चंपा'चे ते वक्तव्य म्हणजे सूर्यावर थुंकण्यासारखे आहे | उपमुख्यमंत्री संतापले

पुणे, २२ नोव्हेंबर: पुणे पदवीधर आणि शिक्षक मतदारसंघातील भारतीय जनता पक्षाच्या उमेदवारांच्या प्रचारासाठी शनिवारी पुण्यात ओबीसी मेळावा पार पडला. या मेळाव्यात बोलताना भारतीय जनता पक्षाचे प्रदेशाध्यक्ष चंद्रकांत पाटील यांनी राष्ट्रवादीचे सर्वेसेवा शरद पवार यांच्यावर टीका केली होती. ‘राजकारणात येण्याआधी मला शरद पवार मोठे नेते वाटायचे. पण, राजकारणात आल्यावर समजले की, शरद पवार खूप छोटे नेते आहेत. त्यांचा अभ्यास नसतो’, असे विधान चंद्रकांत पाटील यांनी केले होते.

त्याच दरम्यान देवेंद्र फडणवीस यांच्या नेतृत्वाचं पाटील यांनी मोठं कौतुक केलं होतं. फडणवीस हे अभ्यासू नेते आहेत. मराठा समाजाला आरक्षण देताना ओबीसी समाजाच्या आरक्षणाला धक्का लागणार नाही, याची पूर्ण दक्षता त्यांनी घेतली. यासाठी खोलात जाऊन त्यांना कायद्याचा अभ्यास केला. असे असताना आरक्षणाच्या मुद्द्यावरून समाजांत अंतर निर्माण करण्याचे काम काही लोक करत आहेत. असे विष कालवणाऱ्यांचा शर्ट धरला पाहिजे, असे देखील चंद्रकांत पाटील म्हणाले होते. मात्र त्यानंतर पाटील यांच्या या विधानावर राष्ट्रवादीतून तीव्र प्रतिक्रिया उमटत आहेत.

राज्याचे उपमुख्यमंत्री अजित पवार यांनी चंद्रकांत पाटील यांना जोरदार प्रतिउत्तर दिलं आहे. ‘शरद पवार साहेबांचे महाराष्ट्राच्या जडणघडणीमध्ये मोठे योगदान आहे. देश पातळीवर निर्णय घेतानाही त्यांच्याशी चर्चा केली जाते. त्यामुळेच ‘चंपा’चे वक्तव्य म्हणजे सूर्यावर थुंकण्यासारखे आहे’, अशा कठोर शब्दांत उपमुख्यमंत्री अजित पवार यांनी भारतीय जनता पक्षाचे प्रदेशाध्यक्ष चंद्रकांत पाटील यांना फटकारले.

News English Summary: An OBC meet was held in Pune on Saturday to campaign for the Bharatiya Janata Party candidates in the Pune Graduate and Teachers constituency. Speaking at the rally, Bharatiya Janata Party state president Chandrakant Patil had criticized NCP’s Sarveseva Sharad Pawar. ‘Before entering politics, I used to think Sharad Pawar was a great leader. But, when I came into politics, I realized that Sharad Pawar is a very small leader. They have no study ‘, was the statement made by Chandrakant Patil.

News English Title: Deputy Chief Minister Ajit Pawar slams Chandrakant Patil statement over NCP president Sharad Pawar news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.