राष्ट्रवादी काँग्रेसच्या आणखी एका नगरसेवकाचं निधन

पिंपरी चिंचवड, ३१ जुलै : पिंपरी चिंचवड महापालिकेतील राष्ट्रवादी काँग्रेसच्या (NCP) आणखी एका नगरसेवकाचं आज निधन झालं आहे. जावेद शेख असं आज निधन झालेल्या नगरसेवकाचं नाव आहे. शेख हे राष्ट्रवादीचे नेते आणि उपमुख्यमंत्री अजित पवार यांचे निकटवर्तीय म्हणूनही परिचित होते.

जावेद शेख यांना १६ जुलै रोजी कोरोनाची लागण झाली होती. त्यानंतर त्यांच्यावर उपचार करण्यात आले. उपचारानंतर केलेल्या चाचणीनुसार त्यांचा कोरोनाचा अहवाल निगेटीव्ह आला होता. मात्र त्यांची प्रकृती अतिशय खालावली होती. शिवाय ते किडनीच्या आजारानेही त्रस्त होते. त्यामुळे त्यांना तातडीने पुण्यातील खासगी हॉस्पिटलमध्ये हलवण्यात आले. मात्र आज संध्याकाळी उपचारा दरम्यान त्यांचा मृत्यू झाला.

तत्पूर्वी ठाण्यातील राष्ट्रवादी काँग्रेसचे ज्येष्ठ नगरसेवक मुकुंद केणी यांचे कोरोनामुळे निधन झालं होतं. मुकुंद केणी हे ठाण्यातील गरजू लोकांना मदत करत होते. याच दरम्यान, त्यांना कोरोनाची लागण झाली. २७ मे रोजी ही बाब निदर्शनास आली. त्यानंतर त्यांच्यावर ठाण्यातील हॉस्पिटलमध्ये उपचार सुरू होते. 9 जून रोजी रात्री त्यांची तब्येत अचानक खालावली. त्यामुळे उपचारादरम्यान पहाटे 3 वाजेच्या सुमारास त्यांची प्राणज्योत मालवली होती.

News English Summary: Another NCP corporator from Pimpri Chinchwad Municipal Corporation has passed away today. The name of the corporator who passed away today is Javed Sheikh. Sheikh was also known to be close to NCP leader and Deputy Chief Minister Ajit Pawar.

News English Title: Pimpari Chinchwad NCP Corporator Javed Shaikh passed away News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.