शौर्य दिनाच्या दिवशी मिलिंद एकबोटे आणि संभाजी भिडे यांना पुणे जिल्हाबंदी

पुणे: हिंदू एकता आघाडीचे मिलिंद एकबोटे आणि शिव प्रतिष्ठानचे संभाजी भिडेंसह १६३ जणांना पुणे जिल्हाबंदी करण्यात आली आहे. कोरेगाव भीमा येथे एक जानेवारीला होणाऱ्या विजयस्तंभ अभिवादन समारंभाच्या पार्श्वभूमीवर पुणे ग्रामीण पोलिसांनी हा निर्णय घेतला आहे. तसेच चार तालुक्यांमध्ये कलम १४४नुसार जमावबंदी लागू करण्यात आली आहे. दरम्यान, १ जानेवारी २०१८ रोजी पुणे जिल्ह्यातल्या कोरेगाव भीमामध्ये हिंसाचार झाला होता. या प्रकरणी संभाजी भिडे गुरूजी व मिलींद एकबोटे यांच्याविरोधात गुन्हे दाखल करण्यात आले आहेत.

१ जानेवारी २०१८ रोजी कोरेगाव-भीमा या ठिकाणी घडलेल्या दंगलीच्या पार्श्वभूमीवर जिल्हा पोलिसांकडून आदेश काढण्यात येणार आहे. १ जानेवारीला विजयस्तंभाला अभिवादन करण्यासाठी लाखो लोक कोरेगाव-भीमा या ठिकाणी येत असतात. हा कार्यक्रम सुरळीतपणे पार पडावा यासाठीच नियोजन जिल्हा प्रशासनाकडून करण्यात येतं आहे. रविवारी पुण्यात याबाबत बैठक झाली. या बैठकीत पोलीस अधीक्षक संदीप पाटील यांनी एकबोटे आणि भिडे यांना जिल्हा बंदी करणार असल्याची माहिती दिली.

१ जानेवारीला हा कार्यक्रम असल्याने जिल्हाधिकारी नवल किशोर राम आणि पुणे ग्रामीण पोलीस अधीक्षक संदीप पाटील हे या भागाची रोज पाहणी करत आहेत. कोणताही अनुचित प्रकार आढळल्यास ९८६०२७२१२३ व ०२१३७२८६३३३ या क्रमांकांवर संपर्क साधण्याचे आवाहन शेलार यांनी केले आहे.

तत्पूर्वी कोरेगाव भीमा येथील हिंसाचारानंतर अर्बन नक्षल असल्याच्या आरोपाखाली सुधा भारद्वाज यांच्यापासून ते शोमा सेन यांच्यापर्यंत अनेक नामवंत बुद्धिवंत, काही वकील व दलित हक्कांसाठी लढणाऱ्या कार्यकर्त्यांना पोलिसांनी पकडले होते. आनंद तेलतुंबडे व गौतम नवलाखांसारख्या बुद्धिवंतांचाही ताबा घेण्यासाठी पोलिस न्यायालयात गेलेले आहेत.

फडणवीस यांच्या नेतृत्वाखालील सरकारने या प्रकरणी पोलिसांना पूर्ण कारवाईची पूर्ण मोकळीक दिली होती. मात्र या प्रकरणी नक्की नक्षलवादी संघटनेशी कुणाचे संबंध आहेत व कुणाचे नाहीत याची योग्य ती शाहनिशा करण्याऐवजी नक्षलवादाबाबत अभ्यास करत असल्याचा दावा करणाऱ्या या एका एनजीओची मदत घेण्यात आल्याचे आता गृह खात्यातील काही अधिकाऱ्यांनी पवारांच्या कानावर घातले आहे. त्यामुळे या प्रकरणाला वेगळीच कलाटणी मिळण्याची शक्यता असल्याचे दिसते.

Web Title:  Bhima Koregaon Shaurya Din Milind Ekbote and Sambhaji Bhide Banned in Pune by district Police.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.