 100 रुपयांची रक्कम गुंतवून देखील तब्बल 10 लाख रुपयांचा फंड तयार करू शकता.

15 वर्षानंतर मिळेल कंपाऊंडिंगचा लाभ :
पीपीएफ योजना 15 वर्षांच्या मॅच्युरिटी पिरियडवर अवलंबून असते. म्हणजे तुम्ही एकूण 15 वर्ष योजनेमध्ये एक ठराविक रक्कम प्रत्येक महिन्याला गुंतवून मोठा निधी तयार करू शकता. बाजारामध्ये देखील दीर्घकालीन गुंतवणुकीचे अनेक पर्याय पाहायला मिळतात परंतु पीपीएफ योजना तुम्हाला सुरक्षा प्रधान करते. पंधरा वर्ष पूर्ण झाल्यानंतर व्यक्तीला आणखी पैशांची गुंतवणूक करायची असेल तर, तो पीपीएफ योजना आणखीन 5 वर्षांसाठी वाढवू शकतो.

अशी होईल 10 लाखांची रक्कम तयार :
10 लाखांची रक्कम तयार करण्यासाठी गुंतवणूकदाराला 15 वर्षांमध्ये प्रत्येक महिन्याला 3000 रुपयांची मासिक गुंतवणूक करावी लागेल. दिवसाला 100 रुपयांची बचत केली तर, एका महिन्यात 3000 रुपये अगदी आरामात जमा होतात. प्रत्येक महिन्याला 3000 रुपयांची बचत केल्यानंतर वर्षभरात तुमच्या खात्या 36000 रुपयांची रक्कम तयार होते. योजनेला 15 वर्ष पूर्ण झाल्यानंतर तुमच्या खात्यात 9,76,370 रुपये जमा होतील. यामधील तुम्ही केलेली गुंतवणूक 5.40 लाख रुपये असेल आणि तुम्ही व्याजाने कमावलेली रक्कम 4,36,370 रुपये असेल.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Latest Marathi News | PPF Scheme Wednesday 05 February 2025 Marathi News.